هذي مجموعة رسوم حائطية اتمنى تعجبكم..
1-هنا تم رسم اشجار على الحائط ,باحجام مختلفة ,ونرى التناغم بين الشكل المرسوم وديكور المكان..

-----
2-هنا ظهر الرسم وكأنه ديكور جبس حقيقي رائع جدا..

------
3-هنا تم رسم الجدار بالكامل , وظهر ديكور الحمام وكأنه من العصور الوسطى..تصميم جديد ومميز

--------
4- تم رسم ستارة اعلى الحائط فظهرت كانها حقيقة..

-----
5- ظهرت غرفة النوم على بساطتها , جميلة جدا بعد الرسم الرائع على الحائط..

-------
6- نفس الحائط لكن يظهر الرسم بصورة اكبر..

--------
يتبع

- هنا تم طلاء الحائط بهذا اللون ثم رسمت مزهريتان عليه بدقة ...

------
8-

-----
9-الوان هادئة ومناسبة لكثير من اثاث المنزل..

-------
10-رائع ..رائع ..رائع

--------
نفس المكان لكن من زاوية اخرى..

-------
11- في هذه الصورة تم رسم اطر للشبابيك مزخرفة ,وبينها اعمدة رومانية ..جميلة جدا..

------
12- نفس الصورة لكنها اقرب كثيرا من الاولى..

------
13- تم رسم ستارة على الحائط , ظهرت كأنها حقيقية ..

-----
14- وهذه ستارة اخرى تم رسمها كاملة على الحائط..

-------
ايش رايكم عجبتكم ..حلوة صح..
تحياتي..

الله يعطيك العافية ..شمولــة ويجعل لك بكل كبسة زر أجر..اللهم آمين....
بصراحة الفكرة مررررة حلوة..بس اعتقد( من خبرتي اللي على الزيرو) انها تقيدك بلون الأثاث ويمكن موديله( فخم،حديث،بسيط،.....الخ) لكن تبقى روعة وممكن توفر عليك شراء مزهرية أو ستارة...
والله نففففففففففسي ارسم على جدار احس انه امتع من الورق والكانسون والقماش كمان لكن من بيخليني البط له جدرانه؟؟ لا يسمعوني اخواني اكييييييييييد بيخبون الألوان عني خصوصاً انه لي سنة كااااااااملة ما رسمت
اذا ما عليك كلافة شمولة..ممكن تشوفيلنا رسمات زيادة بس تكون ابسط يعني بمستوى مبتدئين مو محترفين...براسي موال ..الله يعين جدران بيتنا..والا شرايك؟؟

هلا فيك يانيو موون ..
الله يسعدك ضحكتيني على وش الصبح ,...(براسي موال ) مدام براسك موال شوفي شغلك ,استلمي حدا الجدران , وطلعي مواهبك عليه ..قبل لاتبدأالدراسة ,على فكرة ايش اخبار القبول طلعت النتيجة ولا لسى ...
اذا تبين رسمات جديدة لما ارجع باذن الله من الاجازة..
تحياااااتي..

صبحك الله بالخير شمولــة..ياحبيبتي تروحين وترجعين بالسلامة...ياااااارب
اخبار القبول...الحمد والشكر لله ...مرة حلوة
حطوني في كلية العلوم..يعني لاطب ولا ديكور ولاخرابيطهم...احسن صح؟؟
بس عاد دعواتك ربي يجمعني بأحد يساعدني على الدعوة لحالي جبانة شوي!!!(بس احياناً اتجرأ)
وتعرفين الجامعة مكان محتااااااااااج دعوة..ودعوة قوية كمان..الله يعين.
بالنسبة لمواويلي...لالا بلاش جدران البيت ..اخاف اهلي ينصدمون ويودوني شهــاررررر
احسن واسلم شيء ادورلي بلكاشة من الحوش..واطلعلك الابداعات عليها...المهم ما اروح شهار
وياحليل البلكاش...عملي جدًااااا

شمولة ..اذا ناويه ترجعين من اجازتك ان شاء الله قبل 1-8 ( مدري كم يوافق بالهجري) خبريني
وبالسلااااااامة

صباح النور ...
الله يسلمك يارب , ومبروك على القبول والله يكتب لك التوفيق والنجاح في الدنيا والاخرة..اميييين
دائما الخيرة فيما اختاره الله ..
الحين تبين تضيعين وقتك على بلكاشة ,ارسمي على الجدار وايش ماطلع يعتبر فن , ولو انك في الدول الاجنبية كان يشوفون رسمك شي خيال, ويسوون على جدار بيتكم مزاد بعد .. -------
اجازتي باذن الله شهر ونص ,عاد احسبيها انتي ,يمكن اول سبعة انشاء الله ارد منها..بس لاتخافون باذن الله اشقر عليكم
-------

شمولــة..عيوني سألتك عن الاجازة عشان .....
اشتراكنا بالنت راح يخلص براس الشهر الميلادي الجاي.....بيني وبينك....








الاشتــراك.....














مجاني



وحفاظاً على مستوى( الميزانية العامة للدولــة)
ماراح نجدد..وراح يقتصر استخدامي للنت في الجامعة وبس ان شاء الله بس ما استغني عن المنتدى الأول والوحيد الذي شاركت فيه وعلى كثر ما شفت ولفلفت ...ما لقيت زيه وزي الأعضاء الرائعين الحبوبين المحترميييين اللي خلونا نحس انه بيتنا الثاني
واللي خلاني اقوللك.. شوفي متى تبدأ الدراسة.. يعني راح اغيب فترة وحتى لما ارجع راح تكون مشاركاتي مختصرة...كان في جعبتي الكثيييير ..بس ما لقيت وقت
فكرت اكتب موضوع مستقل وداع ...بس شكله ما احد درى اني جيت عشان يدرون اني رحت
عموماً عزيزتي ..يشهد الله اني حبيتك فيه..سبحانه..وحسيت انك اختي ...مع السلامة وسلمي لي على ديــم

ليييييييييييييييييييييييييييييه , تبين تتركينا , وبعدين الدراسة لسى باقي عليها شهرونص بعد..
تقدرين تصبرين عن اخواتك كل هالمدة..
--------
اختي الغالية احبك الله الذي احببتني فيه ..
الله يوفقك ويكتب لك الخير ..
وننتظر مشاركاتك اختي مع اني ماراح اكون موجودة بصفة مستمرة..sid sid sid
في امان الله ..

اختي يعطيكي الف مليون عافيه مشاركه مررررره حلوه تسلمي عليها ونتمنى منك اكثر واكثر وصدقيني انا اول مره اشارك في هذا المنتدى الرائع ولكن احببت المنتدى واحببت اعضائه احس انكم صديقااااااات اعرفهم من زمان