" ماذا لو تكلم الكفن"

السلام عليكم ورحمه الله وبركاته

مطمنيين ليه محدش فينا وقف يفكر كده احنا مبنفكرش ليه حدفينا يقف يفكر كلمة سرطان لما بتتقال قدام حد مننا بيترعب بيترعب ليه ؟ ياااااااااه دا بيحسوا بألآم فظيعه طب كلمة موت لما بتتقال قدامك ما بتترعبش ليه من الم الموت ؟ كلمة سجن لما بتتقال قدامك يااااااه دا ضيق وحبسه وضالمه طب كلمة قبر لما بتتقال قدامك ليه ما بتترعبش من الحبسه والضالمه اللى فيه ؟ كلمة النور هيتقطع لما النور بيتقطع على حد مننا الوقتى يعنى بعضنا وهو قاعد لوحده فى الشقه ممكن يترعب ويتفزع طب انت مفكرتش انك انت هتتحط فى مكان الظلمه اللى فيه ملهاش مثيل على وجه الارض وهتسكن فيها ليوم القيامه ؟ احنا يا جماعه لما بنسمع كلمة امتحان بيجى الوجل فى قلوبنا والرعب ليه ؟ امتحان يا اخى تخيل لو جيت لواحد منكوا كده فى ثانويه عامه مثلا مثلا قلتله تتصور ان بكره امتحان ثانويه عامه بكره ؟ بكره تخيل هيعمل ايه واسرته هيبقى حالها ايه ؟ وبيتوع ثانويه عامه هيبقى الفزع اللى فى قلوبهم ايه ؟ طب انت الوقتى مبتتخيلش ليه ان امتحان الآخره ممكن يبقى بكره ؟ ليه مابيجيش نفس الاحساس فى قلبك احنا لما بنسمع عن ناس ما بتذاكرش ما بيذاكرش دا ممكن يسقط وفى واحد مذاكرش واترفد وفى واحد مذاكرش وابوه مات بحسرته عليه طيب انت مسمعتش عن عاقبة اللى عصوا ربنا فى امتحان الآخره ؟ طب ما بنذاكرش ليه ؟ طب ما بنتشطرش فى امتحان الآخره ليه ؟ مطمنيين ليه ؟ اذا كان رسول الله صلى الله عليه وسلم قال " لولا الا تتدافنوا لدعوت الله ان يشفعكم من عذاب القبر " مطمنيين ليه ؟ وربنا سبحانه وتعالى هو اللى قال {قُلْ إِنَّ الْمَوْتَ الَّذِي تَفِرُّونَ مِنْهُ فَإِنَّهُ مُلَاقِيكُمْ ثُمَّ تُرَدُّونَ إِلَى عَالِمِ الْغَيْبِ وَالشَّهَادَةِ ) مطمنيين ليه ورسول الله صلى الله عليه وسلم بيقول " لو تعلمون ما أعلم لضحكتم قليلا ولبكيتم كثيرا وما تلذذتم بالنساء على الفرش ولخرجتم إلي الصعدات تزأرون إلى الله " مطمنيين ليه ؟ ايه اللى مطمنا ؟ هو قوم لوط لما ربنا خسف بيهم الأرض كان بسبب الكفر بتاعهم ولا كان بسبب فعل اهل لوط اللى هما كانوا بيعملوه كان بسبب الاتنين يعنى زى ما الكفر بيهلك المعصيه بتهلك يبقى احنا مطمنيين ليه واحنا مقيمين على معاصى الله سبحانه وتعالى مطمنين ليه اذا كان رسول الله صلى الله عليه وسلم داق من الام الموت اللى السيده عائشه قالت بعده والله لا اغبض احدا بهوان موت بعد رسول الله بعد كده لو شوفت واحد الموت بتاعه سهل مش هقول يا بخته عند ربنا لا بعد اللى شوفته من رسول الله صلى الله عليه وسلم مطمنين ليه ؟ اذا كان واحد زى سعد ابن معاذ اللى اهتز ليه عرش الرحمن وفتحت ليه ابواب السما وشهدت جنازته افواج من الملائكه ضم عليه القبر وضاق عليه القبر يبقى انا وانت نطمن ليه ؟ مطمنيين ليه ؟ اذا كان واحد زى ابليس عليه لعنة الله يروى فى الاثر انه عبد الله 80000 سنه قبل ان يضل واحد هيقولى 80000 جبتها منين ؟ بلاش خلينى بعقلى وبعقلك على الاقل عبد ربنا قد عمرى وعمرك 100 مره على الاقل ثم ضل يا جماعه ده الواحد مننا لو بياكل اكل قاعد يا كل اهوه بياكل لحمه وفراخ وكباب و سمك وكل انواع اللحوم ومعندوش اكل بكره بيبقى بياكل وهو متنكد

درس للشيخ الدكتور حازم شومان
http://www.way2allah.com/media/khota...lam_alkafan.rm

اللهم اننا نسألك حسن الخاتمهـ يا رب ::
الف شكر على التذكير ::

يارب ترحمنا برحمتك
قال عمر -رضي الله عنه -
"كل عمل كرهت من أجله الموت فاتركه ،ثم لا يضرك متى مت."
لك جزيل الشكر على الكلام المفيد

مشكور اخي جزاك الباري خير الجزاء

كتبت بواسطة سكيب الجرح

اللهم اننا نسألك حسن الخاتمهـ يا رب ::
الف شكر على التذكير ::

امين
وجزاكى الله كل خير

كتبت بواسطة هرهره

يارب ترحمنا برحمتك
قال عمر -رضي الله عنه -
"كل عمل كرهت من أجله الموت فاتركه ،ثم لا يضرك متى مت."
لك جزيل الشكر على الكلام المفيد

جزاكى الله خير

كتبت بواسطة حزين على اسلامه

مشكور اخي جزاك الباري خير الجزاء

جزاك الله كل خير