نشيد ولا أروع ( مزن )

**الأندلس** · 29-04-2005, 01:50 AM

بسم الله الرحمن الرحيم
السلام عليكم ورحمة الله وبركاته
أبشركم توني أعرف أنزل من المسجل إلى الكمبيوتر وفيه قصائد لشاعر قديم توفي الله يرحمه عام 1388هـ وهو الخدير بن سلمان الشمري وله قصائد وعضية جامعة وفيها من التذلل والخضوع لله سبحانه ما ينم على صفاء عقيدة هذا الشاعر وعلمه العلم الشرعي الكافي الوافي في زمانه رحمه الله رحمة واسعة
وقد قدم بعض الأخوان هذه قصيدة مزن من أبيات شاعرنا سابق الذكر بصوت رخيم جميل .أمل أن يحوز على أعجابكم كما هو في المرفق
أخوكم / الأندلس

**الأندلس** · 29-04-2005, 02:26 AM

المعذرة موبراضي يحمل يقول الملف حجمه كبير ولايقبل أكثر من 50كيلو بايت بينما الملف مضغوط عندي وحجمه 730 كيلو بايت تقريبا هل من طريقة أدخله النت وأنسخ لكم الرابط؟؟؟ ..
تروني عليمي في هالمسألة مع خالص التقدير ( علما أني رجعت أبي أحذف الموضوع ومالقيت أيقونة حذف " مكتوب أسفل الموضوع على أيقونة تعديل /حذف الموضوع" وما عرفت أحذفه قلت أكتب لكم وأستوضح منكم وسلامتكم )

**أبوعبدالملك2** · 30-04-2005, 12:14 AM

اخوي أنا أطلب قصيدة وأظن آخر قصيدة التي فيها تعظيم لله
تفضل هذا الموقع يعطيك 15 ميقا بايت مجانا
http://siteatnet.com/index_fla.html

**الأندلس** · 30-04-2005, 10:57 PM

هلا وغلا ابو عبدالملك وشاكر ردك وما عرفت للموقع اللي ارسلته لي لأني بالعربي طعس بالكمبيوتر
وما دري وش القصيدة وهل هي للشاعر الخدير اللي طلبتها أو عطني منها كلمات معينة يمكن تكون عندي وأبشر بسعدك
أخوك / الأندلس

**غبار الأمس** · 02-05-2005, 02:46 AM

وعليكم السلام ورحمة الله وبركاته

الأندلس......

اتمنى انك تضيف قصائد قديمة انا ابحث عن هذا ،،ياليت قصائد او اناشيد أو نادر تتحفنا بها هنا

مممممممم اتمنى لك التوفيق من اعماق قلبي

وتقبل تحياتي .. غباااااار الأمس

**الأندلس** · 02-05-2005, 09:07 PM

غبار الأمس
نور موضوعي بمرورك الله يحييك ولاكن مشكلتي لا زالت في أني لاأستطيع رفع الملف من جهازي للنت مع أن الأخ الكريم أبو عبدالملك 2 ماقصر أرسلي موقع لاكن ما أدري وش سالفة هالموقع وكيف أستخدمه ( يقول الموقع لتسجيل موقعك على النت وتسميته ) وأنا اللي عندي أنشودة على سطح المكتب ودي تسمعونها فقط وسلامتكم جميعا