السلام عليكم ورحمة الله وبركاته
ضاعت مني البطاقة الوطنية بغيت اطلع وحده جديدة ،
وعشان يحطوا لي في المهنة التخصص اللي عندي في الدبلوم
قالوا لي جيبي شهادة العمل كإثبات
وانا للحين ما اشتغلت لأني أخدت الدبلوم من 7 اشهر تقريبا
بعد تعب كبير ومحاولة إقناع دامت اسبوع تقريبا
وانا رايحة جاية لمركز الشرطة ، اخيرا قالي الظابط المكلف
بنحاول نحط لك التخصص رغم انه ممنوع لأنه لازمنا إثبات
قلت له جزاك الله خير ومشكور ما قصرت
واليوم رحت أنا وماما مثل ما قالنا اخر مره
ودفعت الأوراق و خلص لي كل الإجراءات وفرحت كثير لأني افتكرت انه خير منه ولوجه الله
شوي انصدمت لما قالنا انه رغم اللي سواه للحين الإجراءات ما خلصت
مع العلم انه عطاني التوصيل خلاص اللي راح اخد بيه البطاقة الجديدة
قال ان ملفي راح يخليه على جنب ونرجع يوم الأربعاء ، ليش مادري !!!! ![](http://www.lakii.com/vb/images/icons/icon9.gif)
القصة وما فيها هالشرطة وللأسف متعودين على الرشوة
وهو يبي مقابل للخدمة اللي قدم لي
وقاعد يلف ويدور ويجيب فينا ويرد ويطلبها بطريقة غير مباشرة
وانا سويت حالي غبية ما افهم
لأني حلفت ما اعطي درهم واحد رشوة ، لأن الله عز وجل لعن الراشي والمرتشي
سؤالي هو :
هذا الظابط في الحقيقة قدم لي خدمة لما حط لي التخصص اللي في شهادتي من غير شهادة عمل
لأنه لو ما حطها لي بطلع وانزل من إدارة لإدارة وفي النهاية يحطون لي ( بدون )
وكأني ما درست ولا حرف ، وكل سنوات الدراسة تضيع بكلمة وحده في البطاقة
و لأن التخصص من غير عمل منعوه مؤخرا في الدولة
وأهلي مصرين يعطوه عمولة حتى يقدم ملفي اللي حط على جنب
فهل راح تعتبر رشوة ؟؟؟؟؟؟؟؟؟؟
ياريت تردوا علي والله تعبانة ،، وحاسة روحي الكل ضدي ![](http://www.lakii.com/vb/images/icons/15.gif)
البطاقة محتاجتها ضرووووووووووووووري وما اقدر اصبر من غيرها
اقل شي ، ضاع مني الموبايل مع البطاقة وابي اروح
الإتصالات اوقف الرقم القديم وما قدرت من غير بطاقة وطنية
وغيره وغيره من الأشغال اللي تعطلت عندي بسبب فقداني البطاقة
بغيت احط مشكلتي في موقع فتاوي بس ماعرفت وين وابي الرد السريع لأنه ماعندي وقت كافي
لقيت هالفتوى بهالخصوص بس اعتقد انها تختلف شوي عن مشكلتي
لأن حالتي : دفع مبلغ مقابل خدمة
إضغطي هنا لرؤية الفتوى
وشكرا جزيلا سلفا اخواتي
الروابط المفضلة