جلاش ورقاق باللحمة المفرومة
مشاركتي لملف اللحمة المفرومة
من مطبخ monaahmedsaad





السلام عليكم حبيباتي الغاليات
كيفكم وكل عام وانتم بخير



انا اليوم جبت ليكم اكلتين من احب الاكلات
المفضلين لدي واكتر الاوقات اللي بفضل اني اعملهم فيها
هما ايام عيد الاضحي المبارك بالزات مع الدبايح
واللحمة والاضحية
وايام رمضان مش معنا كده ان الواحد مابيعملهمش طول السنة
بس هما دول الموسمين اللي بيكتروا اوي عندنا
ومن عادتنا المعروفة وسط العائلة وتلاقي الافران
بقي بتكسب مننا وبتوع الكنافة والجلاش بيكسبوا

المهم عشان مااطولش عليكم تعالو شوفو انا كنت بعملها في رمضان ازاي






اولا جلاش باللحمة المفرومة







المقادير



نص كيلو عجينة الجلاش
نص كيلو لحمة مفرومة متعصجة
سمن سائل (سايح) للدهن
بيضتين مخفوقين بالملح والفلفل الاسمر



الطريقة



بصينية فرن مدهونة سمن كويس ارص راق راق

من عجينة الجلاش وبين كل راق ادهن بالسمن كويس ليتلاصقوا جيدا

بعد مابحط نص كمية عجينة الجلاش
اقوم بفرش اللحمة المفرومة واوزعها كويس اوي وببعد عن الاطراف

انا هنا عوجت الاطراف الزيادة
ودهنت سطحها بالسمن



وبعدها اضع بنفس الطريقة رقات الجلاش وبين كل واحدة السمن عادي

وبعد مااخلص خالص وتخلص الراقات اقطع الجلاش قبل مادخله الفرن





طريقة اسهل من والدتي الله يديها الصحة يارب كانت بكل الصواني
تقوم بقلبها بعد ماتحمر من اسفل وكده اما انا بقيت استسهل من زمان الموضوع ده
ده كمان ان والدي مكنتش بتقطعها انا بقوم بتقطيعها عادي خالص
وبعدها بقوم بتوزيع البيض المخفوق عليها والدتي
مش بتعملها بالبيض هي بتزود السمن والزبد بس
انا اخذت الموضوع ده من حماتي ربنا يديها الصحة
المهم عشان ماطولش عليكم
بعد مابوزع البيض





بدخلها الفرن اللي مجهزاها من بدري
وادخلها لحد ماتحمر من اسفل وبعدها اشغل الشواية ليحمر الوجه
والف هنا







شوفو شكلها من قريب


يارب تعجبكم طريقتي البسيطة



وشوفو شكلها من الاسفل ذهبي ازاي






استنوني لسة مخلصتش
ارجو عدم الرد لم يكتمل الموضوع
بعد

ثانيا رقاق باللحمة المفرومة













المقادير




انا جبت كيلو رقاق للصينية (حوالي 6 ال 8 راقات رقاق)
نص كيلو لحمة مفرومة متعصجة (طبعا حجمها بيزيد)
سمن سايح للدهن
شوربة ساخنة للتشريب



الطريقة




في صينية مدهونة سمن جيدا
اقوم بتشرب كل رقاقة بالشوربة في ناس بتحب
تشربها زي كتير عشان تطلع معاها طرية
وفي ناس بمجرد ماترش الشوربة عليها من كل النواحي خلاص بتحب تقرمش معاها
المهم انا حضرت صينية بيها شوربة ساخنة
وبالكبشة بقيت اشرب الرقاقة بالشوربة
بالشكل ده




وبقيت ارص كل رقاقة في الصينية وكنت بالمعلقة او بالفرشاة اضع




(معلش هنا مش حلو زي ماكنت بجيبه
صغير ورفيع
هنا غليظ وكبير حجمه لذلك باقوم بتكسيره
ليساوي الصينيه)



السمن مابين كل رقاة والاخري ولازم تكون كمية السمن كويسة عشان
تتلاصق كل الرقاقات مع بعض كويس وكمان عشان لما تدخل الفرن السمن يكون
كويس عشان هو اللي بيسوي الرقاقات من الداخل
بعد مابحط نص الكمية بهذه الطريقة اوزع اللحمة المفرومة المتعصجة كويس


وابعدها عن الاطراف الصينية حتي لا تحترق اللحمة المفرومة
طبعا انا بشرب كل الرقاقات ومابين كل رقاقة واخري
سمن انا هنا مش بقطعها بسبها زي ماهي وادخلها الفرن لتحمر من الوجهين

وبقوم بقلبها عادي ليحمر الوجه الاخر دون تشغيل الشواية بسس بدهن سمن من
تحت وفوق
بس هنا في هذه الطريقة
استخدمت بيض مخفوق بالملح والفلفل الاسمر علي وجه الصينية






وديه
كانت اول مرة اعملها فيها وطلعت روووووووووووووووووووووعة جدا ماشاء الله
انا عادتا بعملها من غيرها وده المعتاد علينا هي بس الجديد البيض
عشان كده ماقلبتهاش طبعا وسبتها زي ماهي برضو من غير مااقطعها ودخلتها الفرن
لتحمر من اسفل ثم شغلت الشواية ليحمر الوجه كويس

وده شكلها







وهنا بدأت بتقطيعها




















يارب تعجبكم والف هنا يارب ليكم


اتمني منكم الدعاء لي وللمسلمات والمسلمين اجمعين

بسم الله ماشاءالله عليكى ياغالية
وتسلم الايادى الجميلة
وكل وصفة احلى من الثانية
والف هنا وعافية على قلوبكم يارب
وقولت الحق نصيبى الاول

اةةةةةةةةة ياني مش عارفة اقولك اية انا جعت وعايزة اكل

هو الرقاق دة عمل زي العيش

تسلم الايادي حبيبتي

جلاش ورقاق شهي

بارك الله فيك وما حرمنا مواضيعك الجميلة

ماشاء الله صوانى تجنن ياقمر يسلمو يارب من كل سوء

ما شاء الله عليكى حبيبتى
الصنيتن احلى من بعض
وفعلا مرتبتين جداا برمضان هذه الصوانى
وانتى بتعملى جلاش جربى تحطى
نصف كوب لبن مع البيضه وتبليه بالملح والفلفل
طعمها يفرق كتير
وبالف هنا يا قمرررر
تسلم الايادى

ما شاء الله .. الله أكبرعليكي يا حبيبتي يا منى
مش معقول بس التعذيب ده .. جوعتيني .. الأطباق .. ما شاء الله .. ح تنطق من كتر جمالها
تسلم إيديكي و تسلمي و يعطيكي العافية و الصحة و يخليكي لكل حبايبك و يخليهم لك يا رب

أجمل صنيتين جلاش ورقاق لاجمل منى
شكلهم يجنن يا مونمونتى
اوعى يا واد تنسى تحط رابط الجلاش فى موضوع اللحمه المفرومه

يسلمو دياتك يا رب والف صحه حبيبتي