السلام عليكم
من فتره كنتي قالت ستي بتعمل قراقيش طيبه اتعلميها خالتي وانا ما كزبت خبر قلت خذي منها موعد واخذنا الكاميرا ورحنا موعدنا
قالت الجده بدك تنزليها التلفزيون ؟ قلتلها لاء ما بقدر بس بنزلها المنتدى ان شاء الله
تفضلوا نتابع الحجه ام حامد
المقادير طبعاً تقريبيه لانها ما كانت تعير
3 كاسات طحين مخلوط نص قمح ونص ابيض
ملعقه صغيره ملح
كاسة سكر
كاسة زيت زيتون
ملعقتين كبار يانسون مطحون
ملعقه كبيره شومر مطحون
كاسة سمسم محمص للعجن
كاسة سمسم محمص للرق +كميه من الطحين للرق
ماء اليانسون المغلي ومبرد للعجن حسب الطلب
الطريقه
ضعي الطحين+
الملح+اليانسون المطحون والشومر المطحون +السكر +الزيت + كاسة السمسم معاً
افركي الجميع فرك بين الاصابع
ابدأي بإضافة ماء اليانسون واعجني حتى تحصلي على عجينه ملساء
ضعي على الطاوله طحين +سمسم
ثم ضعي قطعه من العجينه ورقي بالشوبك
يسلموا هالديات يا ام حامد
حتى تنتهي من كل الكميه
اخبزيها في فرن متوسط الحراره محمى مسبقاً
الف صحه
وام حامد ما قصرت الله يرضى عليها ويسلم دياتها يا رب حملتنا اياهم كلهم وروحنا هههههههههه
الف صحه
سلالالالالالالالالالالالالام
الروابط المفضلة