السلام عليكم
دورتسسسسسسسسسس
والله اللي داقوها قالوا فعلا دورتس بجد
اول مره اجرها اخدتها معايا النادي ولقيت بنوته بتقول لصاحبتها دوقتي دوريتس قالتلها طعمها حلو اوي
الوصفه من اخت لينا هي
برنسس لك 1 القمر وحشتنا جدا ترجعلنا بالسلامه يارب
هي اضافت على خبز التورتيلا وصفة شخبوطه
وكمان وحشتنا يارب تكون امورهم بالف خير
لمسات لتعطي طعم دورتس
ولكن انا كمان زودت الطعم لأجده وصل فعلا للطعم اللذيذ ده
المقادير
2ونصف ك دقيق
م ص بيكنج بودر
م ك سكر
م ص ملح
زيت او زبده
ماء للعجن
الطريقه
سهله سريعه لا تخمير ولا شئ
تخلط المواد الجافه وحفره بالوسط لوضع السوايل وخلط ثم عجن جيد جيد اوصي بيه لسهولة الفرد ويفضل عجينه جامده نوعا ما علشان اسهل بالتشكيل وتترك ترتاح نصف ساعه مثلا مغطاه بكيس وكمان فوطه
وتقطع كرات وتترك ترتاح (ليس هباءا لكن جربي وشكلي الكرات هتكون صعبه وكمان هيكش الرغيف كل ما تشكلي فيه )
وناخد الكرات وتفرد بالنشابه على دقيق ونراعي سمك الرغيف هنا يكون رقيق قدر الامكان كل ما رققتي فيه تحصلي على رغيف انجح
وممكن نعمل ايدينا شكل قبضة يد ونرفع الرغيف عليها برفق ويشد من الجواني لجعله رقيق
يشبه رق الفطير
التسويه
على البوتجاز كمان
طاسه تيفال وتسخن بدون دهون ولا شئ نار وسط ونضع الرغيف الاول اللي اخد وقته وارتاح
ويلف باليد كدا لتصل الحراره في كل الاماكن
ولا نسمح بفقاعة الهواء ان تكبر وتنتفخ (على عكس عيش الرده)
ويقلب الجهه الاخرى
حتى نصل للون المناسب ثم يرفع ويغطى فوووووووورا
حتى يظل طري وهكذا كل الارغفه ويحفظ لأحلى السندوتشات
وبالهنا والشفا
الاضافات قبل اضافة ماء العجن
أكثر من 10 اضافات
تخيلوا الطعم
واااااااااااو
صلصة بيتزا
ملح
سكر
كمون
ببريكا
فلفل
حبهان ولوري مطحون
حبة مرقة ماجي مفتت
توم وبصل بودر
كسبره
قرفه
زعتر
ريحان
بردقوش
وممكن تفرمي بالكبه زتون اسمر مع كل الاضافات والله فكره جديده يلا اللي تجررررررررب تفرجنا الابداع
وتعجن العجينه بيهم ولو احتجنا نزود ميه او دقيق حسب العجينه
وبنفس الخطوات
تريح العجينه ثم تقسم كرات وتترك ترتاح
ثم تفرد ارق ارق شئ وتقطع مثلثات وتقلى بزيت غزير ساخن
او ممكن تسوى على الطاسه كأرغفه ثم تقطع وتقلى
الطريقتين حلوين
ويلا منتظره تطبيقاتكم الحلوه وتحدي
جربي وشوفي فرحة ولادك
انا جبت كيس شيبس ووضعت حبات الدوريس فيه لبنوتي وفرحت بيه جدا واكلته كلللللله وطعمه عجبها اوي اوي
سلملم
الروابط المفضلة