|
للبحث في شبكة لكِ النسائية:
|
عضو نشيط
الخميرة الفورية هاتجننى ...ياتلحقونى يامتلحقونيش:)
السلام عليكم يابنات وحشتنونى اوى
عندى ليكم سؤال نظرا لصعوبة الحصول على خميرة صابحة لاجئت للخميرة الفورية سؤالى بقى
لما بشتغل بيها احط ليها ماء دافىء وسكر بردو ولا احطها مع المواد الجافة وقت العجن
مع العلم انى عملت كدة والعجينة مخمرتش اصلا
انا كنت بتطمن للخميرة العادية لما كانت تخمر قدامى وببقى عارفة ان العجينة هاتتطلع ممتازة
لكن الخميرة الفورية ياريت حد يطمنى ويقولى على الطريقة الصحيحة لاستخدامها
كبار الشخصيات
و عليكم السلام و رحمة الله
غاليتي الخميرة الجافة الفورية غالبا لا تحتاج الى وضعها مع الماء.
و انما توضع مباشرة مع المواد الجافة .
و لكن ان شككت في مفعولها او عدم صلاحيتها
ضعيها مع الماء حوالي عشر دقائق لكي تتفاعل.
ان تفاعلت وظهرت بها فقاقيع فهدا يدل على انها جيدة
و ان لم تتفاعل فهذا بدل على انها فاسدة و لا تصلح للتخمير.
كبار الشخصيات
بارك الله فيك حبيبتي مون ما قصرت
اذا كنت من مصر فين بنات بيشتكوا من نوعية الخميرة المتواجدة هناك
فعلشان كدة استخدمي هذا النوع حبيبتي و النتائج حتسرك جدا
واتبعي الطريقتين الي حكتهم موني حسب ما بتحتاج الوصفة
هي نوع بنطلق عليه الخباز وهاي صورته
وفيه نوع اخر اسمها فيكتوريا ممتازة كمان
و ربنا ييسر امورك و نشوف منك احلى معجنات و بدون منغصات
وحياك الله معنا حبيبتي
((اللهم انى اسالك موجبات رحمتك وعزائم مغفرتك والسلامه من كل اثم والغنيمه من كل بر والفوز بالجنه والنجاه من النار
اللهم لاتدع لنا ذنبا الا غفرته ولا هما الا فرجته ولا حاجه هى لك الا قضيتها برحمتك))
وهج العطاء
شوفي حبيبتى انا دائما اعملها مع الماء الدافي وغالبا ماتخمر وتطلع زي الفل واحيانا مع المواد الجافة لكن بتاخذ وقت اكثر على ماتخمر ..ماء دافي ومش حار لان الحار يعدمها والخميرة الى بستعملها مثل الصورة اللي منزلها ام ليانة ويارب تضبط معاك ..
النجم البرونزي
حبيبتي لو إنتي مصرية إوعي تستعملي خميرة حلو الشام وحشة جدا ومبتخمرش العجين
ياإما تستعملي النوع المستورد زي اللي نزلتلك صورته أم ليانة وده بتلاقيه عبوة نص كيلو تقريبا في السوبرماركتات الكبيرة وأحسن حاجة التركي وده بيحط على الدقيق علطول
وفيه نوع على هيئة أكياس صغيرة مصري إسمه رحاب كيس لونه أحمر في فضي باكو ب50 قرش يخمر نص كيلو أو تلات أرباع كيلو دقيق وده بيتخمر في شوية مية دافيه بمعلقة صغيرة سكر بعدين يضاف للعجين
وده النوع المصري الوحيد اللي كويس
عضو نشيط
بصى حبيبتى انا من مصر ودائما استعمل الخميرة الطازة
انا بشترى قالب خميرة كبير من عند اى فرن وبعد كدة اقطعه قطع صغيرة حجم عين الجمل والف كل قطعة فى ورق ابيض واحطهم بعد كده فى كيس فى الفريزير ولما احتاج اخرج قطعة او اثنين واستعملهم وبيدو نتيجة ممتازة جدا
ممكن يظل فى الفريزير عدة شهور ويفضل طازة
النجم الفضي
انا كمان كنت بستخدم الأنواع المصريه ودى قلما كانت تجيب نتيجه واجود حاجه مصرى فعلا الرحاب
لكن فى انواع خميره تركى بتبقى كيس كبير او صينى عند العطار
ولو روحتى مصر الجديده او مدينه نصر هتلاقيه بوفره بمحلات درب البرابره للحلويات
عضو نشيط
حبيبتى مون ...شكرا لردك انا فعلا بجربها برة مع ماء دافىء لكن مفيش اى فقاقيع بتظهر ...هاجرب انواع اخرى ان شاء الله واسمع كلام ام ليانه
ام ليانه شكرا ليكى على اهتمامك انا فعلا من مصر وهاحاول اشوف الانواع دية عندنا ان شاء الله
مريوم والله انا نفسى تخمر لكن للاسف العجينة بتفضل نفس الحجم حتى لو سبتها لتانى يوم شكرا لمرورك واتمنى انى اقدر اتغلب على المشكلة دية
فراشة الربيع ....انا فعلا بستعمل حلو الشام ومكنتش اعرف ان فية انواع تانية للخميرة الجافة فى مصر ..بس كويس انى عرفت انه نوع وحش كدة طمنتينى انى ماشية صح والعيب فى الخميرة مش فى تطبيقى هاشوف فى اولاد رجب لانه اقرب حاجة ليا من البيت
المشغولة دائما .........انا فعلا جربت اجيب قالب واخلية فى البيت بس صاحب المخبز قالى انها لو دخلت الفليزر مش هاتخمر اى حاجة تانى اقصى حاجة احفظها فى ورقة داخل التلاجة لمدة 3 ايام ...بس ان شاء الله هاجرب احط قطعه فى الفليزر واخرجها اشتغل بيها ...شكرا لردك
رويننننننننا هااااااااااانم........انا زعلانة منك جدا جدا جدا علشان مش بتسألى على فكرة انا ولدت وربنا رزقنى بيحيى وانتى مسألتيش عليا هاستنى تليفونك علشان اعرف اعاتبك كويس
قوليلى بقى الاقية فين فى مدينة نصر انا كنت فى مترو وبردو ملاقيتش لما اكلمك هاعرف منك ان شاء الله كفاية عليكى كدة ...انا لسة زعلانة
شكرا لكل اللى رد عليا وافادنى انا بجد بحب المنتدى لانه قريب كتير من كلمة عائلة فى احساسها وتصرفات الاشخاص اللى فيها
متميزة صيفنا إبداع 1431هـ
المشغولهكتبت بواسطة المشغولة دائما
انا زيك من يوم ما شهيره الله يكرمها ويجزاها الخير قالتلي على الطريقه دي وحلتلي مشكلة الخميره
فعلا قالب واول ما اروح على طول من غير كسل يقطع ويغلف ويعبئ وعالفريزر
وقالتنلي شهيره الصلاحيه بالسنه كمان عادي وتريحي دماغك من الشرا كل شويه
القالب ب 2 ونص جنيه بس
في الصيف بياخد نص ساعه مثلا تدوب وتبدأي تشغليها والشتا ساعه
ولو مرتبه من باليل تطلعيها من بدري تفك براحتها
وان شاءالله تقوليلنا عالنتيجه
انا بالاول جربت طريقة التفريز دي في بجنيه مثلا خميره وبعدها خلا ص اعتمدتها
يارب اكون افدتك
تسلمي يا ايمي
صح الرحاب منتشر جدا وده دليل على جودته
وفعلا الشام ده غلبني كتير بالاول
الرحاب للسرعه بقه بيبقى تمام
عضو جديد
بجد الله ينور عليكو وأنا كمان كان عندى مشكلة الخميره ديه بردو وكنت بستعمل "حلو الشام" ديه وبجد وحشه أوىىىىىىىىىىىىىىىىى,وكنت شاكه فيها أنها منيله كدا وكنت بلائى النوع التانى اللى الاخت "أم ليانه "قالت عاليه الله يكرمها ويكرمها فى ولادها, بجد لولاها ماكنت حعرف انها كويسه ,وبردو أستفدت من مشاركات الأخواتفراشة الربيع _والمشغوله دائما _وروينا_ وماما دودو) ربنا يكرمهم ويكرم القائمين على الموقع ده والمنتدى بالأخص عشان أحنا بنستفاد بجد والله منكم وربنا يذكم خير ويرشدكوم للصالح دايما
أعضاء قرؤوا هذا الموضوع: 0
رد مع الاستدلال
الروابط المفضلة