لحوامل الشهور الاولى التعبانات اكله سهلة التحضير وكلها فوائد.
السلام عليكم ورحمة الله وبركاته
حبيباتى الحوامل التعبانات من الوحم ومش قادرين يعملوا اكل ولا حتى ياكلوا كويس
انابعمل هذه الاكله لنفسى وبصراحه هى الوحيده اللى بقدر اكلها واحس انى مظلمتش جنينى بأكل حاجات مش مفيده
هى ممكن تكون شاورمه بس انا معرفش هى تطلع ايه وانا بعملها بس بفكر انها تكون فيها كل اللى بيحتاجه جسمى من غذاء بعون الله
معلش طولت عليكم
ندخل على المكونات
*ربع كيلوفراخ فيليه اولحم بدون دهن
*حباية فلفل رومى احمر
*حباية فلفل رومى اصفر
*حباية فلفل رومى اخضر
*حباية كبيره بصل او بصلتين صغيرين
*ربع كوب زيت زيتون
*ملح وقليل جدا من الفلفل الاسود او بهارات الفراخ (علشان مانتعب ياحلوات)
*حباية طماطم كبيره
*نص ليمونه
الطريقه
*نقطع صدور الفراخ قطع طوليه نص سم لكل قطعه علشان تستوى كلها من جواها
*نقطع الفلفل الملون برضه قطع طوليه
*نقطع البصل نقسمها اتنين ونقطعها طرنشات
*نقطع حبة الطماطم مكعبات صغيره
.نجهز طاسه غير لازقه ونضع فيها الزيت واول شى نحط الفراخ ونقلب لحتى تصفر الفراخ وبعدها نحط البصل لحتى يدبل ويصفر وبعدها نحط الفلفل ونقلب دقيقتين وبعدها نغطى الطاسه دقيقتين وبعدها نضيف الملح والبهارات ونقلبوبعدها نعصر نص الليمونه ونقلب تقليبه بسيطه وبعدها نضيف الطماطم ونغطى دقيقتين كمان وبس نطفى على الطاسه ونتركها متغطيه لحتى
نقطع ورقات الخس زى تقطيع السلطه او بأى شكل تحبيه
ونجهز العيش الكيزر او اى عيش نفسك تروحله وتحشى من الاكله الشهيه اللى مش هحكيلك على ريحتها وطعمها جربيه بنفسك وتحطى ملعقه كبيره من الخس المتقطع على سندويتشك
جنبها اعملى لنفسك كوب عصير موز باللبن او اى فاكهه باللبن
وكلى سندويتشاتك الطعمه
يمى يمى
وبعدها اشربى كوب عصيرك وبكده بقا اعرفى انك اخدتى كل اللى محتاجه جسمك وجنينك من مواد غذائيه
وكمان من غير ماتكونى بتبلعى الاكل بالعافيه ودى اهم حااااااجه
وبألف هنا على قلبك وعلى قلب النونو
ان شاء الله اعملها تطبيق بالصور ان عجبتكم ؟
***
رد مع الاستدلال
كتبت بواسطة asmaabhr
الروابط المفضلة