الخبز التركي او السميط
(تطبيق لام ليانه)
استعملت نفس المقادير بوصفتها ولكن بطريق الخطا استعملت الحليب السائل بدل الماء
بوصفة ام ليانه قالت 5 ملاعق حليب سائل وباقي كميه السوائل ماء
وانا ما بعرف كيف كتبته حليب ناشف
وقلت بنفسي انا استعمل حليب سائل بدل الناشف مع كمية الماء
ولكن بعد ما رجعت للوصفه لاشوف حراره الفرن انتبهت للخطا ولكن ما في رجعه
وكنت مضاعفه المقدار يعني عملت 4 اكوب
ولكن الحمد لله اضافة الحليب ما اثرت سلبي بالعكس
كانت العجينه ممتازه مقرمشه من الخارج وهشه وطريه من الداخل
وحتى لتاني يوم ما شاء الله عليها كانت طريه
عند تقسيم العجينه قسمتها نصفين
نصف عملته بشكل مدور خبزه كبيره
(عملتها اسطوانه تم لفيتها واقفلت الاطراف)
قدمتها بشكل ساندويش
وضعت تركي وجينه وخس وطماطم وفلفل حلو وبصل وعصرة ليمون وزيت وملح وفلفل
وقطعتها قطع يعني بتعمل بحجمها هاد 6 ساندويشات
النصف الاخر من العجينه عملت فيه شكل epi
متل شكل سنابل القمح وهو خبز فرنسي
اخدت الشكل فقط ولكن طبعا وصفة هالخبز الاصليه بتكون غير
قدمته مع زيت الزيتون كمقبلات خبز
وايضا عملت فيه كعكات صغار بشكل النجمه
اول شي بتعملي الخبز متل الطابات وبشي حاد مستقيم عندك بالمطبخ
انا استعملت كفكيره المسطحه رفيعه وبطرفها قطعت عملت Xوفوقها عملت _
وبعدها نقلبها بحيت يكون مكان القطع للخارج
وهيك تتكون متل النجمه ب6 زوايا
قدمتها على الفطور مع الجبنه الكريمه ومع كوب الشاي يا سلام بتجنن
وباقي الوصفه متل ما كتبتها الغاليه ام ليانه
الوصفه ما عليها اي ملاحظات
المقادير كلها متوازنه والنتيجه اكتر من رائعه
وان شاء الله رح اعيدها مره تانيه وتالته لانها مميزه فعلا
بارك الله فيها ام ليانه ما في وصفه عملتلها اياها والا انبسطتت منها
ان شاء الله في ميزان حسناتها
دمتن بكل الخير
والى لقاء بتطبيقات اخرى
ღღتطبيق احترافي ღღ تطبيقي لخبز ام ليانه العسل .... الخبز التركي او السميط
رد مع الاستدلال
كتبت بواسطة ام ليانة
الروابط المفضلة