السلام عليكم و رحمة الله و باركاته

كيف حالكم ياعويلة و كل عام و انتم بخير من العايجين الفايزين ان شاء الله ح\جميعا

الاء بنقولك الصور لو كانوا علي جهازك وقت الفورمات تقدري اتطلعيهم ان شاء الله ببرنامج recover ديري عليه بحث من القوقل و ركبيه و طلعي بيه صورك الرايحة خخخخخ
مرات لو الفورمات قوية مايطلعوش للاسف بس اعتقد لو عندك مهندس فالح يقدر يطلعهم
ماشاء الله علي الحلاوات النازكة اتصدقي شفت الصورة قبل لا تعلقي علي اليورغات\ن قلت خيرها اللو مصورة السفرة علي اليورغاااان شن ودرت البنت علي العيد و الا خيرها خخخخخخخخخخخخخخ بعدين قريت تعليقك متت بالضحك اللي يسلمك ويهنيك

باقي البنات ماشاء الله الحق كل حاجاتكم حلوة و نازكة الله يحفظكم

بالنسبة ليا ماعادش ملحقة انزل شيء اليومين اللي فاتوا الوقت جري في جري المهم علي سيرة الصيانة اني من اول رمضان في صيانة و مازالت خخخخخخخخخخخخخخخ
و علي قولة المطبخ يالاء تعالي هني حتى اني شرينا غاز جديد و فريز جديد خخخخخخخخخخ توارد خواطر الحكاية شكلها خخخخخخخ

خلي نقوللكم شن درت في هالعيد
درت المقروض يومها هوينه قلتلكم تاني يوم زوجي قالي لالالا زيدي منه هدا يتم من اول يومين خخخخ لانه عقله و دليله فاضطريت انزيد تاني

و درت كعك حلو
و درت بكلاوة بس اه ياضهرررررررري ورجليا اتكسروا يومها خخخخ

و طبعا اني حوش اماليا ايديروا في العيد في الفطيرة و القلايا و حوش امالي زوجي يديروا في الحوت المقلي و البصلة

و عمتكم حنونة دارت الاثنين زي كل عام
خخخخخخخخخخخخخخخخ
ماهو شكلي فاضية خخخخ

يالا توة نستاذن و ان شاء الله نتلاقوا علي خير

كل عام و انتم بخير

السلام عليكم كل عام وانتم بخير ينعاد عليكم يارب والله حا نستحشو اللمه الحلوه الله يحفطكم والله صدقت الاخت ميلا كائن الواحد يعرفكم ليه اسنين الله ايبارك فيكم كلكم وان شاء الله ديمه ملمومين على خير يا اعز اخوه

السلام عليكم



اللهم أجبر كسرنا علي فراق شهرنا لا حول ولا قوه الابالله

اللهم أنك عفوا تحب العفو فأعفو عنا

اللهم بلغنا رمضان أعوام عديده وأزمنه مديده ونحن أليك أقرب

اَاَاَاَاَمييين


كل عام وأنتم بالف خير والي الله أقرب


ساحوني مشغووووووله لن خلاص الله المستعان

حتي حلوات العيد قاعده مابديتش فيهم

بعد شوي بندير المقروض وكرات جوز الهند ونبي حاجتين تانيات نخمم فيهم شن هما

بنرفعهم معاي لصلاه العيد لاننا نلتمو ونعيدو علي بعض في الصلاه بس

أمس اندهبت شيرتي وحصلتها رعشه ماهي رعشه وحده من التوامه طاحت من علي السرير علي راسها وانفتح ونسحاب الا االبنت فقدت الذاكره قعدت فتره معش تعرفنا ولما نقوللها أني مني تقعد تتفرج وخلاص حتي الكلام معش قدرت تتكلم أقسم بالله نسحاب البنات الا ادروشت ولا أبصر شن صارلها

ولما بدت تتكلم وتسمي فينا سجدت شكر لله أنها مافيها شي

الله يهديهم ويصلح بالهم قريب يطيروني من عقلي

خلي نشوف شن ندير مازال وراي طلعه لاتوا ماتميتش لبس الصغار


دعواتكم ياحلوات

كل سنه وانتم بخير وينعاد عيكم بالصحه والسلامه كلكم كلكم
وكنت سعيده بمعرفتكم وتعلمت منكم هليه حاجات ربي يحفظ الجميع ويحفظ كيتي الي لمتنا
فاحلي لمه واحلي صحبه اندمت رمضان الي فات مشاركتش كنت متفرجه بس هههههه
ربي اطول عمركم ونتلاقو كان عشنا وحيانا ربي
مبروك لجماعة الصيانه والحاجات الجديده بالصحه اعليك حنونه وبالصحه عليكم الاء والسنه الجايه ان شاء الله في بيت ابن عمك وتلقيه واتي بغازه وكوجينته
الف لاباس علي ميمتك ياام ساره بعيد السوء عليها ومبروك علي وخيتك وربي اقوي سعد كل البنيات ويفرحو ويتهنو
الف لاباس عليها بنيتك ياملكه بنقابك ربي يحفظها والله الرحشه ساده ربي اعينك ويحفظهم ليك ادعيلي انحصل توامه اقريب انطير اعليهم والحمد الله حمواتي الزوز جايبين توامه ووحماتي التالته حامل توا بتوامه ربي اسلمها ويقومها علي خير وعقبال لاخواتي كيتي وبريكه وحنونه وشيماء بالدريه الصالحه يارب
ربي يسعدكم فعلا حسيت معاكم بحب وحنيه محسيتهاش قبل
وكل سنه وانتم بخير ينعاد اعليكم وعلي امة محمد باليمن والبركات ويعز الاسلام والمسلمين

احنا اماليا اديرو في الفاصوليا والمبطن اول يوم العيد والفطيره طبعا
واهل زوجي اديرو في الشربه مع الفطيره واديرو فطيرة المرفوسه ان شاء الله ادا ربي اعطاني عمر غدوه بنديرها

تقبل الله منا ومنكم الصيام والقيام وصالح الاعمال
اللهم اجعلنا من عتقائك من النار
وكل عام وانتم بخير

السلام عليكم كل عام وانتم الى الله اقرب اختى مكله بنقابى حمد لله على سلامت بنتك الله ما يوريك بها سو وكل عام وانتى بخير غيدونا وينك يا عسل اريناس ينعاد عليك يارب وعلى الجميع

كل عام وانتم بخير وبصحة وسلامة
ومن العايدين الفايزين
وتقبل الله منا ومنكم
وسامحوني يابنات كلكم
ملكة بنقابي الحمد لله على سلامة بنتك سلامتهم وخلاص مايكبر راس لين يشيب راس
وربي يجمعنا كلنا في الجنة يارب العالمين

كل عام والجميع بخير ينعاد عليكم بالصحه والسلامه وان شاء الله كل عام ملمومين وصحيحين
ام امي ولمار عوينه وطارت علي بنوتك ربي يحفضها ويخليهالك
الف سلامه عليها
هما الصغار هكي لما تقرب مناسبه لازم يطايحو باش الوجه تقعد فيه اماره ههههههه ويعرفوهم ليبيين

مبروك الجزء الجديد
ياكيتي