الاءءءءءءء انشاء بالصخه عليكم المطبح ....وطل عام والجميعععععععععععععععععععععععععع بخيرررررررررررررررررررر
للبحث في شبكة لكِ النسائية:
|
الاءءءءءءء انشاء بالصخه عليكم المطبح ....وطل عام والجميعععععععععععععععععععععععععع بخيرررررررررررررررررررر
اهلا اهلا بالعيد
مرحب مرحب بالعيد
كل سنه وانتم بخير ياغاليات
السلام عليكم
اخواتي كلهم بدون تخصيص
كل عام وانتم بخير ويارب ان شاء الله نكونو من العايدين والفايزين بالجنة يارب
ماما الاءءءءء ماشاء الله على الحلوات ربي يخط ايديك فى الجنة ان شاء الله ومبروك عليكم الكوجينة
تعرفي عشت طول عمري وحياتي فى طرابلس وماكنتش نعرف ان فى العيد لااااازم الحوت
بس متعودين على ماما اديرلنا فاصوليا ومعاه مبطن اول يوم العيد يعني الفاصوليا اديرو فيها اول يوم العيد الاضحى لكن حني فى عيد الفطر
ام سارة لاباس على اميمتك وربي يخليهالكم ومبروك على اختك ربي يهنيها
ام سومة معمولاتك الحلوين فى الكوشة شكلي ديرتهم كبار زي متاع السوق لكن انشم فى ريحته توا تهبل
ابريكة شن اخبارك وصحة عليكم البسيمة
ام عرفة يسلم ايديك على الحلو ماشاء الله مش عادي شكله صحيحتين عليكم
كيتي يا كيتي وينك ووين هالغيبة ان شاء الله خير يارب
باقي البنات ان شاء الله كل سنة وانتم طيبين وان شاء الله من عيد لعيد والله موضوع السفرة نتمناه ديما
ربي يجمعنا على الخير وعلى طاعته ويتقبل من الجميع
عيدكم مبارك وعساكم من عواده وكل سنه وانتو طيبين ربى يعيده على امة محمد بالسلامه والعا فيه وتحقيق الامانى اخواتى الليبيات
اغلب ساكنات هذة الدويرة عشت معكم احلى لحظات عمرى وايام منقوشة فى اعماقى وسطور وعبارات ولمه حلوة اعيش بيها بينكم
حسيت انى منكم وفيكم اخوات وصا حبات الحب فى الله جمعنا
لقيتكم احبيبات
فى كل شى احتاجه انا وغيرى من الاخوات الغربة تحسس الواحد بالوحشة والا لم لكن معاكم حسيت ان امى واخواتى واهلى كلهم معاى فى ادق تفاصيلى اليو ميه اللى اعيشها
فعلا رب العالمين حشاة يقطع بعبيده
علمتونى الكثير الكثير وعمرى ما انساكم ولا فضلكم اخواتى عسى الله يفرح قلوبكم ويعطى كل اخت بدون ذكر اسامى حتى ما انسى حد كل ما تتمنى من ذريه صالحه ونصيب حلو
وتفريج كرب عن كل مكروب و يسعد كل قريبه وبعيده راح استاحشكم هلبا هلبا
وربى ينجى ويسعد اللى جمعتنا
آخر مرة عدل بواسطة النرجس الغالي : 09-09-2010 في 08:18 AM
مبروك الكوجينه ماما الاء وبالهنا عليكم وتسلم ايدك على الحلويات النازكه
ام عرفه يا غاليه كل عام وانى بصحه وسلامه الحلو روعه شكله يهبل باللمعه متاعه
ام سومه ربى يعيده عليك بالسلامه وربى يفررح قلبك ببنياتك ويخفظك ليهم
وانى بعد درت معمولك طلع روعه الف شكر
ابريكه يا حنينه كل عام وانتى بخير
وانشا ءالله نشوف حلويات اسبوعك بالولد الصالح
ام سارة انشاء الله بردا وسلاما على الوالده
حلوة طقوس العيد فى طرابلس لكن اول مرة اعرفها هالحاجات انه فى عيد الفطر فيه مبطن وحوت وفا صوليا وكفته
وفطيرة رغم انه لى 7سنوات واكثر فى طرابلس
سلامى للجميع
آخر مرة عدل بواسطة النرجس الغالي : 09-09-2010 في 08:28 AM
كل عام والجميع بخير يارب
اخواتى فى الله ينعاد عليكم العيد بالخير
ويجعلنا يارب ملمومات ومتهنيات ببعضنا
ربى يبارك فى كيتى لانها جمعتنا فى الموضوع الحلو
وخلت الكل يستفيد ويتعرف ويطمن بيكم يا احلى بنات بلاد
اكرر........................................
كل عام وانتوا بخير
السلام عليكم
كل عام و انتم بخير يا رب
ينعاد علينا و على الامة الاسلامية بالخير و اليمن و البركات
صباح الخير يا بنات
كل عام وانتم بالف خير
الله يهنيكم ويفرحكم
ويونسكم باحباكم زي ما تونسنا مع بعض طول شهر رمضان الكريم
ويجعل ايامكم كلها عيد في عيد
ونتلاقو رمضان الجاي باذن الله
.. { إِنَّ رَبَّكَ لَبِالْمِرْصَادِ }..
السلام عليكم
مرحبا يابنات
والله اخسارة الايام الحلوة تعدي بسرعة واني سعيدة جدا جداً جداً بمعرفتكم
وكسبت منكم خبرة اكثر وحاجات اكثر يكفي المعاملة الطيبة سبحان الله كايني نعرفكم من زمان
ان شاءالله ربي يفتح عليكم جميعاً ويرزقكم ماتتمنوا
الروابط المفضلة