مسا الخير صبايا
ان شاء الله الجميع بخير وبصحة منيحة
وطبعا بالقسم هاد صحتنا منيحة ومتينة كمان هههههه
الله يلطف فينا بس
عنجد الواحد ما بقدر يقاوم المعجنات والبيتزا
خلينا نبدا طبعا انا بستخدم عجينة العشر دقائق
كتير الحمد لله ناجحة معي
بس انا غيرت فيها شوية شغلات
اول اشي
بحط كاستين طحين
مع رشة ملح وملعقتين خميرة
فنجان قهوة سكر
فنجان قهوة الا شوي حليب بودرة
بيضة
بكيت بكنج باودر
كاستين مي سخنين
حطيت كاستين المي وخفقت الخليط بخفاقة البيض اليدوية
وبعد 10 دقايق حطيت ربع كاسة زيت زيتون مع ربة كاسة زيت مازولا
وخلطت بعدين حطيت طحين بصراحة ما بعير
بضل احط لحتى يصير عندي عجينة عادية
هلأ بحط كيس نايلون وعليه شوية زيت منشان تخمر العجينة منيح
بخليها تخمر نص ساعة
شوفو ما شاء الله كيف خمرت بسرعة طبعا غطيتها بصينية
هلأ بنيجي للصلصة انا بعملها بايدي بتطلع روعة
بفرم بصلتين ناعم بحط عليهم شوية ملح وبهار
بحط كاتش اب بستخدم هاينيز
بحط بندورة معلبه معلقتين كبار
مايونيز برضه معلقتين كبار
زيت زيتون نص فنجان قهوة
زعتر اخضر مفروم ناعم
ومعلقة صغيرة خل ابيض
ما تستغربو من لونها بس تنشوا البيتزا بتصير حمرا
هلأ بندهن صينية بشوية زيت وبنفرد العجينة عليها
وياريت ما تكون خميلة ولا رقيقة عادية
بعدين بنحط الصلصة عليها 
انا خليتها من النص فاضية تقريبا ما حطيت عليها كتير صلصلة
بعيدن حطيت فليفلة حلوة وزيتون وفطر
وعملت فيها شكل كنت شايفته هون بالمنتدى
هون دهنت طرافها بشوية صلصلة
ولازم ترتاح ربع ساعة عالاقل
وتشويها على نار حامية
ولما تشوفيها من تحت حمرت حطيها من تحت شوي صغيرة
وهون كنت عاملتها بشكل تاني
بس كنت جايبة جبنة ماعجبتني كتير وما ساخت بس شويت البيتزا
وهون عملتها على لحمة فرمة بصراحة طعمها كتير اطيب من بيتزا الخضار قليت اللحمة مع بصلة وفليفلة حلوة
وشوية بهارات وملح وزعتر اخضر
[CENTER]بتمنى موضوعي يعجبكم
دعواتكم
ღღتطبيق احترافي ღღالبيتزا من مطبخي بالتفصيل لعيون الصبايا اللي طلبوها
رد مع الاستدلال
كتبت بواسطة صاحبة البيت
الروابط المفضلة