السلام عليكم ورمة الله وبركاته

لوسحتم يا اخواتى كنت عاوزة اسال عن حاجة وياريت تساعدونى

من فترة شفت الشيف شيربينى على قناة الحياة والمصريات اكيد عارفينه وعمل السمبوسة اللى بالجبنة القريش

هى مكوناتها جبنة قريش و طماطم و زتون و فلفل الوان وشوية بهارات وكدة

المهم انى عاوزة اجربها بس المشكلة انى مش عارفة اعمل جمبها ايه ؟ يعنى هعملها مع طبيخ ورز ولحمة او فراخ ولا اعملها مع مكرونة ولا ايه

مانا مش معقولة هعملها لوحدها كدة واعزم خطيبى يلاقينى حطاله على التربيزة طبق سمبوسة كدة لوحده هههههههههههههه

ياريت اللى عندها فكرة تقولى اعمل جمبها ايه وهل ينفع اعملها مع مكرونة وكفتة ولا هيبقى عك ؟

لو سمحتم ردو عليا بسرعة لانى عاوزة اعملها بكرة ان شاء الله

وجزاكم الله خيرا

حياك الله يا غالية

بالنسبة للسمبوسة لا تكون طبق رئيسي

واذا كنت ناوية تعملي سفرة خفيفة ممكن تعملي جنبها شوربة اي نوع مع نوع سلطة مثل التبولة والفتوش و صينية مكرونة او كفته واذا بدك تخلي الاصناف كلها معجنات

ممكن تعملي حنبها صينية بيتزا و شوية فطائر بالجبنة و الهوت دوق والزعتر مع شوربة وسلطة وتستغني عن المكرونة والكفتة

وهذا راجع لك وشو بتفضلي تقدمي معها

ان شاء الله اكون افدتك حبيبتي

اما لوحدها

حبيبتى ام ليانة

جزاكى الله خيرا ياقمر على ردك

اكيد مش هعملها لوحدها بس انا من مصر معندناش التبولة و الفتوش والحاجات دى ومعرفش يعنى ايه اصلا

ممكن تقوليلى اكل مصرى بس غير البيتزا برده والحاجات دى مش عاوزة يبقى كله معجنات

وممكن برده حد يقولى ينفع اعملها مع مكرونة وكفتة ولا مش هتبقى حلوة ؟

هههههه

الله يسعدك ويتتم الك على خير يا قمر

التبولة والفتوش سلطات شامية جميلة جدا ومتوفرة بالمنتدى ممكن تعمليها وتفاجئي خطيبك بصنف جديد اكيد حيحبه

وخلاص يا عسل اعملي معها صينية كفتة او مكرونة او مسقعة هي تقدم كصنف جانبي جنب الطبق الرئيسي

طيب شو رايك اعمليلي معها ملوخية وارز او محشي كرنب واي صنف بيحبه


بس الاساس انها مش صنف رئيسي لازم وجبة رئيسية جنبها

وان شاء الله تعجبه سفرتك وتطمنينا على النتائج

ام ليانة

جزاكى الله خيرا بجد ريحتينى وهديتى بالى

ربنا يكرمك ياقمر و يعزك ويبارك فيكى وجزاكى الله خيرا على متابعتك وردك وان شاء الله اجرب الوصفات اللى فى المنتدى

السلام عليم ورحمة الله وبركاته

اعملي مع ورق عنب وفطائر وكبه وعصائر وتوست مقلي او عادي وعمليهم بحشوات مختلفه مثل جبن وخضار ولحم ودجاج واعملي شورما صغير مره حجمه يكون كبر الاصبع الاوسط ارجو اني افدك اختي

ارجو الدعاء الي بظهر الغيب ان الله يهدين ويصلحن و يدخلن جنة الفردوس الاعلى ويسخرا الامي وابوي ويسخرهم لي ويرزقن الزوج والذرية قرة اعين واجعالهم من الصالحين
ويغنين بحلاله عن حرامه بجميع اموار الدنيا و المسلمين اجمعين

اختى ايمان
شوفى احلى حاجة مع السمبوسة هى النواشف
يعنى ممكن مكرونة بالباشميل وبفتيك او استيك مشوى او بانيه وسلطات ممكن مع الكفتة المشوية او الفراخ المشوية



ونصيحة بلاش تجربى حاجة فى عزومة ممكن تجربى قبلها افضل لكن السمبوسة سهلة ممكن تجربيها لانها اكلة جانبية

لو محتاجة حشوات متنوعة ممكن اقولك