كيفكم صبايا بتعرفو هاي رابع مرة بكتب موضوع وبنمحي كل الكلام
اليوم جايبتلكم شوية معجنات من مطبخي تطبيقي لعجينة العشر دقائق وهاي العجينة ما شاء الله بتجنن وكتير متريحة عليها
بس انا بضيف للعجينة بيضة ومعلقتين لبن رايب ومعلقة بكنج باودر
وبخليها تخمر شي نص ساعة بعد ما اعجنها كتير منيح
هون عملت صفيحة مع انها ما بتشبه الصفيحة ههههه
بس معلش الطعم طلع كتير زاكي يمكن لاني حطيت مع اللحمة والبصل فبيفلة خضرا وشوية زعتر اخضر ورق
وهون عملت المعجنات وحشيتهم جبنة نابلسية وزعتر اخضر ورق
وعملت اكم حبة على شكل الكب كيك بس ما حشيتهم بالجبنة
عجنت الجبنة والزعتر مع العجينة كتجربة وطلعو كتير زاكيين بس كان لازم ارد احشيهم بشوية جبنة
وهون عملت شوية بيتزا مرة بصينية ومرة عملت ميني بيتزا
وهون عملت سينابون بس حطيت زبدة بدل الزيت بتعطيها نكهة
وهون لما شويتها وحطيت عليها الحليب المحلى
وما تنسوني من دعواتكم الحلوة
احلى سلام لاحلى صبايا واحلى منتدى
الروابط المفضلة