عينى عليا بارده
مشاركتين للركن الهادى فى شهر واحد
انا خايفه اتحسد
وتقولوا عليا انى فظيعه وجباره وماهره وحاجات كده
والله انتوا عارفين اللى حيألس حيشوف شغله معايا

وكانت مشاركتى انهارده من نصيب نور الهدى
يابختها وياهناها وسعدها
على الابداع والتفانين اللى انا عملاه
فطايرى من عجينة الباف باسترى
احم احم وكانت جاهزه
اول نوع عملته

فطاير الفراخ
المكونات
مربعات الباف باسترى
فراخ مسلوقه وكانت بايته عندى من امبارح
جبنه كيرى
جبنه رومى مبشوره
بقدونس
ولو حبيتوا تحطوا زيتون اسود
وبابريكا
بيضه

الطريقه
اضع الحشو جوه العجينه واقفلها وادهن وجهها بالبيضه وارش عليها بابريكا
وادخلها تستوى

والنوع التانى كان سويسرول الباف بالجبنه والبسطرمه

المكونات
عجينة الباف
جبنه رومى مبشوره
بسطرمه
بيضه

الطريقه ادهن الباف بيض
وافرش الجبنه والبسطرمه
والفها سويسرول
واقطعها وادخلها الفرن تستوى

واتمنى انها تعجبكوا
ويارب ماتتحرموا من ابداعاتى الفتاكه
ومواهبى الفظيعه فى ركن المعجنااااااات
ههههههههههه

لفائف تجنن يا احلى برنسيس تسلمى يا قمر بارك الله فيكى وجزاكى خيرا

انا بدق على الخشب اهو هههههههه
تسلم ايدك يا ست الكل معجنات تجنن
بالعافيه عليكم

quote=noorelhoda;8892426]لفائف تجنن يا احلى برنسيس تسلمى يا قمر بارك الله فيكى وجزاكى خيرا[/quote]
تسلميلى ام نور

كتبت بواسطة أم مــــالــــك

انا بدق على الخشب اهو هههههههه
تسلم ايدك يا ست الكل معجنات تجنن
بالعافيه عليكم

خشب ايه يا ميسو
حبيبتى ده المفروض الخشب ده يكون على دمااااااااغى
انا اقعده بتلكك علشان ادخل الركن الهادى
بالحاجات العجيبه اللى بعملها
بس الحمدلله ولادى لسه صغيرين وبياكلوا من غيييييييييييييير ما يفهمووا ههههههههههه
تسلميلى حبيبتى

ما شاء الله مواهب جميله وسريعه ومفيده تسلم ايديك يا عسل

رديت اول مره يا برنسيس لان الصور مكنتش ظاهره بس عدت تانى والعود احمد
جميله حبيبتى ماشاء الله وليه مش عجباكى ده شكلها يجنن يا قمرايه بارك الله فيكى
وبالف هنا وشفا

تسلم ايدك ياعسل

تسلم الاياادى

تسلم الايادي برنسيس

كل شي من يدك بيكون مميز ورائع

بس ضلي طلي على ركننا الجميل

وحتلاقينا في انتظار صاحبة الانامل الذهبية والروح الجميلة

تحياتي حبيبتي

وكل سنة وانت طيبة يا عسل