صفيحة

**estrellas** · 26-06-2001, 02:22 AM

العجينة
كيلو طحين
لبن رائب
زيت
خميرة ملح وسكر

بتحضري الخميرة كالعادة بتحطي ماء دافئ في الكاس وتضيفي الخميرة مع ملعقة سكر وتحركيهم للتتفاعل الخميرة
تعملى حفرة وبتصبيهم فوق الطحين ويتفركيهم بين اصابعك بعدين بتضيفي تقريبا ثلاث ملاعق طعام زيت
واللبن لحد ما تلاقي العجينة اصبحت تتماسك مع بعض وبتعرفيها عندما تجدي ان العجينة لم تعد تتلاصق بالجوانب
بتكون جاهزة غطيها بقماشة مببللة واتركيها لحين تحضير التتبيلة
التتبيلة يوجد نوعين
صفيحة بالبندورة

كيلو لحمة غنم مدهنة مفرومة ناعم
واذا ما بتحبي الدهن الحيواني بتقدري اللحمة من غير دهن وتضيفي لها زيت نباتي بس للصدق ما بتطلع نفس الطعمة
اربع بصلات مفرومين معها
اربع بندورات مفرومين ايضا مع اللحمة
البهارات السبعة
ملح طبعا
ملعقة دبس الرمان
صنوبر
بعد فرم اللحمة والبصلة والبندورة نخلطهم بباقي التوابل والصنوبر
الان نرق العجين بشكل رقيق نوعا ما يعني لاتتمزق ولا تكون مثل البيتزا
على الشكل اللي بتفضليه بس المهم تكون مفتوحة حتى تستوي اللحمة
عندك هي الطريقة بتفردي العجينة وقطعيها دوائر واغلقيها من الزوايا بحيث تشكل مربع وضعي الحشوة في الوسط هي منظرها ظريف
اما بالسوق بيعملوها بيضاوية الشكل

الصفيحة باللبن
اللحمة مع البصل مفرومين
ملعقتين لبن رائب
ملعقتين دبس الرمان
عصفر اللي شكله بيشبه الزعفران
كزبرة يابسة
والبهارات والملح
وبتبليها
وبتشكليها على حسب رغبتك
وانشاء الله اكون قد افدتكم

**عمانية** · 26-06-2001, 11:51 AM

جاء دور الصفيحة هالله هالله يالله متى يجي دور الكبة تراني احبها موت
عموما الف شكر حبيبتي

**estrellas** · 26-06-2001, 10:15 PM

انشاء الله الف صحة وعافية للجميع والكبة ستكون قريبا

**مرفأ الاحزان** · 23-10-2002, 12:46 PM

غير البندورة ممكن نعملها بالطحينة

لحمة ناعمة بصل ناعم بهارات وملح وطحينه وليمون وخل ملعقة لبن( حسب الرغبة ) وصنوبر
طبعا تحل الطحينة بالليمون والخل وتضعى ملعقة لبن ثم تضع عليها اللحمه والبصل والصنوبر

وناخذ العجينه ونقطعها وتفرد الى دوائر كشكل البيزا بس على حجم صغير ثم تضع الحشو بالوسط وتشوى في الفرن وممكن يضع لجابنها اى نوع سلطة او مشروب عصير تفضلينه