باندورو



يشبه الى حد كبير خبز الباناتون الإيطالى الشهير
وهو يعتمد على البيجا او البادىء لإبقائه طازجا مدة 12 يوم

البيجا (البادىء)
1 و نصف كوب دقيق
1/2 كوب كوب ماء بارد
1/8 ملعقة صغيرة خميرة فورية


العجينة
1/4 كوب زبدة غير مملحة
فانيليا و بشر قشرة ليمونة
2 ملعقة ماء بارد
2 بيضة كبيرة
1 1/2 ملعقة صغيرة ملح
1/3 كوب سكر
2كوب دقيق
1 معلقة صغيرة خميرة فورية
1/2 كوب زبيب
1/2 كوب مشمش مجفف مقطع صغير

الطريقة

البيجا
امزجى الدقيقو الماء والخميرة جيدا
غطيها و سبيها تخمر ساعة و لاتزيدى حتى لا تتحول
لخميرة برية متخمرة (بها كحول)



تانى يوم اخلطى كل مكونات العجينة ماعدا الفواكه المجففة و غطيها و اتركيها تخمر
ساعة و نصف


لما تخمر العجينة اخلطى معاها الفواكه المجففة و لكن حاولى تخليها فى جوف العجينة عشان ماتتحرقش لو كانت على وش الرغيف اثناء الخبيز


ادهنى الصسنية و افردى فيها العجينة (تقليديا المفروض تخبز فى صينية على شكل نجمة لكن ذلك غير ضرورى)


اتركيها تخمر تانى ساعتين و غطيها كويس
سنخنى الفرن 10 دقائق


اخبزيها فى الأول 10 دقائق

و بعدين 35 - 40 دقيقة وهى مغطاة بالفويل


اتركيها ترتاح 10 دقائق و بعدين اقلبيها على رف سلك و لما تبرد قطعيها و تقدم مع جبن الماسكربونى او سادة

خبز الخلية الطرى بالعسل

4 كوب دقيق و ابدأى ب 3 فقط لو كنتى بتعجنى على ايديك مش فى العجانة
كوب ماء دافىء
3 معالق زيت نباتى
1 و ربع معلقة صغيرة ملح
بيضة مخفوقة
باكتة خميرة فورية
1/4 كوب عسل

الطريقة

فى بولة كبيرة دوبى الخميرة فى الماء الدافىء
و بعدين اضيفى العسل و قلبى
و اضيفى البيض و الزيت و قلبى تانى
ضيفى الدقيق و الملح و قلبى و ابدأى ب 3 اكواب دقيق فقط فى البداية
اعجينى العجينة على سطح مرشوش بالدقيق لغاية ماتبقى مطاطية

انقلى العجينة فى بولة مدهونة بالزيت
و غطيها ساعتين لغاية ماتتخمر و يتضاعف حجمها فى مكان دافىء

بعد كده قسمى العجينة ل 12 -18 قطعة متساوية
و كوريها و حطيها على صينية مفروش فيها ورق زبدة او صينية مدهونة و غطيها و سبيها تخمر تانى 20 دقيقة

بعد كده رصيها زى الخلية فى صينية مدهونة و مرشوشة دقيق
و اخبزيها لمدة 13 - 15 دقيقة

ملحوظة
بعد 5 دقائق من بداية الخبيز دهنت وجه الخبز بمخلوط معلقة زبدة و معلقة عسل ابيض
ودخلت الفرن تانى

البناتونى الإيطالى على الطريقة الأمريكية


هذا هو الشكل التقليدى للبناتونى
الخبز الإيطالى المحلى الشهير



ولكن اقدم لكم الشكل الأمريكى نظرا لأن
تسوية البناتونى بالشكل التقليدى تتطلب حرفية عالية
لا تتقنها حتى ربات البيوت اللإيطالين انفسهم

بسبب شكله التقليدى كان ينتج رغيف محلى ملىء بالفاكهة المجففة و شهى الرائحة الا انه جاف من الخارج و لم ينضج تماما من الداخل فكان هذا الحل
احصلى على خبز البناتونى المحلى و لكن بشكل امريكى بدلا من ايطالى



البيجا او البادىء

• 1 1/2 كوب دقيق
• 1/2 ماء بارد
• 1/4 ملعقة صغيرة خميرة فورية

العجينة

• 3 بيضات كبيرة او 4 صغيرين
• 1/2 كوب زبدة غير مملحة مقطعة مكعبات
• 2 1/2 كوب دقيق
• 1/3 كوب سكر
• 5 معالق صغيرة خميرة فورية
• 1 1/2 ملعقة صغيرة ملح
• 2 باكتة فانيليا
• بشر قشر ليمونتين
• 1 1/2 كوب فواكه مجففة مقطعة

الطريقة

البادىء
اخلطى الدقيق و الماء و الخميرة و اعجنى كويس

سيبى العجينة دى فى بولة مدهونة و غطيها عشان تخمر لغاية ماتتضاعف فى الحجم

العجينة
اخلطى المكونات جيدا و اضيفى ليها البيجا او البادىء ولكن بدون الفاكهة المجففة ولاحظى انه لو عندك العجان سيمون اسهل عليمى عجنها لأنها عجينة صعبة
ولكن اليدين ستفيان بالغؤض مع بعض المجهود

اعجنى كويس ولا تنزعجى اذا التصقت العجينة بجدار البولة
فالعجينة كما قلت ثقيلة قليلا

خلى العجينة ترتاح فى بولة مدهونة لمدة ساعة

امزجى الفواكه المجففة مع العجينة لكن ماتقلبيهاش كتير اوى عشان الفواكه ماتنزلش السكر بتاعها فى العجينة مما يعوق ارتفاع العجينة فيما بعد

سبيها ترتاح 10 دقائق و شكليها على شكل كورة

اعملى حفرة فى نص الكورة

و شليها بالراحة و حطيها فى صينية مفرغة مدهونة

غطيها و سبيها ساعتين
مش حاترتفع كتير ولكن يجب تركها

اخبزى البناتونى فى فرن سابق التسخين
40 دقيقة
بعد 25 دقيقة من بداية الخبيز غطيها بألزميوم فويا لغاية نهاية الخبيز
لو القالب بتاعك صغير و قطره صغير

حاتحتجى تقسمى الكمية بتاعة العجينة على مرتين و مده خبز اقل شوية
او استعملى اختبار السكينة عشان تعرفى العجينة استوت ولا لأ

طلعى البناتونى من الفرن و ادهنيه بالزبدة السايحة و هو لسه سخن

رشى عليه سكر بودرة قبل التقديم مباشرة و ده حسب الرغبة

ستيكى بانز

او
السينابون







المكونات

العجينة


1/4 كوب ماء دافىء
1 بكتة خميرة فورية
1/3 كوب سكر
3/4 كوب حليب
4 معالق زبدة غير مملحة بالإضافة للمزيد لدهان القالب
3 صفار بيض كبير او 4 صغيرين
1 بشر برتقالة
1 1/4 ملعقة صغيرة ملح
4 1/4 دقيق بالإضافة للمزيد عشان رش سطح العمل





الحشوة
1/2 كوب سكر بنى
1 ملعقة صغيرة قرفة مطحونة
معالق صغيرة4 زبدة غير مملحة



التزين
4 معالق صغيرة عسل
3/4 كوب سكر بنى 4 معالق زبدة غير مملحة
1 1/2 كوب عين جمل مقطع خشن


الطريقة


العجينة
اخلطى الماء و الخميرة و معلقة سكر و قلبى و سبيها تتتفاعل 5 دقائق

اضيفى الحليب و الزبدة و باقى السكر و صفار البيض و بشر البرتقالة و الملح و 3 اكواب دقيق و قلبى
لما يختلطوا كويس

اضيفى قليلا قليلا كوب الدقيق المتبقى


العجينة حاتكون ملزقة شوية
خديها و حطيها فى بولة مدهونة زبدة و ادهنيها قليلا جدا بالزبدة و غطيها و يبسها تخمر ساعة او ساعتين حسب دفىء المكان


لما يتضاعف حجم العجينة افرديها على سطح مرشوش بالدقيق و سبيحا تستريح 20 دقيقة





الحشوة

اخلطى الزبدة السايحو مع القرفة مع السكر البنى.

افرديها على العجينة و لفيها كأنها سويسرول
و قطعيها ترنشات كما بالصورة






اعملى مقدار التزين



سيحى الزبدة و السكر البنى والعسل على النار
صبى المزيج ده فى الصينية اللى حاتخبزى فيها السينابون و اللى مدهونة كويس بالزبدة
وزعيه على الصينية كويس
و رشى عليه العين جمل المقطع







كما بالصور رصى الترنشات بتاعة العجينة فى الصينية بوخليهم متلاصقين ببعض
غطيهم بالسوليفان كويس اوى و سيبيهم طول الليل فى التلاجة


تانى يوم طلعيها و خليها توصل لدرجة حرارة الغرفة
سخنى الفرن
و اخبزيها 35 دقيقة لغاية ماتحمر
و اقلبى الصينية فورا على قالب تقديم و خلىبالك من السائل السخن اللى فى القاع عشان ماينزلش على رجلك و يحرقك
خليها تهدأ شوية و تقدم دافئة

بسكوت زبدة الفول السودانى

مبدئيا انا ماعنديش زبدة فول سودانى
فا أخدت 3/4 كوب سودانى و حمصته
وضربته فى الكبة
لم بقى ناعم خالص اضفت ذرة ملح و 3 معالق زيت و ضربت على خفيف لغاية لم ا بدأ يجمع معايا
ممكن تحتاجى تزودى الزيت شوية عشان موتور الكبة مايلاقيش مقاومة من المزيج و يتحرق

النتيجة عجينة زبدة الفول السودانى






المكونات

• 1/2 كوب سكر
• 1/2 كوب سكر بنى
• 1/2 كوب زبدة فى درجة حرارة الغرفة
• 1/2 كوب زبدة فول سودانى
• 1 بيضة
• 1 1/4كوب دقيق
• 3/4 ملعقة صغيرة بيكربونات الصوديوم (كربونة او بيكربوناتو)
• 1/2 ملعقة صغيرة بيكينج باودر
• 1/4 ملعقة صغيرة ملح

الطريقة



اضربى الزبدة و لمدة 2 دقيقة و بعدين اضيفى السكر و اضربيهم دقيقتين كمان


اضيفى البيضة و زبدة الفول السودانى
امزجى المكونات الجافة مع بعض
و بعدين امزجيهم مع خليط الزبدة و السكر


كورى العجينة و لفيها بالسوليفان كويس و حطيها فى التلاجة 3 ساعات على الأقل









سخنى الفرن


كورى العجينة كور صغيرة
و افردى ورقة زبدة فى صينية


حطى الكور على مسافات
و شكليهم بالشوكة كما بالصور
اخبزيهم لمدة 10 - 15 دقيقة
لغاية مايسمروا بسيط


الكمية تكفى 24 قطعة

البروانيز بزيت الزيتون و الفستق

100 جرام شكولاتة خام مقطعة و سايحة فوق حمام مائى ساخن

1/3 كوب زيت زيتون بكر

½ كوب دقيق

¼ كوب شوفان (كويكر)

رشة ملح

2 بيضة كبار فى درجة حرارة الغرفة

2/3 كوب سكر

فانيليا

½ كوب فستق (ممكن تعمليعا من غير مكسرات خالص او بكمية اقل من المكسرات)

سخنى الفرن

وبطنى صينيتك بورقة زبدة و ادهنيها خفيف بالزيت

اضربى الزيت مع الشكولاتة السايحة بالمضرب اليدوى و مجرد ما يختلطوا اتركيهم على جنب

امزجى الدقيق و الشوفان و رشة الملح والفانيليا مع بعض فى بولة منفصلة

اضربى السكر مع البيض لمدة 5 دقائق

قومى باضافة الدقيق برفق و بدون استخدام المضرب الكهربى فقط بمعلقة ولو امكن مسطحة

ثم اضيفى خليط الشكولاتة و الزيت

لما الخليط يتجانس اضيفى الفستق

صبى الخليط فى الصينية المبطنة بورق الزبدة

واخبزيها لمدة 20 -22 دقيقة

واستخدمى اختبار السكينة للتأكد انها استوت

لما تبرد تماما قطعيها مربعات

خبز التمر و عين الجمل

وجبة خفيفة ممتازة فى العمل او المدرسة او الجامعة

مليىء بالفيتامينات و يحتوى على الكالسيوم و اوميجا 3

المكونات

1 كوب دقيق

1 ملعقة صغيرة بيكربونات الصوديوم

2 ملعقة بيكينج باودر

¼ كوب سكر

ملعقتين زبدة

350 جرام تمر منزوع النوى و مقطع

140 مللى ماء مغلى

بيضة

100 جرام او ½ كوب عين جمل مقطع

سمسم للتزين على الوجه

الطريقة

سخنى الفرن و ادهنى قالب توست و رشيه بالدقيق (ممكن استخدام صينية مدورة ولكن صغيرة)

انخلى المكونات الجافة مع بعض

حطى الزبدة و التمر مع بعض فى بولة و حطى عليهم الماء المغلى و سبيهم يبردوا

لما يبردوا اضيفى خليط المكونات الجافةو البيضة و عين الجمل

حطيهم فى القالب و رشى سمسم على الوجه للزينة و اخبزيهم لمدة 50 دقيقة

يراعى ان تختبريها عند 40 دقيقة باختبار السكينة نظرا لإحتمال ان يكون فرنك حامى

بعد كده طلعيها من القالب و سبيها تبرد على رف سلك

و لما تبرد خالص قطعيها شرائح زى التوست

كيكة القهوة

احدى الوصفات الأسترالية الشهيرة

اذا لم تكونى من عشاق القهوة يمكن استبدال القهوة هنا بالشكولاتة المقطعة صغير او القرفة و عين الجمل المقطع











.

1 ¼ كوب دقيق

معلقة صغيرة مملوءة بيكينج باودر

¾ كوب سكر بنى

2 معلقة صغيرة نسكافيه

او 2 ملعقة صغيرة قهوة

3 معالق مائدة زبدة فى درجة حرارة الغرفة

3 معالق مائدة كريمة لبانى

2 بيضة

100 جرام شكولاتة سايحة (فى بولة فوق حمام مائى ساخن وعليها معلقة صغيرة زبدة او معلقة كريمة صغيرة)

لوز شرائح للزينة و اذا لم يتوفر ممكن لوز انصاف

او مجروش خشن او اى مكسرات اخرى

الطريقة

اخلطى الدقيق و السكر و البيكينج باودر و القهوة مع بعض فى بولة

اضيفى البيض و الزبدة و الكريمة واضربيهم لغاية ماتبقى خليط متجانس

صبي الخايط فى قالب مدهون و مرشوش بالدقيق

لمدة 35-40 دقيقة

و صبى عليها الشكولاتة بعد لما تخرجيها من القالب

و زينيها باللوز و سبيها ترتاح و تبرد

البالميه


سهل موووت و طعمه حلو اوى

عجينة بف بيسترى
وتحطى 4 قطع جنب بعض و تدمجيهم مع بعض كما هو موضح بالصور

رشى سكر على السطح اللى بتشتغلى عليه

و بعدين افردى عليها العجينة

وبعدين رشى سكر تانى على وجه العجينة

و ابرميها من الناحيتين زى مافى الصور

قطعيها و حطيها فى صينية
مفروشة بورق زبدة

لمدة 15 دقيقة

الكراكرز

كراكرز بالزيتون و الروز مارى

حلوة اوى مع الشاى و للتسالى

1 كوب دقيق متعدد الإستعمالات و المزيد لرش مكان العمل
1/2 معلقة صغير ملح
3 معالق مائدة جبنة رومى (او بارميزان)
معلقة روزمارى فريش مفروم

5 زيتونات اسود مقطعة صغير
3 معالق زيت نباتى و ممكن زيت زيتون
1/8 ليتر حليب كامل الدسم (125 مللى)
50 مللى كريمة
معلقتين سمسم او حبة البركة اللى تحبيه
ملح للرش على الوجه
2 فص ثوم كبار مفرومين

سخنى الفرن

حطى كل المكونات ماعدا اللبن و الكريمة فى الكبة على دفعات
و اضربى ضربات متقطعة لغاية ما الخليط يبقى كتل صغيرة

طلعى الخليط و قلبيه مع الكريمة و اللبن










اعجنى العجينة وافرديها رفيع اوى
لو العجينة مش عايزة تلم معاكى و ناشفة ممكن تزودى معلقة لبن واحدة واحدة لغاية ماتلم

لا تضيفى كمية لبن كبيرة مرة واحدة

واللبن يكون من بتاع اللبان مش جهينة عشان يبقى بقشطته
و قطعي العجينة
بالرول المشرشر

اوى حتى الرول بتاع البيتزا
و اخبزيها لمدة 10 دقائق
ورشى على الوش رشة ملح خشن

بس تكون الصينية مفروشة ورق زبدة

ملحوظة اللى عايزة ممكن تستبدل الكريمة ب معلقتين مائدة زبدة