كتبت بواسطة ام ياسمين ليبيا

شن اخباركم ياسمحات اليوم
معاش لحقت نقرا الصفحات اللي فاتتني
قريت الاخيرات وخلاص ماشاء الله ربي يحفظكم
اليوم فطوري شريبة حوت وجربت سيخ الدجاج امتع العجولة اذكرها بالخير ماشاء الله
ننصحكم تجربوه وبيتسة وبوريك
سويت عظم الله اجركم وربي يرزق صغارها الصبر
لولو ياسمح انت خيرها صفيرتك قنينة ماشاء الله تجي في الخاطر
خاصة البوريك لو بس اتمديلي منه طريف
وباقي البنات منووووووووووووووورات

ما شاء الله يا أم ياسمين على صفيرتك ... و ربنا يدوم الخير عليكم

كتبت بواسطة ريحان

السلام عليكم

كيفكم بنات اليوم

الحمد لله يا ريحونه .... كيف حالك انتي ان شاء الله بخير

كتبت بواسطة ام ياسمين ليبيا

الحمد لله
طولت موجة النو المرة هادي
ربي يعين وخلاص حتى المكيفات معاش نفعت

لكن اليوم و أمس الجو حلو شوية ...مش نو ... حتى المطر بخبخت شوية امس و اليوم الصبح

و الباين انه الخريف راح يخش بكري السنة هذه

كتبت بواسطة shantal

ميمي ماشاء الله لا قوة الا بالله بصراحة صفرة تهبل وتتكيم وذوق مش عادي ابدااااااااااااااااااع في كل شي ربي يهنيك ان شاء الله



كيتي الحلوة ماشاء الله عليك وعلى صفرتك وربي يعطيك الصحة ويبارلك في مولى بيتك ويرزقك الذرية الصالحة يارب والله ديما انقول ماشاء الله عليها هالمراءة عيني ما اضرك تخدم وتروح اتطيب واتفتلك واتصور تعرفي انا لما انروح من الخدمة معاش عندي خلوق لي شي بس رمضان هذا مدلعتهم لاني الحمد لله مستريحة في الحوش لان الطبخ والتتكيم يبي مزاج ووخيتك من النوع اللي تحب كل شي اديره بكري ما تحبش الجري اخر لحظة والتفرفيش وسباق الشربة
والف الف مبروووووووووووك على تميز الملف لانه يستاهل
ماما الاء هنا يا مرحبا يا مرحبا
واخيرااااااااااااااااااااا تواضعتي ونزلتي سفرتك كخخخخخخخخخخخخخخخخخخخ
يسلموا ايدياتك اللي يلتفوا بالحرير وايديات اميمتك وربي ان شاء الله يقوي سعدك ونفرحوا بيك عن قريب ( وحدة ضامنة روحها انها معزومة كخخخخ)





ماشاء الله تطبيق رائع اختي حرة فوق راس حر ربي يدوم عليك صحيحتك ويسهل عليك وحتى انا حاطتها في بالي نبي انديرها كان سخر ربي

اختي النطاحية ربي يعطيك الصحة ويحفظلك صغويرتك وشنبيرك اللي يبي يريحك وما يبيكش تتعبي يدوم عليكم الهناء ان اشاء الله

بريكة ياغالية كيف حالك وكيف حال الصحة ماشاء الله عليك منورة الملف بهدرزتك الحلوة ربي ما يحرمنا منها



هلا بسويت بيبي ومشكورة على الدعوات الحلوة وان شاء الله ربي يتقبل فقيدتكم برحمته ويدخلها فسيح جناته هي والمرحوم زوجها وربي ويصبر صغويرتها وانا لله وانا اليه راجعون

كيف حالك اختي الغناوية وكيف حال صحتك منورة الملف انتي واريناس وريحان وام لمى ولمار وام ياسمين ليبيا وبيبي دوح وفي انتظار الصور يا غالية
وين اختناالمغتربة وفرفورة وباقي البنات معاش بانوا
هلابالمتميزة بوصفاتها الرائعة الاخت زينب محمد ربي يعطيها الصحة وان شاء الله في ميزان حسناتها
وان شاء الله ما نسيت حد والله احده على بنات بلادي اللي يرفعوا الراس

سلمك يا حبيبية و نجيك و يحفظك المولى

و التميز هذا خديناه بفضل من رب العالمين أولا و بعدين جهدكم يا حبيبات

الله يبارك فيكم كلكم

و يا حبيبة ربنا ما يحرمنا من حاجاتك النويزكة

كتبت بواسطة ريحان

كيفك اليوم والله فرحتلك على التمييز انتى تستاهالى اكثر من هكى وان شاء الله ربى يفتحها عليك

الله يبارك فيك يا حبيبة .... و هذا تميز لينا كلنا و نستاهلوه كلنا

و ربنا ما يحرمنا منك و من طلتك

كيتى والله انى نبى اندير الكنافة الحارة

ونستنى فى الاء ماعطهاليش خاطرى انديرها شكلها مقرتش طلبى كان هادا ماتبخلش ماشاء الله عليها وعليكم هى

الحق كلها قالتها وانى مافهمتاش فى الاخير بيض وكنافة ثم الزيت هذا ايلى مفهمتاش الكنافة تقعد امتتفترش بالك عندك خلفية عليها والله

خاطرى اليوم انديرها قدر الله وما شاء فعل حتى غدوة ان شاء الله تقرا طلبى لولو

ابريكة وحرة وينكم اليوم شكلكم قاعدين راقدين نوما هنيئا مريئا

كتبت بواسطة ريحان

كيتى والله انى نبى اندير الكنافة الحارة

ونستنى فى الاء ماعطهاليش خاطرى انديرها شكلها مقرتش طلبى كان هادا ماتبخلش ماشاء الله عليها وعليكم هى

الحق كلها قالتها وانى مافهمتاش فى الاخير بيض وكنافة ثم الزيت هذا ايلى مفهمتاش الكنافة تقعد امتتفترش بالك عندك خلفية عليها والله

خاطرى اليوم انديرها قدر الله وما شاء فعل حتى غدوة ان شاء الله تقرا طلبى لولو

حبيبة اني توا مروحة من الخدمة ان شاء الله

و أول ما نوصل بعون الله راح نفتح كراستي و نشوفها

لأني كاتبتها حتى اني من ماما الاء
و نقولك

بارك الله فيك حبيبتى كيتى ويوصلك ربى بسلامة نتلاقوا بعدين يا غالية

كتبت بواسطة ريحان

كيتى والله انى نبى اندير الكنافة الحارة

ونستنى فى الاء ماعطهاليش خاطرى انديرها شكلها مقرتش طلبى كان هادا ماتبخلش ماشاء الله عليها وعليكم هى

الحق كلها قالتها وانى مافهمتاش فى الاخير بيض وكنافة ثم الزيت هذا ايلى مفهمتاش الكنافة تقعد امتتفترش بالك عندك خلفية عليها والله

خاطرى اليوم انديرها قدر الله وما شاء فعل حتى غدوة ان شاء الله تقرا طلبى لولو

ريحان اغمسيها في البيض بعدين في الكنافة المفترشة بدل البقسماط

ثم اقليها

السلام عليكم ...كيف حالكم بنات اليوم ؟؟؟
كيتي ما شاء الله الكفتة تهبل و تجي في الخااطر
حرة محلاها الكنافة ...قصيتيها بايدك و في البروسسر؟
لولو ما شااء الله صفيرتك قنينة و بالذات البوريك
شنتال الشباكية جت في خاطري هي و القطايف و نبي المقادير
و باقي البنات اريناس ريحان ابريكة الغناوية النطاحية زوبة ميمي ...صحيتوا
سويت عظم الله اجركم ..انا لله و انا له راجعون

ما شاء الله عليك

يا حليلي منك و خلاص ... بتهبليني حسك

كل مرة طالعتيلي بحاجة


بصراحة لو بتطلع الصفرة هكي كل ما يهرب عليكم الضي ... بنقول للكهرباء يقص علينا حتى احني بالك تطلع حاجة باهية منا

الحق رعشتيني بالقوارب

قبل نبي نحطلها عجيني العادية
لكن بعد ما لقيتك مدايرتيها بالبف ... بالله عليك اعطينا طريقتها

و لو عندك حاجات حارة بالبف بالله ما تبخليش علينا

و بالنسبة للقطايف ..... نرعش لما نشوفهم .... شنو هكي الحق الباين اليوم بنبات في المطبخ .... خاطري انديرها ... و راح نبعثلك صونية و اضوقيها شن رايك

الله يبارك فيك الحق صفرة ما شاء الله

هلا كيتي الحلوة ماشاء الله الملف واقفتيله بجديات وهذا اللي خلاني نتشجع ونعاونك انتي وكل البنات اللي هنا سواء اللي نزلوا صور او ردوا وشجعونا بكلامهم الطيب
وعلاش تباتي في المطبخ ياكيتي فيه حاجات جاهزة وتساعدك
زي للقطايف مثلا نوسة جابتهم جاهزات من سوق المهاري وحشتهم يعني ما ياخدوش منك 10 دقايق والحشوة عبارة عن كريم شانتيه وجبنة كرافت اوفيلادلفيا وتزينيهم باللوز او الفستوق وتسقيهم بشوية عسل

بالنسبة لعجينة الباف حتى هي جاهزة وديما موجودة في الفريز مجرد انك تخليها ترجع لحرارتها الطبيعية وتفتحيها بالعصا وتقصيها بالفورمة متاع القارب وتساويها في القارب بواسطة الاصبع الابهام ( نستخدم في قوارب تيفال وما تلصقش فيهم العجينة) وبعدين تحشيها بالحشوة اللي تبيها وحشوتنا البارح كانت طباهج ( بطاطا مكعبات وباذنجان وقرعة وفلفل ومعاهم صالصة طماطم) ومن فوق عليهم جبنة مبشورة

وهذه صورة القوالب

اما الخبيزة حتى هي جاهزة وصيت نوسة قلتلها جيبيلي خبيزة من الفوانيس بس للاسف جابتها من كوشة تانية وما كانتش طازة يعني بايتة بس مشى الحال وحشيتها بالتن والزيتون والسلاطة المشوية وما فضل منها ولا طرف ( الطايح مرفوع هههههههههههههههههه)

وعلى فكرة السلاطة المشوية طبق رئيسي في السفرة التونسية وطريقتي في السلاطة المشوية انك تشوي الفلفل على الفحم بكمية كبيرة وتقشريه واتحطيه في اكياس وتحطيه في الفريز وامتى ما تبي اطلعي وتزيديه طماطم ( نشوي فيها على الغاز بسرعة قبل لا تشوفني امي وتقولي اتفسديلي في الغاز) وشوية بصل وتومة انذبله وانضيفه للفلفل وملح وتابل وكروية تونسي وزيت زيتون تطلع وكأنك توة مدايرتيها وبنت الطماطم طازة فيها. بس فيه اللي يجهزها كلها مع بعضها ويحطها في الفريز

والبامية سريعة و ما خدتش وقت قليت اللحم اللي كان قطع صغيرة مع البصل وتبلتهم بالملح والبزار والفلفل الاسود والكسبر والكروية كاني انطيب في قلايا وهذه السر يعني ما نعبيش الطنجرة امية ياذوب نمرقها بالشوية بالشوية تجي بنتها احلى ولما طاب اللحم ضفتله الطماطم الاخضر والبامية وخليتهم يغلوا وياخذوا من التتبيلة وفي الاخيرشوية تومة و قرين فلفل اخضر



لكن اليوم سفهتني النطاحية في الرشدة المبكبكة الحق اتجي في الخاطر واهو نوع من التغيير خلي انقول الفكرة لامي وانشوف شنو رايها

كتبت بواسطة ليلة حنة

السلام عليكم ...كيف حالكم بنات اليوم ؟؟؟
كيتي ما شاء الله الكفتة تهبل و تجي في الخااطر
حرة محلاها الكنافة ...قصيتيها بايدك و في البروسسر؟
لولو ما شااء الله صفيرتك قنينة و بالذات البوريك
شنتال الشباكية جت في خاطري هي و القطايف و نبي المقادير
و باقي البنات اريناس ريحان ابريكة الغناوية النطاحية زوبة ميمي ...صحيتوا
سويت عظم الله اجركم ..انا لله و انا له راجعون

اهلين اختي ليلة حنة
بالنسبة لمقادير الشباكية الجزائرية
كوب زبدة
ملعقة كبيرة سكر عادي
ملعقة صغيرووووووون خميرة بيرة ما تكتريش
كوب ماء دافي + ملعقة كبيرة ماء زهر (امس مش متوفر الزهر فتم استبدالهم بكوب عطر ومشى الحال)
بيضتين
رشة ملح
ملعقة كبيرة خل
وللتزيين جلجلان او لوز حسب الرغبة بس الوصفة الاصلية جلجلان

والطريقة
بعد ما تعجني العجينة وترتاح ربع ساعة تفتحيها رقيقة ( كل ما كانت ارق تجي تتقرمش اكثر)
وتقصيها زي ما في الصورة








وتقليهم في الزيت






وتعسليهم وترشي عليهم جلجلان او لوز زي ما تبي

وهذه صور تانية للتوضيح اكثر



بس لو ما جتش معاك التشكيلة بالزبط مش مشكلة المتعة في الطعمممممممممممممممم
واي سؤال ادللي

كتبت بواسطة ريحان

شنتال ماشاء الله على سفرتك اتهبل يسلموا الايادى وبالصحيحة عليكم و الهناء قولى حبيبتى كيف درتى القارب بالعجبينة المنتفخة يعنى كيف قصيه

الله يسلمك اختي ريحان شرحتلك الطريقة في الرد اللي فات وان شاء الله تكون الطريقة واضحة واي استفسار ادللي

كتبت بواسطة ام ياسمين ليبيا

ماشاء الله ياشنتال صفرة دايمة
عندك حق الباميا متبيش كتر دباير حتى اني نبشرلها في طماطم اخضر وندير حاجة بسيطة طماطم حكة وتطلع اممممم

اسمعي بندللوا عليك شوية مدام امك ربي يخليها تونسية والمطبخ التونسي عنده مايقول
قولينا على طواجين تونسية نتعلموها

ولا يهمك اختي ام ياسمين ليبيا ادللي وان شاء الله انفيدكم وبالنسبة للطواجين فعلا المطبخ التونسي غني بالطواجين المختلفة رغم انه اشهر طاجين هو طاجين الجبن بيس فيه غيره الكثير وكل واحد وطريقته وفيه طاجين الملصوقة اللي هو البوريك وغيره وغيره بس تعرفي الدباير التونسية ليها دور يعني البزار التونسي والفلفل الاحمر والتابل والكروية اللي اول ما تحطي منه في الطنجرة تفوح على طول كلها عوامل تخلي للاكل التونسي نكهته الخاصة ولانهم مازال ايديروا في دبايرهم في الحوش وما فيش حاجة تعلى على حاجة الحوش وربي يسلم خالاتي ديما يحسبوا في امي في الدباير وفي كل شي

وبإذن الله قريبا حنزلكم طريقة احلى طاجين تونسي قنبلة الموسم اسمه طاجين سانية( يعني من الاخير حوازة لانه فيه الخضرة كلها ( بطاطا وفلفل وكوسا وبذنجان واهم حاجة القنارية اللي هي الخرشوف) كلها محشية بالمفروم والمعدنوس والبصل وشوية جبنة وطايبة في مرقة (جلبانة باللحم) اللي هي البازيليا) حاجة رهيبة يوم اللي انديروها يشمها الشارع كله ولازم انضوقوا منها الحبايب وحتكون بالصور ان شاء الله انتظرووووووووووووووووووني