|
للبحث في شبكة لكِ النسائية:
|
وهج العطاء لركن المعجنات "مُبدعة صيف 1430هـ"
صباح الخير علي الحلوين
الوءة ياقمر ماشاء الله علي هالصفيرة المبدعة ...يمي والله بالحق تجي في الخاطر
اسمعي لما تعزميني عندكم نبي جلسة علي الارض راهو زيها بالزبط ...هههههههههههههه مش تنسي ...امممممممواه
شانتال ماشاء الله عليك ياقمر بصراحة ربي يحرسكم من العين فالحات ربي يخليكم لميمتكم ويفرحها بيكم
تسلم ايدك صفرة حلوة ومميزة
وهج العطاء لركن المعجنات "مُبدعة صيف 1430هـ"
كتبت بواسطة ريحان
ريحونة ... كيفك حبيبتي وكيف الاولاد ؟؟؟
لو انتي في ليبيا ؟ تلقي الطواجين متاع الكب كيك في محل بعد الكوبري في قرقارش علي اليمين علي الشارع كله للمواد المنزلية بس منعرفش اسمه والله بس مقابل محل مرحبا للملابس تقريبا لو مش متلخبطة
او شوفي محلات تيفال في الزرقاء ولا حي الاندلس او بن عاشور جانب الركن الشرقي ... اكيد تلقي عنده لانه ماركتهم كويسة
عضو نشيط
كيف حالك اختى انا الحمد لله جزاك الله خيرا وفتح الله عليك عزيزتى نعم اختى انى فى طرابلس
آخر مرة عدل بواسطة ريحان : 30-08-2009 في 01:26 PM
وهج العطاء لركن المعجنات "مُبدعة صيف 1430هـ"
تسلمي حبيبتي وتفضلي اي طلب كلنا اخوات ونساعدوا بعض ... واتمنى تلقيهم وتبيديهم بالصحة والعافية
عضو نشيط
ميمي ماشاء الله لا قوة الا بالله بصراحة صفرة تهبل وتتكيم وذوق مش عادي ابدااااااااااااااااااع في كل شي ربي يهنيك ان شاء الله
كيتي الحلوة ماشاء الله عليك وعلى صفرتك وربي يعطيك الصحة ويبارلك في مولى بيتك ويرزقك الذرية الصالحة يارب والله ديما انقول ماشاء الله عليها هالمراءة عيني ما اضرك تخدم وتروح اتطيب واتفتلك واتصور تعرفي انا لما انروح من الخدمة معاش عندي خلوق لي شيبس رمضان هذا مدلعتهم لاني الحمد لله مستريحة في الحوش لان الطبخ والتتكيم يبي مزاج ووخيتك من النوع اللي تحب كل شي اديره بكري ما تحبش الجري اخر لحظة والتفرفيش وسباق الشربة
والف الف مبروووووووووووك على تميز الملف لانه يستاهل
ماما الاء هنا يا مرحبا يا مرحبا
واخيرااااااااااااااااااااا تواضعتي ونزلتي سفرتك كخخخخخخخخخخخخخخخخخخخ
يسلموا ايدياتك اللي يلتفوا بالحرير وايديات اميمتك وربي ان شاء الله يقوي سعدك ونفرحوا بيك عن قريب ( وحدة ضامنة روحها انها معزومة كخخخخ)
ماشاء الله تطبيق رائع اختي حرة فوق راس حر ربي يدوم عليك صحيحتك ويسهل عليك وحتى انا حاطتها في بالي نبي انديرها كان سخر ربي
اختي النطاحية ربي يعطيك الصحة ويحفظلك صغويرتك وشنبيرك اللي يبي يريحك وما يبيكش تتعبي يدوم عليكم الهناء ان اشاء الله
بريكة ياغالية كيف حالك وكيف حال الصحة ماشاء الله عليك منورة الملف بهدرزتك الحلوة ربي ما يحرمنا منها
هلا بسويت بيبي ومشكورة على الدعوات الحلوة وان شاء الله ربي يتقبل فقيدتكم برحمته ويدخلها فسيح جناته هي والمرحوم زوجها وربي ويصبر صغويرتها وانا لله وانا اليه راجعون
كيف حالك اختي الغناوية وكيف حال صحتك منورة الملف انتي واريناس وريحان وام لمى ولمار وام ياسمين ليبيا وبيبي دوح وفي انتظار الصور يا غالية
وين اختناالمغتربة وفرفورة وباقي البنات معاش بانوا
هلابالمتميزة بوصفاتها الرائعة الاخت زينب محمد ربي يعطيها الصحة وان شاء الله في ميزان حسناتها
وان شاء الله ما نسيت حد والله احده على بنات بلادي اللي يرفعوا الراس
آخر مرة عدل بواسطة shantal : 30-08-2009 في 01:37 PM
النجم الذهبي
الحمد لله يا بنات اللي تميز موضوعنا .... ربي يبارك في ايدياتكم و ابداعاتكم
ما شاء الله علينا ....
ربنا يحفظكم يا رب
كيف حال يا ابريكة اليوم ان شاء الله بخير
بالنسبة للرابط متاع شربة العدس هذا هو للحبيبة ميمي
http://www.lakii.com/vb/showthread.php?t=587347
و بالنسبة للكفتة .... كنت زمان نقلي فيها ... توا خلاص خلي البطن تستريح من الدهانات
بديت نحمر فيها تحمير في الكوشة
نطيب كيمة عادية ( لحم مفروم و بصل مفروم و ملعقة سمن أو زبدة و ملح و فلفل اكحل ) و بعد ما اطيب نحط عليها معدنوس مفروم و شوية طماطم حكة و ثومة مدقوقة و كموت حوت و لو تبي تخليها حارة شوية زيديها فلفل احمر و حطي بيض على حسب الكمية اللي عندك و شوية خبزة مرحية باش تزيد تتماسك بيها و اعجني المقدار كله و شكليه دوائر و الا صويبعات و ستفيهم في الطاجين و حمريها من فوق و من لوطة و بالهنا يا حبيبة
الله يبارك فيك يا ريحونة يا غالية
تسلمي يا حبيبة
صحيتوا يا حلوات كللكم دوق ربى يسعدكم ان شاء الله
بالنسبة لشوربة الخضار امس درتها بدون كريمة للى ما يحصلهاش ما تغير شى راهو ولما ضربتها فى الخلاط زدتها شوية معدونس اخضر واهم شى فيها الليم والزعتر وهدا الرابط
http://lakii.com/vb/showthread.php?t=559714
وهدا رابط شوربة العدس
http://lakii.com/vb/showthread.php?t=587347
وهديما السلايط والمقبلات
http://lakii.com/vb/showthread.php?t=562359
وهدا الدجاج جربوه يهبل
http://lakii.com/vb/showthread.php?t=575835
واى شى تانى تبوه نجبيلكم الروابط واى شى ننزله جديد نحطلكم الرابط وتوا نكمل الردرو على مواضيعى ونرد عليكم
الله يبارك فيك يا ميمي وفيتي و ما قصرتي يا حبيبة
كل صونية احلى من الثانية يا حبيبة
الله يبارك فيك يا غالية و كييييييييييف حالك انتي
عضو نشيط
كيفك اليوم والله فرحتلك على التمييز انتى تستاهالى اكثر من هكى وان شاء الله ربى يفتحها عليك
عضو نشيط
لالالالالا بنت شنتال نايضة توة
عادي بيك سهرية على النت والصبح اخخ فششششششششش اخخخخخخخ فشششششششش هههههههههههههههههههه نوم العوافي ان شاء الله
بس صحة ليه المنتدى اللي خلاك نايضة من الفجورة مش تنزلي سفرتك على خاطر عيون الناس الحلوة
ايه حقا البامية ما طلعتش عاودي حطيها مش تاكليها بروحك
وسلم ايدين نوسة حبيبتي اليوم شكلها كله قطايف قطايف خخخخخخخخ
بعدين يا بنتي جماعة الكهرباء يبوكم تفطرو فطور رومنسي على الشموع في حد يكره هكي
صحة على قلوبكم
شفتي شفتي يالولو المنتدى كيف ينشط ربي يدوم علينا هاللمة الحلوة
والبامية قبل بنهرب بيها لانها شوية لكن كشفتيني بنحطها مرة تاني وامري لله هي ضوقي وقولي شنو رايك
صار نوسة شكلها قطايف قطايف اليوم ههههههههههههههه غير راك تاكليها بس ومعاش نلقوا من يدلعنا ويديرلنا الحلو هههههه
اما بالنسبة للضي هو فعلا كنا بنفطروا فطور رومنسي على ضوء الشموع لكن ما صارش اول ما صلينا المغرب رجع الضي وما صارش من الشموووووووووووووع لكن بالك اليوم ايديروها وما يخلوهاش في خاطرنا ههههه
النجم الذهبي
الله يبارك فيك يا حبيبة و مشكورة هلبة على وقفتك يا حبيبة
و ربنا ما يحرمنا من الناس الباهية اللي زيك
السلام عليكم
كيفكم يابنات كلكم
كيتي كيفك وكيف عزوزتك وصحه فطورك وسفره دايمه
ميمي مشاء الله سفيرتك عجبوني فخدات الدجاج
اني اليوم يابنات افطوري
بعد ماصليت الظهر توكلت وامشيت للمطبخ
الحقني ابو الشباب وحلف لي باليميناليوم
ماابلبزه حاجه غير حويجه جاريه انقيم بيها قلبيقولت خلاص مافيش خير من الرشته المبقبقه بقديد العيد
والله جت زي العسل
ومافضلت فيها حاجه اهو ارتحت اليوم مره مره
الواحد يتنفس
هيا كل عام طيبين
الله يبارك فيك يا النطاحية .... كلنا كويسين .... كيف حالك انتي و عويلتك و رمضان معاكم
ربي يحفظلك راجلك اللي ما يبيش يتعبك .... و يهنيكم يا رب
و صحة فطيركم
اليوم طبقت الكنافه متاع الاخت ميمى وطلعت روعه والله ما شاءلله قولولى شنو رايكم فيه
وسع وسع وسع .... حرة دارت كنافة ميمي
ما شاء الله مش عادية
هذا طرف و شكله هكي امالا الباقي كيف شكلهم
الله يسلم هالإيدين يا رب
جوعتييييييييييييييييييييني و اني صايمة
تعرفي اني الكنافة ما ناكلش فيها بكل.... لين مرة أختي خدت طريقتها من منتدى لكي و دراتها و من يومها ... كل ما نمشيلهم نتصل بيها نقوللها نجيبلك كنافة اطيبيلنا طاجين كنافة
بديت مخرومة بيها ... الحق اكتشفت انه الكنافة اللي في الحوش مش عادية و فيها بنة غير عادية
النجم الذهبي
الله يبارك فيك يا حبيبة
و ربنا يتغمد روح زوجة خالك الجنة يا رب... و يصبركم و يصبر اهلها عليها و يغفرلها و يحسن اليها
بارك الله فيك يا ابريكة يا بنت الأصول
سمع يا هووووووووووووووووووووووووووووووووووووووووس
سفرتي وصلت
بعد سفرت كيتي التي لا يضاهيها احد
وسفرت ميمي اللي من نزاكتها هبلت الكل
وسفرت العجولة اللي بهدلتني اني شخصيا
وسفرت زوبة الاعجوبة اللي من اسمها معروفة ما نبوش نتكلمو بس ساد نقول اني نحلم بيها كل يوم
وسفرت بنت شنتال اللي بعد ما شفتها بديت نطب عليها كل يوم خخخخخخخخخخخ في احلام اليقظة طبعاً هههههههههه
يعني بعد هالسفر هذو كلهم قررت اين نحط سفرتي
طبعا سفرة من غير تتكيم ولا تنسيق ولا شئ
سفرة نساوين زمان هههههههههه متاع كل صونية من شكل شنو بندير هذي ماما وتحكماتها مكبدة على صوانيها اللي عمرهم 28 سنة الله يبارك
هي تفضلو ومن غير اي تعليق ههههههههههههه متاع وحدة تحارف وتصارف بكري بكري خخخخخخخخخخخخخخ
اليوم ناضية نتوحم على رز بالخلطة واللحم المحمر
وبابا خاطره في بوريك السنفازة يعني متناصف ودحي وهذا عملة نادرة ما نديروش فيه الا في المناسبات الرسمية والاعياد هههههههه
وماما خاطرها في شاورما طبعا الخبزة ندير فيها اني ومن غير خميرة وتجي خفيفة وتهبل
شربتنا الليبية بالدشيشة يمي يمي واللي لازم منها 30 ليلة وقريب نديروها كل يوم في الايام العادية من كثر حبنا ليها
وسلاطة عادية جدا عمتك فوفو اللي هيا ماما قالت ليا اديري سلايط نقتلك نبي سلاطة عربية وبس حكم بعيد عنكم
والحلووووووووووووووووووووووووووووووووووووووووووو
ترا ترا ترا ترا ترا ترا ترا
طبقات طبقات طبقات
الطبقة الاولى جيلي فراولة عايم فيها مبشور تفاح وانجاص
الطبقة الثانية بشكتي محشي شوكلاته
الطبقة الثالثة قشطة بوك يمي يمي يمي
الطبقة الرابعة بشكتي محشي شوكلاته ثاني هههه
الطبقة الخامسة كاسترد فانيليا مخلط بكريم شانتيه
الطبقة السادسة بشكتي ثاني ((( في حد معترض ههههه
الطبقة السابعة جيلي من ثااااااني
الطبقة الثامنة ايسكريم فانيلا
وفي الاخر نرش عليه بودرة الجلي يمي يمي يمي
واخيرا تميت خخخخخخخخخخخخخ
لالالا ما تميتش في فل منثوووور هههههههه مش تشمو ريحة بلادي
وشكرا يا كيتي يا روحي على الموضوع اللي لمنا من اول وجديد
يا و الله نهار مبروك يا و الله نهار سعيد
الحقو ماما الاء نزلت صفرتها .... مش مصدقة راهو اني
صدق اللي قال بعد طول الغيبات جاب الغنايم
ما شاء الله صفيرة قنينة ما شاء الله و خاصة الرز و الخبزة الكباب ما شاء الله
الله يفرحك و يهنيك يا حبيبة و يعطيك ما في بالك
و ان شاء الله ديما صفرتكم عامرة بالخير و الفرح
و على فكرة .... بالنسبة للعصير ... خش الدماغ طول
الباين بعد ما نروح بنخش المختبر متاعي و نبدا نخلط و نحلل و نركب باش يطلعلي زيك
ادعيلي ننجح
يا حليلي يا ابريكة منك كل ما تتكلمي على السمبوسة متاع ميمي ننقهر
تعرفي خلاص بنفول لرجلي يدبر توست طازة ... بنديرها
بيقعد واجعني خاطري لين انديرها صح
اهلين يا حلوااااااااااااااااااات كيف حالكم كلكم بدون ذكر اسماء ما نبيش ننسى حد
ماشاء الله شكله فاتني هلبة بس حنزل الصور ونرجع نقرا الصفحات اللي فاتتني
البارح قصوا علينا الضي وشحورونا ما رجعش الا بعد المغرب
لكن رغم ذلك صورتكخخخخخخخ وخوتي كل ما يشوفوا الفلاش متاع الكاميرا يفرحوا ويقولوا حي الضي جى كخخخخخخخخخخخخ
يالله بسم الله
الفطور زي العادةشربة وبوريك وبيتسا وسلاطة هذه الحاجات الاساسية لاغنى عنهم كل يوم على سفرتنا
خوي الصغير خاطره في بامية درتله شوية ما كترتش بس اول مرة انجرب اني نقلي البامية ودرتها بالطماطم الاخضر بس والحمد لله جت حلوة وعجباته
وهذه خبيزة جاهزة حشيتها بالتن والزيتون والسلاطة المشوية
وهذه قوارب محشية بالطباهج من عمايل اختي اللي اختصاصها بيتسا ومعجنات والعجينة اللي استعملتها هي عجينة الباف بستري الجاهزة
اما الحلو فدارتنا اليوم الشباكية الجزائرية وبصراحة بنتها حلوة ننصحكم اتجربوها ونوسة دارتلنا قطايف محشيات بالكريما والجبنة حلووووات بس بصراحة خديت طرف دخت من قوة الكريما والجبنة
القطايف عن قرب
الشباكية عن قرب
لانها اول مرة اديرها فقعدت اتجرب في عدة تشكيلات بيش تعتمد احلى تشكيلة هذا علاش كل طرف من شكل بس انقوللكم راهو العجينة بنتها حلوة وما تشربش الزيت بكل ومهما كان شكلها في النهاية المتعة في الطعمكخخخخخخخخخخخخخخخخخ
توة خلي نمشي نقرا اللي فاتي
سلاااااااااااااااامات
ما شاء الله عليك
يا حليلي منك و خلاص ... بتهبليني حسك
كل مرة طالعتيلي بحاجة
بصراحة لو بتطلع الصفرة هكي كل ما يهرب عليكم الضي ... بنقول للكهرباء يقص علينا حتى احني بالك تطلع حاجة باهية منا
الحق رعشتيني بالقوارب
قبل نبي نحطلها عجيني العادية
لكن بعد ما لقيتك مدايرتيها بالبف ... بالله عليك اعطينا طريقتها
و لو عندك حاجات حارة بالبف بالله ما تبخليش علينا
و بالنسبة للقطايف ..... نرعش لما نشوفهم .... شنو هكي الحق الباين اليوم بنبات في المطبخ .... خاطري انديرها ... و راح نبعثلك صونية و اضوقيها شن رايك
الله يبارك فيك الحق صفرة ما شاء الله
أعضاء قرؤوا هذا الموضوع: 0
رد مع الاستدلال
الروابط المفضلة