اسيرة السهر شورك ماعجبتكش سفرتى

ليبيه ما شاااء الله
----وام سنفور حتى انتى سفيره تهبل


ابريكه وينك غاطسه هى وريناا سفيرتك يا حبيبه

اسيرة السهر سلمها ياربي وسلم كلامها والله انا حطيت صفرتي ومتحشمه جنب صفركم ماشاء الله بس اليوم والله قمتولي معنوياتي سلمكم ياربي

كتبت بواسطة حره فوق راس حر

اسيرة الشوق قبل كل شىء خشى وصوتى لليبيا ياحبيبه بسرعه

كتبت بواسطة حره فوق راس حر

اسيررررررررررررررررررررررررره السهر سامحينى غلطت كتبت اسيرة الشوق هده صحبتى وبيولدوها فى السابع ياروحى واخد عقلى سامحينى

حرة كيف الحال
امالة كم الساعة عندك
وبالنسبة للتصويت خشيت وصوتت
واما الاسم عادي ياغالية شوق والا سهر كله واحد وسلميلي علي صاحبتك

وان شاء الله ربي يسلمك ياغالية

بارك فيك يا اريناس هدا من دوقك

كتبت بواسطة نسمه ليبيه

اسيرة السهر شورك ماعجبتكش سفرتى

لالالالالالالالالا
الا زعلك عاد راك غالية عليا انتي وكل البنات ومايهونش عليا زعلك
بس انا علقت على صفرتك
يمكن انتي اللي ماانتبهتيش
في الصفحة 34 في الرد 1005 شفتي حتى الرقم مميز ههههههههههههههه
وحتى الكيكة عجبتني وقلتلك ان شاء الله نجربها
وحتى باقي البنات في خاطري بس مازال مارديت عليهم زي ريحونة وام تهجد وشنتال وهنيوة ووووو كل اللي نزلوا صفرهم بدون تحديد بس هما في البال والله لاني دخولي للنت قليل شويا وكل منخش نلقى فيكم ماشاء الله فايتيني بهلبة ونقعد نتبع لييييييييييييييييين ندوخ من هالابداع ان شاء الله عيني ماتضركم

كتبت بواسطة libyaa2

اسيرة السهر سلمها ياربي وسلم كلامها والله انا حطيت صفرتي ومتحشمه جنب صفركم ماشاء الله بس اليوم والله قمتولي معنوياتي سلمكم ياربي

مشكورة ياغالية بس بجد صفيرة تهبل

كتبت بواسطة حره فوق راس حر

الاخت هناء ماشاءلله يسلمو الايادى سفره تهبل

ام لمى ولمار الجغوم القصب ياستى ضرورى عندنا راجلى مايفطر الابيه وهو

تفرمى بصل وتوم وطماطم اخضر
وتحطيهم فى الطنجره يقلو مع الزيت طبعا وتحطى عليهم شويه حلبه
وطماطم حكه وفلفل وبزار
ويقلو شويه وتصبى عليه المياه

ولما تعرفى الطبيخه طابة تاخدى صحن وتصيبى فيه ملعقتين قصب وشويه مياه وتخلطيهم كويس
وتصيبيهم على الطبيخه مع التحريك المتمر
وبعدين تحطى عليهم قرفه وتحليه بشوية حليب
وخلاااااااااص ان شاءلله فهمتينى

حي عليا الغالبية طلعوا مايعرفوش جغوم القصب احنا هذا عندنا طبق رئيسي في الصفرة ونقولوله حساء القصب

كتبت بواسطة مغتربة 2

السلام عليكم كيف حالكم وصحة شريبتكم اوخيتكم في حاله توا خاشة غير قلت بنسلم ونغير جو حاسة روحي بنطربق وحم وغربة وصيام الله المستعان

لاباس عليك ياغالية وربي يعاونك في الغربة

كتبت بواسطة بيبي دوح

بريكة هذا زى شكل تنورى بالضبط

دحو شن رايك في اسم الدلع
الباين عليك فالحة ونويشطة
ربي يسلم ايديك

كتبت بواسطة FARFORA

ماشالله عليكم يابنات خاطري حتى اني نصور سفرتي لكن ياودي بعد مانشبح في هالابداعات ياودي ماضنيش خخخخخ اني درت اليوم بكبوكي باللحم وسبريغ رول بالبطاطا المهروسة وطاجين جبن ساعدوني فيه الغاليات ريحان وشانتال وسلاطة وخلاص

فرفورة صار لوحتك مش عربية ربي يعاونك

انا تكتب عربي ومش ملحقة لابال انتي

هي عاد مازال نرجو في الصفرة ......اللي يسمع يقول هي اول وحد منزلة ههههههههه
شكلك دايرة زي ليبية عاد تتعلمي وفي الاخر تفاجئينا

كتبت بواسطة ام تهجد

السلام عليكم ورحمة الله وبركاته
صحه شريبتكم جميعا تبارك الرحمن عليكم شنى هالصفر اللى تفتح النفس ماشاء الله
انا اليوم حبيت نشارك معاكم ونزل صفرتى وهدا فطورى اليوم بسم الله
اليوم درت شربه عربيه وخبزة كسكاس وعصبان وفليفله محشيه وكالزونى وسلطه والحلو معششه شوفو الصور

هدى الشربه عن قرب

وخبزة الكسكاس والعصبان والكازلونى والسلطه

ها شنى رايكم

وهي مازال فيها راي
يسلمو ايديك بس ممكن طريقة الكالزوني

نسمه ماشاء الله علي سفيرتك صح يدياتك وديمه عامر

السلام عليكم --اليوم كان فيه للمه للرجاله اليبين عزب ومتزوجين ع فطور وكل وحده درت حاجه
وعشاء بصفه عامه كان متكون من شربه ورز بخلاطه وبطاطا مبطنه وبوريك--وكان فى تطبيق لى سنبوسه التوست وطجين جبل --وكلونى بلحم المفروم--ومكرونه بلبشمايل

وحلو --كان بسبوسه---وكرات الكرنفلكس بشوكلاته ولقمه القاضى

وانا كان اشتركى بااا طجين جبل ولقمه القاضى---



تحياتى وصحه شربتكم

كتبت بواسطة shantal

الفطور اليوم شربة دشيشة وبوريك وبيتسا وفركسى والحلو توة انقوللكم عليه بعدين






بيتسا



فركسي محشي بالهريسة والتن والبيض المطبوح وشرايح طماطم



بوريك




والحلو زي العادة من ايدين نوسة الحلوة
كيكة الباتشي الرهيبة

هبلتيني حرام عليك
شن هالجمال يا شنتال ....ولت اغنية هههههههه
والكيكة راني قريب ناكل الشاشة يممممممممممممي
تلم ايادي العيلة كلها

كتبت بواسطة ميلا

مرحباً أخواتي العزيزات من سوء حظي اني أمس بس فتحت النت ولقيتكم عامرين سفر ومعجنات وحلويات وحاله ربي يعطيكم الصحة والعافية والله يجعلكم من صواما وقواما

أنقولكم على فطوري اليوم بس مشكلتي مانعرف انزل الصور بس مرة ثانية انحاول

درت طاجين الطبقات طريقته اجديده وطيبة وحلو بالمره .. كان تبوا الطريقة نعطيهلكم
وبيتزاء سريعة (بطاطا مقلية مكعبات كبيرة ونخلط معها بيض وكاس شاهي خفيف خبزة مرحيةوطرف خميرة وملح وبهارات ثم نضعها في الطاجين ونضع عليها صلصة البيتزاء العادية ونضيف عليها تن وزيتون وتغطى بجبنة الشرائح . ونضعها في الفرن خمس دقائق . جربوها طيبة .
والنوع الثالث: رز بالخلطة ومعه أسياخ الدجاج المقلية.

والحلو عملت تراميسو طريقة مضمونة 100% .

وغير السلايط والشربة وقلايا

ونبي منكم طلب من اللي تعرف منكم طريقة الشمعة هي نوع حار مش حلو ياريت انزلها

اهلين ميلا مشكورة على الطريقة بس ممكن طريقة الطاجين
راني نراجي

كتبت بواسطة shantal

احنا قبل انديرو فيه في طاجين عادي نصبوا الخليط كله وبعد ما نزينوه بالشكلاطة نحطوه في الثلاجة يبرد لين يشد كويس وبعدين انقصوه طروف طروف لكن اليوم جربناه في الطاجين المطاطي ومش المعدن لانه هش هلبة وصعب انك تحافظي على شكله في طاجين الكب كيك العادي بس كان بتجازفي واتجربي جربي قوليلنا النتيجة ( حقل تجارب هههههههههههههههههه)

كتبت بواسطة هناء&خالد

أهو جيت بي فطوري بس مش متاع اليوم فطور أول أمس لأني ماصورتش لأسف اليومين هادو لأني والله يابنات مانفضاش لكن بأذن الله الي جاي نصور ونشاركم

هذا من أختراعي مبطن باذنجااااااااال وخيال وخفيف

وهذه كفتة البطاطا باللحم

وهذا طاجين دجاج بالمشروم والزيتون خياااااااااااااااااااالي

وهذه سلطة خضره تهبل

وهذ باي الدجاج بالمشروم بس هذا من فطور اليوم بصراحه بنته روعه

وهذه فليفله حتى هي من فطور اليوم خفيفه وحلوه

نجو للحلو تشيز كيك بجلي فراوله ومعاه باي كاسترد وتفاح

هي عااااااااااااااااااااااااااد عطوني رايكم وشجعوني عشان تحمسوني ونشارك معاكم وأني بعدين راجعه

الله الله الله ماعندي مانقول تبارك الله يسلمو ايديك يا هنيوة غير وين مدسوس هذا كله
صفيرة مقومة تهههههههههههههبل
والله حتى الكلام الحلو تم شن بنقول توا هي
بس ياريت تعطيني طريقة كفتة البطاطا ياغالية ويسلمو ايديك مرة تانية