كتبت بواسطة
اسيرة السهر
كيتي وحرة ونسمة شن هالعركة اللي امدايرنيها عاى السحور
لين نوضتوني من النوم
هههههههههههههههه
ريتي ريتي .... و شن تحزها مع ام السنفور الحبيبة
كتبت بواسطة
FARFORA
كيف حالكم والله سهفتوني لين خلاص ماشاءالله علي الصفر الي تحل العين المغمضة والف شكر لكل من اعطاني طريقة كسكسي الحوت وشكر خاص لكيتي علي طريقة المبطن الي طلعت تهبل وحتى راجلي عجباته لين خلاص وحرام والله المسكينة هبلتها عالخاص خخخخخ
تفضلي يا حبيبة في كل وقت و اسئلي اللي تبيه ... و صحيحة عليك المبطن
و على عيلتك
كتبت بواسطة
اسيرة السهر
وينكم ماحد يرد امالة هيا مع السلامة
بس كنت نبي نقوللكم ان عندي عزومة للجيران نهاية الاسبوع يمكن يجي 17 شخص او اكثر
بس محتارة شن اندير ياريت تعطوني افكار لاني نبي نوتيلها من توا وخاصة الحاجات اللي يمكن انها توتا بكري
وحتى انا محتاجة لدعواتكم في هذا الشهر الكريم بالشفاء لابني حمادة الله يحفظه
يا ريت تقولينا شن نوع العزومة اللي بديريها و احنا ان شاء الله مش راح نقصرو معاك
كتبت بواسطة
ريحان
حياك الله فرفورة كيفك
والله عندى اثنين طواجين دجاج حلوات توا نعطيك واحد بأذن الله طبعا تقلى البطاطا مكعبات ثم تاخدى طنجرة وديرى
فيها زيت وبصل ودجاج مكعبات صغيرة وشوية ثومة كان عندك مرحية افضل كان ماعندكش نبعثلك هههههههه
المهم شوية فلفل اسود وشوية قرفة وبهارات وشوية بزار ةفلفل احمر او مش لازم كان عندك تابل هذا كله مع
بعض وما ديريش ماء نقصى عليه الغاز لين ايطيب الدجاج تم اين ماء البصل ايتم يعنى يقعد زيت بس تخدى
الدجاج والبطاطا وبيضات وشوية خبزة مرحية ماتكتريش وجبنة مبشورة اى نوع خلطيهم مع بعض والمعدنوس
وشوية بصل اخضر شوية بس ويكون الطاجين جاهز ومدهون وصبى الخليط وحطيه فى الكوشة وتاكليه بالهناء
والله عندى واحد ثانى حلو حلو
ان شاء الله تكونى فهمتينى والسلام عليكم
واوووووووووووو .... مش عادية .... بنجربها طريقتك ان اشاء الله انتي و شانتال
كتبت بواسطة
ريحان
انى فطرورى اليوم يا بنات شربة طبعا ومكرونة
مانعرفش اسمها بالزيتون الاسود والجبنة ومعدنوس وبشاميل ودجاج وخبزة الكسكاس كيتى السمحة ربى يسلمها
ودرت بادنجان محشى بالدجاج والجبنة ومقلى للحبيبة زنوبة الغالية الحاجتين جونى ايهبلوا وبتسا مع انى اتمنى ان
اصورها ما نعرفش انصور
هى مع السلامة توا بنمش انوتى القهوة البضاء والسحلب وباقى البضاعة سلالالالالالالالالالالالامات
صحيحة يا ريحونة و ان شاء الله صفيرة عامرة
كتبت بواسطة
libyaa2
السلام عليكم
كيف حالكم بنات منورين
اليوم صورتلكم اللي طيبته وزي ماوعدتوني ماتضحكوش على تطيبي باهي
واللي تضحك يا ويلها
اهو قاعدين نتعلمو
هادي الكيكه البخاريه كتاع الكسكاس تطبيقي لحبيبة زوجها
الصراحه تهبل تهبل وساهل وبنتها مش عااااااااااديه ننصحكم جبوها
وهدا المبطن تطبيقي لي بيبيا المبطن في الفرن بصراحه وروعه وساهل ومريح واقتصادي في الزيت
وهدا بوريك
وهادي صوينيه بعتها لجاري
الخبزه المحشه ماصورتهاش نسيت
وطبعا درت معاهم شربه عربيه اللي مانقدروش نستغنو عليها في رمضان
وبس
ما شاء الله تبارك الله
هذا قاعدة تتعلمي ... انالا لو تعلمتي شن بديري ... أحرف من هكي
لا لا لا لا لا خليك قاعدة تتعلمي .... شن هالحاجات الحلوة يا حبيبة النزيكة
الله يسلم هالإيدين اللي تعبت يا رب
و يحفظلك عويلتك و يدومها صفرة عامرة
كتبت بواسطة
اسيل @@@
ماشاء الله عليك ياليبية صفرة تحل العين المغمضة غير ابعتى طريف لوخيتك من كيكة الكسكاس ياودى هههههههههه انبصر سلم ايدياتك وايدين كل الليبيات اللى ماشاء الله بلوا الناس باهاكلات الحوةومبروك ياكيتى تميز الملف الف مبروك
الله يبارك فيك يا حبيبة
النجم الفضي
ممكن انتى ضميتى حاجاتك وموتية روحك للمحوال انى والله كل شي قاعد في مكانه ومانبيش حتى نخمم فيه المحوال ربي يكون في عونك وعونى وفي عون رونى حتى هى بتحول توا
أعضاء قرؤوا هذا الموضوع: 0
رد مع الاستدلال
الروابط المفضلة