كيفك يا بنات كل عام وانتو بالف خير بمناسبة اقتراب شهر رمضان المبارك انشاالله كل رمضان وانتو بخير اليوم راح احكيلكم عن صلصة البيتزا البيتية اللي طعمها روعة وكمان بتوفر عليكم شراء صلصة البيتزا الجاهزة اول اشي انا بستعمل للبيتزا عجينة 10 دقائق كتير روعة بس بعمل العجينة دوائر بعدين بجيب بصلتين بفرمهم ناعم وبحط عليهم شوية بهار وشوية ملح وبحط عليهم ملعقة مايونيز كبيرة ومعلقتين كبار او اكتر كتش اب ومعلقتين رب البندورة وزيت زيتون وبخلطهم منيح وبعدين بحط زعتر اخضر بفرمه ناعم وبحطة فوق خلطة البيتزا واذا كان الزعتر بالفريزر بفركه بايدي منيح وبحطة على الصلصة وبحط على كل عجينه دائرية ملعقة صلصة وبفردها منيح وبحط فيفلة حلوة وزيتون معلب اسود وفطر معلب وشوية جبنة صفرا وبخلي العجية ترتاح نص ساعة وبشويها والله كل من اكلها انهبل بطهمها بس ياريت ما تخملو العجينه عشان ما تنفش كتير

ملاحظة زغيرة انا بحط شوية اضافات للعجينه وهي معلقتين لبن زبادي او رائب مع بيضة

تسلم ايديكي عزيزتي

مشكورة غاليتي على الوصفة

يعطيك العافية

شي جديد ومبتكر

مشكورة على الوصفه
بس بتعرفي شوي وقفتني كمة المايونيز اظن طعمه ممكن يخرب النكهات التانية او لا

ويعطيك الف عافية بنستنى صور البيتزا لنجربها

بسلموووووووووووو عالوصفه الرائعه

شكر على الوصفة
تسلم ايدك

الله يخليكم يارب والله اسعدني مروركم بالنسبة للاخت الي سالتني عن المايونيز حطي ملعقة كبيرة وانشاء الله ما بتغير الطعم ابدا انا من الناس اللي بخاف اجرب اي اشي غريب بس لما جربت جوزي حس بالطعم الجديد وحبه مع اني ما حكيتلو اني حطيت مايونيز حتى لون الخلطة ما بكون احمر كتير من المايونيز بس لمن تشويها بتسير حمرة وانا ما بفضل احط بندوره عادية لانها عند الخبز بتسير تنزل ماء وبتخرب شكل البيتزا