** موضوع متميز ** أحد أكبر ملفات الكروسان الفرنسي بالزبدة بالخطوات المصورة

صباح الخير خواتي اليوم بقدملكم طريقة الكروسان الفرنسي الاصليالي بالزبدة طبعا الطريقة صعبة شوي بس ممكن تسوينها على كذا يوم مثل ما انا سويت . يعني سويت العجينة وخليتها ترتاح يوم كامل وبديت أدمجها مع الزبدة وأكون طبقات مديتيوم ونص ونص اليوم الأخير خبزيتها بهذي الطريقة بتحسين أنها سهلة ومش طويلة ولامتعبة. والموضوع هذا اخذ مني 3 أيام اتمنى يحوز على رضاكم

باسم اللهنبدأ

المقادير

طبعا من أكواب المعاير استخدمت 10 أكواب يعني في حدودالكيلو إلا ربع طحين أبيض فاخر لا تستغربون من الكمية بس في البيت كلها يتخبلون علىالكروسان الي أسوية وكل مرة يضاربون إني الكمية ما كفت وراح تعرفون سر هذي اللهفةعلى الكروسان

نص كوب حليب بودرة

معلقة صغيرة ملح وملعقتين باكنج باودر

نص كوب زيت – وثلاث أرباع كوب سكر

ننخل المواد الجاف كلها .

نبدأ بعجن المواد ونضيف في كل مرة مقدار نص كوب ماء وراحأراويكم طريقة العجينة بالتفاصيل .

ونضيف كوب أخر من الماء ونعجن وراح نحصل على عجينة بدقة. ونستمر بالعجن.

بعدين نبدأ بإضافة الزيت ونعجن بقوة

وهذا شكلها بعد إضافة الزيت والعجن.

وراح تصير دبقة مرة ثانية ولكن نستمر بالعجن

وهذا شكلها بعد ما عجنا لين ما تكون متماسكة وغير دبقة.

وهذا شكلها النهائي لاحظي كيف صارت ملساء .

لاحظي كيف تشد مثل اللبان .

بعدين نحطها في وعاء بس نتأكد إني الوعاء مفروش بالطحين من تحت.

بعدين نحتاج قالب زبدة وزنها 400 جرام ونقطعه شرائح بهذي الطريقة.

بعدين نصف شرائح الزبدة على قطعة من النايلون ونغطيها بقطعة أخرى من النايلون .

ونفردها بالنشابة بهذه الطريقة

بنحتاج سطح من خشب أو رخام أنا هني استخدمت طاولت الطعام

وهني العجينة جاهزة وشريحة الزبدة باردة وجاهزة .

ونبدأ بفرد العجين لاحظوا كيف سهلة في الفرد لانها ارتاحت فترة طويلة.

ونفردها لحد ما تكون شبة رقيقة بس مش شفافة وايد مثل ما تلاحظوافي الصورة أسفله.

نحط شريحة الزبدة بالوسط.

ونبدأ نطويها كما هو مبين في الأربع صورةبالأسفل.

بعدين نقلبها على الناحية الثانية بهذه الصورة

وهذه شكلها بعد ما طوين عليها زبدة. عندنا الحين 3 طبقاتلاحظوا في الصورة في الأسفل.

[url=http://fashion.azyya.com][/url]

نبدأ نفرد هذي الثلاث طبقات وراح تنفرد بسهولة وياج لأنيالعجينة مرتاحة.

لاحظ قوامي العجينة كيف طرية .

ونفردها على قد ما نقدر

[url=http://fashion.azyya.com][/url]

وهذا صورتها من قريب.

[url=http://fashion.azyya.com][/url]

وبعد ما نفرد بأقصى طول نطبقها على ثلاث طويات

[url=http://fashion.azyya.com][/url]

هذي ثاني طوية

[url=http://fashion.azyya.com][/url]

وهذي عقب ما طوينها

[url=http://fashion.azyya.com][/url]

لاحظوا حبيباتي حصلنا على 4 طبقات . لاحظوا منالجنب

[url=http://fashion.azyya.com][/url]

نغلفها بالنايلون بطريقة محكمة

[url=http://fashion.azyya.com][/url]

ونحطها في صينية ونحطها في الثلاجة.

[url=http://fashion.azyya.com][/url]

وهذا شكلها خواتي بعد ما كررت عملية الفرد والطوي 4 مراتوخواتي كل ما كانت علمية الفرد الطوي أكثر كلما حصلنا على طبقات أكثر عندالخبز.

[url=http://fashion.azyya.com][/url]

وهذا بعد ما فردتها لأخر مرة قبل التقطيع ، لاحظوا كيف شكلها من قريب في الصورة أدناه

لاحظوا الطول خواتي لاني العجينة كانت كمية كبيرة فبالتالي كانت بهذا الطول.

هذا بعد ما قصيت أطراف العجينة لاحظوا (layers) الطبقات وهي عبارة عن طبقات الزبدة والعجين. وهذي الطبقات هي سر الكروسان . يعني اذا قصيتي العجينة وطلعت طبقات واضحة بهذه الطريقة معناة انج نجحتي

نقطع المستطيل إلى مثلثات كما هو مبين في الصورة أدناه

وهذي صورة المثلثات من قريب.

لاحظوا خطواتي أطراف المثلثات كيف الطبقات واضحة .

لاحظوا خواتي كيف الطاولة فوضى ترى هذا هو الكروسان محتاج مكان واسع .

ومثل ما انتو عارفين لفة الكروسان وهذي خطوات اللفة للتاكيد فيالصور أدناه

[url=http://fashion.azyya.com][/url]

[url=http://fashion.azyya.com][/url]

[url=http://fashion.azyya.com][/url]

[url=http://fashion.azyya.com][/url]

وهذا شكلهم بعد ما خلصنا كل الكمية

[url=http://fashion.azyya.com][/url]

وهذي صورة من زاوية ثانية

[url=http://fashion.azyya.com][/url]

 وهي صورة أقرب للكروسان

[url=http://fashion.azyya.com][/url]

وهذا شكلهم بعد ما رصيناهم في الصواني

[url=http://fashion.azyya.com][/url]

وهذا شكل الصينية من قريب ولاحظوا حبيباتي ما خليت مسافة كبيرة بينهم مثل ما أسوي مع الفطاير لاني عجينة الكروسان ما تنتفخ وايد بس طبقات الزبدة تنضيج وتفور فتبين إنها انتفخت بس هي في حقيقة الأمر نفس الحجم بس صارت أوراق شبة متفرقة .

ندهنهم بخليط صفار البيض وشوية حليب ونصف ملعقة صغيرة من الفانيليا كما هم موضح أدناه

طبعا خواتي ما اخبي عليكم في كل مرة اسوي فيها الكروسان بالطريقة الفرنسية اكون خايفة وحاطه ايدي على قلب مع العلم إني هذي المره رقم 15 الي أسويه عسب جي دايما بعد ما أخلص أرص الزوايد الي كانت على أطراف العجينة في صينية و أحطهم في الفرن أول وأشوف النتيجة قبل لا أتهور وأحط الصواني بس لاحظوا خواتي كيف لونهم طلع حلوة ونجحوا وشوفوا الصورة الأخيرة من الجانب توضح الطبقات كيف واضحة وهشة جدا .

نيي الحين للكروسان وبدون تعليق شوفوا خواتي التسع صورة في الأسفل لجوانب مختلفة من الصواني الي كان فيهم الكروسان لاحظوا القوام والهشاشه واللون والطبقات والحجم .

أتمنى تحوز على رضاكم ولا مانع لدي من نقلها لاني الهدف من وضع المواضايع بالمنتدى هو انتشاء المنفعة للجميع . واتمنى م منكم هو الدعاء لي بظهر الغيب اني رب العاليمن يعوضني عن المآسي الي ممرت بها في حياتي ويرزقني بيوم سعيد .

بسسسسسسسسم الله ما شاء الله عليكى
مجهود رااائع رائه جداا
ومتكامل وشراح مفصل ووافى
والطريقه متعبه جدا بس النتيجه تستاهل
والله يهنيكى حبيبتى
بس يا ريت تكتبى اسمك على الصور
لضمان حقك حتى فى الدعوه على ظهر الغيب
تسلم الايادى

ربي يجزيك الجنة
ويجعل كل ايامك سعادة وفرح وهنا
بصراحة مجهود رااااائع ومتعب
بس النتيجة بتستاهل
انا اعمله لكن طريقتي اسهل
بارك الله فيك
وياريت تكتبي اسمك على الصور
وترسليهم للمشرفة تعدلك الموضوع حتى اللي يقرى يدعيلك انتي
ولو بظهر الغيب
جزاك الله خيراً