طبعا انتوا مستغربين من العنوان
الحكايه وما فيها ان بنوتى نور الهدى سنتين و7 شهور
بتروح حضانه
ومع نهايه الفصل الدراسى نظمت الحضانه حفله تخرج للأطفال
ودعت اولياء الأمور للحضور
وانا قلت اعمل شويه حاجات للحفله علشان افرح نور حببيبه قلبى
المعجنات كانت بسيطه وكميات صغيره
وموضوعى كله على بعضه يمكن يكون عادى كمعجنات انما حبيت تشاركونى فرحتى بحفله بنوتى وحبيبتى
نور الهدى
انا عملت معجنات بعجينه واحده ونا معتمداها عندى من زمان وهى عجينه الغالبه
همسه الشوق
العجينه الاساسيه
3 كوب طحين
نصف كوب ماء دافئ مذاب فيه ملعقه خميره وملعقه سكر
نصف كوب روب
ربع كوب زبده
نصف ملعقه بيكنج باودر
الطريقه
طبعا نعجن المقادير الى ان تتكون عجينه متماسكه

ونتركها ساعه تختمر
انا طبعا ضاعفت المقدار عملت حوالى كيلو ونصف طحين
هههههههه حفله بقى
عملت بيتزا بالسوسيس فى صوانى مستطيله كبيره وبعد نضجها قطعتها مربعات صغيره لتصبح مينى بيتزا واليكن الصور

وهنا بعد ما قطعتها

وهنا عملت اقماع وطريقه اللف هكذا

وطبعا ندهنها بالبيض واذا حبينا نضيف سمسم او حبه البركه ممكن طبعا

وفيه جزء من العجينه لفيته بالسوسيس
وبعد النضج

وهنا وضعت فى كيس التزيين لبنه وحشيتها

وعملت لفه سوسو واشكال تانيه

وعملتلها تورته وكتبت عليها اسم الحضانه بس بصراحه لم ارضى عن التورته اطلاقا لان تزيينها معجبنيش ابدا ابدا لان دى اول مره استخدم الوان كتير هكذا

علشان نكون متفقين فيه طابور حاجز نور وقتلى عاليمين وجرحى عالشمال
ومن اول الشارع طابور طويل للعرسان لحد باب العماره
هههههههه
بس باب التقدم مفتوح لكن عاوزين نظام لو سمحتم
ولو ان حماتها ام مالك حتضربنى بس مفبش مشكله
يارب تفرحوا بأولادكم وتشوفوهم احسن الناس
وعقبال ما تشوفوا تخرجهم من الجامعه كمان
دعواتكن بأن يحفظ الله بنوتى ويباركلى فيها يارب

بسم الله ما شاء الله المعجنات رائعه تسلم ايدك وكمان التورته تحفه ليه مش عجباكى التزيين جميل
اما بنوتك ما شاء الله عليها ربنا يحميها وتفرحى بيها عروسه وعلى فكره عندى عريس ليها ما شاء الله لسه متخرج من اولى ابتدائى طازه والشهاده لسه مستلمنها النهارده يعنى جاهز من مجاميعه وافقى انتى بس وتبقى فرصه نتذوق الحاجات الحلوه اللى بتعمليها

بسم الله ماشاء الله عقبال الجامعه يارب وتفرحى بيها وهى عروسه كمان بس يا نور اسلام ابنى شاف العروسه وهو مش عارف ينام وعاوز يسيب نيويورك كلها ويجليكم علشان يلحق يلا يانور حضرى التورتايه على ما ينزل والف الف مبروك وربنا يبارك فيها

بسم الله ماشاءالله وتبارك الله

وعقبال يارب ما تعملى ليها حفلة التخرج من الجامعة

وحفلة العروس امين يارب العالمين

ويحميها لكى ويبارك لكى فيها امين يارب العالمين

وتسلم الايادى يارب حاجات اكثر من ررررررررررررررررائع

بالهنا والعافية على قلوبهم جميعا

مبروك يا ام نور ...الله يحفظها ويصونها ويجعلها كما تتمنين واحسن ان شاء الله
بصراحة مجهود ممتاز منك وتعبتى .... بس اكيد نور فرحت لما رحتى الحفلة معاها ....صح؟؟
معجنات جميلة وعن نفسى انا كمان اعتمدت لفة سوسو فى معجنات الجبنة ,,,وهى طالعة من عندك مميزة ...
بارك الله فيكى وان شاء الله اجازة سعيدة ومفيدة ...ليكى وليها
سلامى لكى اختى الغالية

ما شاء الله يا ام نور...ربنا يحفظها و يبارك لك فيها و عقبال

حفلة تخرجها و فرحها باذن الله

عاوزة اسالك الاقماع دى لفاها على ايه دى اقماع معدن و لا فويل؟؟؟

ماشالله تبارك الله تسلم ايدينك
والله يخليلك بنوتتك وتشوفينها عروس بإذن الله وتفرحي بها يارب
ماشالله تبارك الله ابدعتي

ماشاء الله عليكى حبيبتى ام نور تسلم الايادى والزوق الجميل عقبال حفله فرحها ان شاء الله وانا عارفه العرسان اكيد كتير بس انا بقى عندى حماده ماشاء الله نفس سنها بالظبط سنتين وسبع شهور يعنى بصره احنا بقى اولى والواد جنتل مان وهيعجبك قوى ربنا يخليهالك يارب

اول شي يا رب تشوفي بنتك يوم تخريجها من الجامعه ومعها الشهاده العليا
وتاني شي ان شاء الله تشوفيها عروسه يا رب
وبعدين ما شاء الله شو هالحلاوه هي ان شاء الله تسلملك يا رب وما دام كنت ام مالك خلص احنا بنرفع يدنا ما بنقدر نقرب
ويسلمووووو دياتك على المعجنات الحلوه
والف مبروك تخرج نور الله يسعدها يا رب

ما شاء الله ولا قوه الا بالله
ام نوووووور
احنا اكلمنا يوم الخميس فى انشغالك فى التحضير
بس ما اعرفشى انك هتنزلى الموضع علطول
الف الف مبروك للعروسة الصوغنونه نور الهدى هانم
تسلم ايديكى ما شاء الله كله رااااائع
وعقبال ما نعملها وهى عروسه