سله معجناتى المتنوعه مصريه وأجنبيه من مطبخ نور الهدى (معجنات قليله السعرات)

السلام عليكم ورحمه الله وبركاته

اخواتى المبدعات الرائعات منذ فتره لم أشترك بموضوع فى الركن
(عندى حاله كسل رهيبه وخمول صيفى)
ولكن عدت بمجموعه وصفات لمسابقه الركن
معجنات قليله السعرات
حبيت أجمع شويه وصفات فى موضوع واحد وتكون جديده الى حد ما عالاقل بالنسبه لى
يارب مشاركتى تعجبكن والأهم من الأعجاب هو الفائده
أن شاء رب العالمين
بسم الله نبدأ

سله معجناتى المتنوعه

ومحتوياتها عباره عن

اولا العيش السن

(خبز الريجيم المصرى)

سبق وقدمت منذ سنه واكثر الخبز بنوعيه
(أبو رده والشامى )
على هذا الرابط
http://www.lakii.com/vb/showthread.php?t=451059
عيش السن تقريبا نفس المقادير مع اختلاف نوع الطحين
المقادير
1 كوب دقيق أبيض
1 كوب دقيق أسمر
نصف كوب رده او نخاله
ذره ملح
كوب الا ربع ماء دافئ مذوب فيه ملعقه خميره وسكر
الطريقه
تذوب الخميره ونتركها تتفاعل عشر دقائق
نضيف الطحين بأنواعه ومعه الرده
فى العجانه ونضع عليه الماء المخمر

نتركها ساعه تختمر

ونكورها كور بعد ذلك

وبعدها نفردها واعذرونى استعنت بصور من موضوعى السابق حتى يتضح الشرح وتوفيرا لمركز التحميل

طبعا وزعت العيش المفرود على صوانى

نشغل الفرن على حراره عاليه جدا بعد ما تركناه يختمر مره اخرى نبدأ بوضع العيش فى صاج الفرن يعنى نحمله بكف اليد ونقلبه على وجهه على الصاج وانتبهى لان الصاج سخن ونضعه فى الرف السفلى القريب من الناربعد ما ينتفخ العيش هذا معناه انه استوى ننتظر حوالى 10 ثوانى حتى يستوي تماما
ونشيل جزء ونترك كام رغيف فى الفرن وذلك
للحصول على خبز السن نتركه فتره طويله فى الفرن حوالى ربع ساعه حتى بتحمص وبكون مقرمش
وأليكن الصور الحديثه

ثانيا أعواد الكريسينى

(الباتون ساليه الأيطالى)

المقادير

(الوصفه مترجمه من قبل اخت فى احدى المنتديات)

طبعا الوصفه بالدقيق الأبيض انا استخدمت معه دقيق أسمر

1 كوب دقيق أبيض

1 كوب دقيق أسمر
كوب حليب قليل الدسم مذوب فيه ملعقه خميره وملعقه سكر
ربع كوب زيت زيتون
ملعقه صغيره ملح
التوابل
كمون روزمارى بردقوش زعتر ناشف

الطريقه

نضيف التوابل على الطحين بنوعيه

ونعجن الى ان تتكون عجينه متماسكه لا تلتصق

نتركها تختمر ساعه فى مكان دافئ

وبعدها نقطعها ونعملها بهذا الشكل

ونضعها فى صينيه ونتركها نصف ساعه فى الفرن حتى تنضج وايضا تتحمص وتنشف حتى تكون مقرمشه

وتقدم مع كوب شاى او نسكافيه وتصلح ايضا للحفلات والمناسبات

ثالثا الخبز الأيرلندى

(خبز الصودا)

وصفه وجدتها فى أحدى المواقع الأجنبيه المصوره بالفيديو

عجبنى شكل الخبز جدا جدا ولكن بعد ترجمه الوصفه وجدته أقرب للكيك المالح مع اختلاف التكنيك كما سنرى الأن

المقادير

1 كوب طحين أبيض

ا كوب طحين ذره

ملعقه سكر

ملعقه ملح

نصف ملعقه بيكنج باودر

نصف ملعقه بيكربونات الصودا

بيضه

نصف كوب روب (زبادى)

ملعقتان مارجرين

ملحوظه

المارجرين هى الزبده ولكن نباتيه وتصلح لمن بطبقون وصفه تتطلب زبده ولكن لا يحبون الدسم

ويستخدم فى المعجنات والحلويات ولا يستخدم فى الطبخ

الطريقه

ننخل الطحين بأنواعه والسكر والملح ونضع عليهم البيكنج باودر والصودا

نضيف البيضه والزبادى والمارجرين فى وقت واحد

ونعجن

سنجد قوامها اقرب للعجين ولكن يلتصق باليد مثل الخبز الفرنسى كده

طبعا لا نزود طحين فالمطلوب ان تترك بحالتها هكذا

نضع طحين فى ايدينا حتى يسهل نقل العجينه فى طبق مبطن بالزيت والدقيق ونتركها فى التلاجه ساعتين

وبعدها نخرجها ونفرغ الهواء منها ونضعها ساعه أخرى

ونشقها هكذا وننقلها للفرن على حراره 200 من نص ساعه لساعه الا ربع

وبعد ما تبرد تقطع هكذا

ممكن ناكلها زى ماهى كده مع الشاى وممكن مع الجبن

رابعا التوست الأسمر والصمون

المقادير

2كوب طحين أسمر

1 كوب طحين ابيض

ذره ملح

ملعقه خميره مذابه فى كوب ماء وملعقه سكر

تلت كوب زيت

2 ملعقه روب (زبادى)

ملعقه صغيره خل

الطريقه

نذوب الخميره فى الماء والسكر

ونضعها عالطحين ونضيف الزبادى والزيت ونعجن

نعجن ونتركها ساعه تخمر

وبعدها نفردها هكذا

ونلفها رول ونضعها فى القالب

نتركها ساعه اخرى تخمر ونضعها فى الفرن حتى تتحمر

ويخرج التوسن بيكون ناشف وقاسى نغطيه بفوطه مبلوله

وكمان عملت صمون مش كتير بصراحه

وشكل الصمون والتوست اوضح فى السله كما فى الصوره

أتمنى معجناتى ومشاركتى فى المسابقه تنال الأعجاب

دعواتكن لى ولأبنتى

دمتن بود

تسلم ايدك ام نور على المعجنات الجميلة دى ...كلهم حلوين جدا جدا ...ومميزين كالعادة
ان شاء الله بالف صحة وعافية عليكم ...
ربنا يحفظلك نور ويرزقك برها ويرزقها حفظ كتابه الكريم كما تتمنين ....

بسم الله ما شاء الله ام نور حبيبتى

ربنا يبارك لك و يجعله في ميزان حسناتك يارب

بجد كله احلى من بعض تحفة تحفة تحفة

مخبوزات مميزة جدددددددددددا مهما وصفت مش حاقدر اوفيكى والله

ربنا يجزايكى خير على اد ما انت بتفيدى غيرك و مش بتبخلى ابدا باى معلومة مهما كانت صغيرة

ربنا يحفظك حبيبتى و يكفيكى شر العين و يحفظ نور ياااااااااااااااااا رب

ماشاء الله لاقوة الابالله

ابدااااااااااااااااااااااع

بمعنى الكلمه الله يعطيكي الف عافيه ياعسل

حفظ في المفضله بعد اذنك طبعا

بسم الله ما شاء الله لاقوة الا بالله ... اللهم بااارك ...بجد حلوة اوي اوي ...بسم الله ما شاء الله ...اولا انا مبسطة اوي زي العبيطة اني تاني رد ... يعني لحقت الموضوع وهوا لسا سخن بقى ... بس بجد انا مبسطة اوي ما شاء الله ان الموضوع لسا طازة واني شفته اولا ... والاجمل بجد التطبيق ... بجد تسلم ايدك الله اكبر عليكي ... اكثر من رائع والله ... بالف هنا وشفا عليكم ... واكيد استفدنا منك يا قمر ...
ربنا يعزك يااارب ويباركلك ويجزيكي كل خير يااااااااارب اللهم امين ... ويصلحلك احوالك يا غالية ويرزقك من حيث لاتحتسبي انت وال بيتك كلهم يااااااااارب اللهم امين

الظاهر اني عقبال ما رديت كنت الرابعة ...
بس برضو مبسوطة والله ... تسلم ايدك يارب ... وبالف هنا وشفا عليكي يااارب اللهم امين

نسيت اقول ان بصراحة كلهم اروع من بعض والواحد لو طبقهم الموضوع هيبقى كبييير ...وربنا يسترها على الريجيم ... رغم ان سعراتهم قليلة ... بس بجد يفتحوا النفس جداااااااا بسم الله ما شاء الله ... وخاصة البتون ساليه لاني بمووت فيييه

السلام عليكم و رحمة الله و باركاته

بجد بجد سلة بتفتح النفس على الاكل
تسلم ايديك ياغالية و الله يحفظك من كل شر
بارك الله فيك

تسلم إيدك شكله تحفه

بسم الله ماشاء الله غاليتي
تسلم ايدك يا قمر
ايه الجمال ده كله
ابدعتي ياقمر وبجد كل نوع الذ واطعم واطيب من الي قبله




تسلم ايدك الي عمل وصور وال كمان
وايدينااحنا الي كتبنا الردود خخخخخخخخخخخخخخخخ

ما شاء الله ام نور

ملف رائع جدا

وخبزات كل صنف اجمل من التاني يا عسل

اشتقنالك واشتقنا لوصفاتك حبيبتي

وبصراحة كنا مفتقدينك ...

ولكن عودا حميدا لنا جميعا و لكل عضوات الركن الي بيحبوك وبيحبوا وصفاتك الجميلة والمفيدة

بارك الله فيك وفي الامورة نور ورزقك معها بالولد الصالح ان شاء الله

وجزاك الجنة ونعيمها ان شاء الله