للمغتربين (خبزت لكم الرقاق علشان العيد)

يا فرحتي يافرحتي
خبزت الرقاق علشان اعمل صينة الرقاق بالحمة المفرومة بتاع العيد كل سنة وانتم طييبين
انا عارفة ان المغتربيين زي حلاتي نفسهم في رقاق ومش بيعرفوا يجبوة مننين

الطريقة سهلة جدا

كوبين دقيق -- كوب ماء دافء -- ملعقتين صغيره ملح -- معلقتين صغيرة سكر

حطي الدقيق مع الملح والسكر واعجنية بالماء لحين تكون عندك عجينة لينة سبيها ترتاح نصف ساعة وبعدين قطعيها كور صغيرة في حجم كرة البينج بونج او كرة الجولف للي مبعرفش يلعب بينج بونج

خلاص W لا لسةS: عندك اكيد طربيزة حطي عليها كمية من الدقيق رشية رش كتير نوعا ما يعني وبعدين افردي عليها كورة من العجين بالمردانة او النشابة اكيد عرفنها
افردي وحطي دقيق افردي وحطي دقيق اقول تاني ولا كفايةmad: لغاية ما تبقي العجينة رفيعة بس حطيها علي صاج وحطيها في الفرن الساخن الرف الاسف يعني النار من تحية تكون حامية وبعدين دقييقة علي الوجة الاول واقلب العجينة دقيقة علي الوجة التاني وخلاص شلية بحرص شديد من الصاج لانة بيكون مقرمش

طريقة عمل الرقاق بقي بالحمة المفرومة حتلاقية في المنتدي او استني عليا اكتبهولك لاني شكلي دلوقتي ولا الخبازين الي في الفرن هاهاهاهاهاه: انا طلعت من المطبخ وقلت اقولكم علي نجاح التجربة مقدرتش استني يا رب تجربوها وتقولولي خصوصا المغتربين الي نفسهم في صينية رقاق زي sid ربنا معاكم كلكم وكل عام وانتم بخير
متضحكوش علي الصورة اخدتها بسرعة

مش عارفة احطلكم الصورة جلوقتي ححطها بعد ما اخلص عمل صينية الرقاق دلوقتي باي انا رايحة المطبخ

انا عم استناك بدي شوف الصورة لا تتاخري ..

صورة الرقاق

كمان صورة علشان تشوفوا اد اية لازم يكون رفيع
محدش يضحك عليا مش بعرف اصور

ها يا زينب انفع اكون مساعد مشرف ولا لسة بدري هاهاهاهاهاهاهاهاهاها

طريقة عمل صينية الرقاق بالحمة المفرومة ( مصري 100/100 )

شوفا بقي يا حلوين زينب ويا ميس شيف طبعا عارفة لية سألت علية

و الكل طبعا

المقادير :
مقدار عشر رقاقات تقريبا-
شوربة او مرقة لحم او دجاج
لحمة مفرومة معصجة
زبدة او سمنة سايحة
ملعقتين كريمة او لبن ( ممكن الاستغناء عنهم )

الطريقة :--
يتم تغميس الرقاقات واحدة واحدة في الشوربة وتخرجيها بسرعة علشان ما تبوش وتتهري يعني بس تتبل من المرقة
وبعدين حطي خمس رقاقات في قر صينية زي ما بنعمل الجلاش وما بين كل رقاقة والتانية رشي شوية زبدة وبعدين حطي الحمة المفرومة المعصجة علي وجة الرقاقات ثم غطيهم بخمس رقاقات اخريات وبردة تحطي بينهم زبدة او سمن زي ما تحبي وبعدين تسقيهم بشوربة او مرة بشرط متغرقيهمش شوربة مفهوم يعني شوية شوية
وحطي الصينية في الفرن المتوسط الحرارة ولو حسيتي انهم نشفوا زودي شوية شوربة
قرب الاخر ادهني شطح الصينية بقلقل من البن او بملعقتين كريمة لغاية ما يتحمر وبالهنا والشفا

علي فكرة في عضوات اخريات بالمنتدي بردة حاطين طريقة عمل صينية الرقاق بالحمة المفروم ممكن الرجوع لمواضيعهم
كل عام وانتم بخير اي سؤال انا حاضرة

اهلا nano يسلمو هالايدين لكن وين اللحمة مو شايفتها هذا فقط الخبز ؟؟
ولكن شكله ما شاء الله ..
وتعالي بدي اسالك شو هاكاميرا الي عندك تبارك الله صورك واضحة جدا ..

السلام عليكم 10على 10
صدق اللى قالوا الحاجة ام الاختراع
عجبني تصميمك وتحديك لعمل الرقاق
ست شاطرة ))))))))))))))))))))))))))ما شاء الله عليك

تسلم ايدك ياقلبي

وشكرا لك