** ملف متميز ** ♥♥ اتفضلوا كلكم معزومين ♥♥ عند أم شادى ♥♥ و بالصور
السلام عليكم ورحمه الله و بركاته
كل سنه و انتم طيبين و بصحه و سعاده
الف الف مبروك عوده الغاليه ام البنات يا ميت اهلا و سهلا
وحشتونى جدا جدا يا حلوات
المنتدى بسم الله ما شاء الله اصبح فوق الممتاز فى المعجنات والصبايا اصبحوا ذو خبره و مهاره فائقه انحنى امام ابداعاتهم
بقالى مده طويله معملتش معجنات واخيرا اتحمست و عملت كميه بسيطه للعشا عجبت الجميع الحمد لله
انا عجنت بالبركه زى زمان اهم شىء ان الخميره تكون طازجه و نختبرها بقليل من السكر و الماء او اللبن حتى ترتفع و تنفش ثم نعجن بها
بسم الله نبدأ
تقريبا كلنا بنعمل نفس المقادير لكن الاختلافات بسيطه
انا اضفت بيضه و ملعقه بيكنج بودر على حوالى 3 اكواب من الدقيق واستخدمت السمن و اللبن حسب الحاجه
و اهم شىء العجن و اللت الجيد وان العجينه تكون بها طراوه وليست يابسه
انا بفضل ارفع العجينه و اهبدها عده مرات بلاحظ انها بتنعم و بترتاح و اتركها تخمر حتى تتضاعف فى مكان دافىء و مغطاه بكيس نايلون
وهنا عملت عده اشكال بحشوات مختلفه استخدمت السبانخ و الكفته المشويه و اصابع الكابوريا و الفلفل الاحمر و الزيتون الاسود و الاخضر
عملت شكل البتى بان محشى بالكابوريا و الفلفل و الزيتون و لفيته مثل السيوسرول
و عملت شكل للاطفال الصغيره الاجنحه عباره عن مثلثين محشيه سبانخ وواحده اخرى محشيه لانشون و جبنه مدخنه و جسمهما محشى لانشون
و عملت شكل كرواسون محشى سبانخ بالجبنه
و عملت شكل البنبونى على هيئه دائره كبيره بها الحشو و يخرج منها دائرتين صغيرين كما بالصوره
و دهنتها طحينه و عليها كفته و فلفل و زيتون و اغلقت الدائره ليصبح شكل البنبونى
و شكل القطايف او نصف الدائره و دهنته كاتشب و فلفل احمر و زيتون و جبنه
اتركها ترتاح مره اخرى ثم ادهن الوجه بالبيض المخلوط بقليل من اللبن و ارشه بالسمسم و حبه البركه
و تخبز و فور خروجها برشها بقليل من الماء و اغطيها
و هذه فى طبق التقديم
تانى يوم قررت اعمل مع الغدا بيتسا و كترت الدقيق شويه و قطعه الخميره ايضا ولكن عجنت بزيت الزيتون بدل السمن و كالعاده الظروف منعتنى اشكل كل العجينه فتركت جزء شكلته فى المساء
عملت بيتسا
دهنتها كاتشب و وضعت سوسيس و ماشروم و فلفل اخضر و زيتون اسود و اخضر و طماطم و قليل من الموزاريلا و بدلا منها
ضربت بيضتين بالفلفل و قليل من الملح و قليل من اللبن و اضفتها على وجه البيتسا
و هنا بعد الخبيز
و هذه فى طبق التقديم
باقى العجين شكلته كالاتى
عملت مستطيل دهنته كاتشب و وضعت قطعتين من السوسيس بالطول و معهم زيتون و فلفل اخضر
و طبقت عليهم من الاجناب و الحروف
و وضعتهم فى الصنيه و عندما خمروا دهنتهم و وضعت قطع من الزيتون و سمسم على الوجه
الجزء المتبقى اردت اعمله حلو
عملت اسطوانه طويله و فردتها و حشيتها جوز هند و سكر و زبيب و قرفه
و اغلقتها و ضبط البرمه ثم لفتها عكس بعض
و اسطوانه اخرى عملتها زجزاج و اخرى مثل حرف z
و دهنتهم و رشيت سكر على الوجه
و هذا شكلهم فى النهايه
و هنا شكلها من الداخل
أتمنى معجناتى البسيطه تكون عجبتكم
و بالف هنا و شفا
أترككم فى رعايه الله و أمنه
لالالالالا تنسوا الدعاء لاهل بيتى
رد مع الاستدلال
[
كتبت بواسطة noorelhoda
الروابط المفضلة