وصفة الاسبوع خبزة بالخضروات اهداء لخالتي الحبيبة

**فاقده عطف حبيبي** · 27-02-2009, 08:55 PM

اول شئ نعرفكم بنفسي انا عضوة جديدة اسمي هديلو عمري 17 سنة من ليبيا ان شاء الله استفيد منكم وتسفدو مني واتمني ان اتعرف علي صديقات .
وطبقي اليوم خبزة بالخضروات وعن طريق المنتدي اهديها لخالتي الحبيبه سعاد ونتمن انها تعجبها وتعجبكم .
نبدا بسم الله

بيضة ، بصله صغيرة مبشورة ، معدنوس (بقدونس )، كوب جبنة مبشورة، زيتون مقطع كوب تقريبااسود او اخضر حسب الرغبة انا استمعلته اخضر بيتي ،نصف كوب حليب، ربع كوب ماء فاتر ، ثلاث ملاعق كبار زيت، 50 جرام زبدة ، ثلاث ملاعق صغيرة خميرة ،وملعقة صغيرة سكر للخميرة ، 3 اكواب دقيق، رشة ملح ورشة بزار (كركم).

ناخد دقيق ونضيف له الزبدة وزيت ونفرك العجينة وبعدين نضيف رشة الملح ورشة الكركم وممكن تزيد كمية الكركم لكن اللون يطلع اصفر .
وبعدين ضيفي البصل وبقدونس وزيتون وجبنة وبيضة وحليب وبعدين تاخدي ربع كوب ماء فاتر ودوبي فيه سكر وخميرة وتخليها لمدة دقيقة تقريبا وبعدين اعجيني وعجينة تكون رطبه .

وبعد ماتخمر تجهزي طاجين مدهون بالزيت وجبنة علي شكل مكعبات وشوية حليب وجلجلان وحبة البركة للتزين

تاخدي بديك شوية زيت او دقيق وتاخدي شوية عجينة وتحشيها بيها عجينة وتحشيها وتشكيلي العجينة علي شكل كورة وهكذا حتي تكملي الطاجين وممكن تطرحيها في طاجين

وبعدين تدهنيها بالحليب وترشيها بالجلجلان وحبة السعد وتتركيها تخمر في طاجين وبعدين تضعيها في الفرن 180 .

وهذا شكلها لما تتطلع من الفرن

وياريت تجربوها لذيذة في المساء مع الشاهي

وخفيفة جدا

هههههههه خلاص كملت يارب تعجبكم