سؤال عن الخميره

**مروة ابراهيم** · 26-02-2009, 03:17 PM

لو سمختوا فيه الخميره البيره القطع اللى بتتدوب فى ماء و سكر و اما تعلى شويه نشتغل بيها و فيه فى السوبر ماركت مكتوب على اكياس مكتوب عليها فوريه و اكياس مكتوب جافه نشطه هل الاكياس دى بتحتاج تدوب فى ماء دافئ و سكر زى التانيه والا دى بتستخدم ازاى
ارجوا الافاده

**RANDA 1959** · 26-02-2009, 03:22 PM

اهلا يا مروة حسب الفوريه الناعمه ممكن تضيفيها علي طول مع العجينه اما الحبيبات الكبيرة شويه تحتاج انك تذوبيها بماء فاتر مع معلقه سكمر ومعلقه حليب باودر اختياري ومعلقه طحين وتذوب لللللللغايه ما ترتفع بتاخد 10 دقايق تقريبا واتمني البنات يفيدوكي حبيبتي

**هبه عمر المصريه** · 26-02-2009, 03:26 PM

لاء حبيبتى النوع دا مش بيحتاج تجهيز بتشتغلى بيه على طول
واى استفسار انا فى الخدمه

**noorelhoda** · 26-02-2009, 03:37 PM

اهلا اخت مروه
زى ماقالتلك خالتو ام موسى بالظبط
الناعمه الباودر بتتحط عالدقيق مباشره
الحببات زى الخرز بتطى ماء دافئ جدا جدا وسكر او لبن وسكر وتسبيها تتفاعل عشر دقائق لحد ماتعمل طبقه رغاوى عالوجه
وبعدها تستخدميها عالدقيق وباقى المكونات
ودى صوره ليها

**أم مــــالــــك** · 26-02-2009, 08:07 PM

ماشا ءالله الجميع افادك واحسنوا الكلام بارك الله فيهم يارب

**شخبط شخبيط** · 26-02-2009, 08:51 PM

ما شاء الله البنات كفوو وففو
بس نصيحه منى استعملى
الفريش اضمن من الفوريه خاصه فى مصر
لان اقبال الناس على الفوريه قليل
وبالتالى ممكن تكون مركونه من فتره فى السوبر ماركت

**مروة ابراهيم** · 26-02-2009, 10:47 PM

شكرا لاهتمامكم انا فعلا كل ما اجيب الاكياس تكون بارده و ماتعلاش عشان كده فكرت انى استعملها غلط لان اللى بيبع الخميره البيره بعيد عنى شكرا لمساعدتكم عشان انا قررت انى ابقى شاطره فى المعجنات باذن الله زيكم