تعالوا شوفوا السبنابون رول بتاعى كل واحدة تجيب كباية الشاى بتاعتها

**lolo habeby** · 25-02-2009, 10:51 PM

السلام عليكم ورحمة الله وبركاتة ازيكم يا قمرات
انا النهاردة عملت سينابون بس فى حاجة الخميرة مكنتش اد كدة خالص

بس اوك ماشى الحال
والله روحت من ديقتى نزلت النهاردة اشتريت خميرة
فريش وسؤال للخبيرات ممكن اعرف اخزن الخميرة ازاى لو عندى كمية

يلة ادى طبعا مقادير عجينتى
3 كبايات دقيق
كباية واحدة بس ماية انا الدقيق بتاعى خد كدة
ربع كباية صغيرة زبدة لينة
نصف معلقة صغيرة ملح
معلقة كبيرة خميرة
معلقة كبيرة سكر
معلقة كبيرة لبن بودرة
بسسس
حطيت الخميرة الرخمة

بتعتى مع كباية ماية دافية ومعلقة السكر
وسيبتهم 10 دقايق
وبعدين حطيت كل المواد الخام مع بعض
وبعدين حطيت كباية الماية اللى فيها الخميرة والسكر
على باقى المواد الجافة وعجنت زيادة عن عشر دقايق معرفتش اصور بصراحة لان ايدى معجنة خالص
وملك طبعا متتوصاش

عجنت ولتت معايا وتقولى يا مامى الكريمة دية حلوة تقصد العجينة

طبعا سيبتها تخمر ونزلت بقيت وانا برة حاسة انى هدخل الاقى العجينة برة باب الشقة لانى سيبتها كتير خخخخخخخ
صدمت لما لاقيتها مكبرتش اوى زاى ماانا متخيلة او حتى ربع ما انا متخيلة اتصدمت بس قولت هعملها يعنى هعملها
وادى الصور
بس من زعلى مصورتهاش بعد مخمرت

ادى الصورة قبل التخمير

هنا فردتها

وبعدين سويت الاطراف وحطيت قطعة زبدة لينة ومعها سكر ابيض لان مش عندى بنى وكمان القرفة

هنا لما لفيتها رول
طبعا العجينة كنت مرققها اوى
علشان مش عايزة الواحدة تبقى كبيرة
علشان تتاكل على طول

معندناش وقت
وهنا عملت واحدة تانى بالشيكولاتة نواتلا

هنا لما رصيتهم بالصنية وكان عندى امل انها تتخمر تانى سيبتها يجى ربع ساعة
بس لا حياة لمن تنادى

اهى بعد التخمير

طبعا محدش يعيب

وهنا عملت صوص شيكولاتة نصحيتنى بية الاخت الجميلة والعزيزة على قلبى ام نور
حطيت شيكولاتة خام مع شوية لبن وقطعة زبدة نونة خالص على حمام ماء
ولما ساحو رشيت على وش الرولز

ودة علشان مصدقة نفسى انى شاطرة خخخخخخخخ
وهنا محدش ياخد طبقى وكباية الشاى بتاعى
انا قولت كل واحدة تجيب كبايتها معاها

يا رب تكون خميرتى عجبتكم خخخخ

**noorelhoda** · 25-02-2009, 11:00 PM

جميل يالولو ماشاء الله جريتى ريقى عالسنابون
امال فين التوفى
غيرتى قرارك
؟؟؟؟؟؟؟؟؟؟؟؟
عموما ولا يهمك حبيبتى الف هنا وعافيه على لولو ويوسف كمان

**محبة الابرار** · 25-02-2009, 11:01 PM

بسم الله ماشاءالله عليكى

تسلم الايادى والافكار الجميلة

***جنة الاماني*** · 25-02-2009, 11:02 PM

اية الحلاوة دي يالولو
مش هقدر علي كدة انا
لالالالا دة كدة الدايت باظ

بالنسبة للخميرة انا هقولها للجميع

انا جبت قالب خميرة من الفرن
وطبعا عشان احفظة قطعتة مكعبات علي قد الاستعمال
وحطيتة في الفريزر
ولما بطلعة بطلع علي قد الاستخدام وبحطة في مية دافية مش ساخنة
وبحط السكر وبعدين اذوبة فيها و اسيبة يتفاعل مع نفسة
وبتبقي كويسة اوي
بس نصيحة الخميرة اللي اتخزنت في الفريزر متسبيهاش تفك في الهوا لانها بتفسد ومش بتخمر العجين

يارب اكون افدتك يالولو

وبعد المجهود دة كلة هاخد دة عشان اتعشي
ههههههههه

**lolo habeby** · 25-02-2009, 11:07 PM

محبة الابرار
ميرسى يا قمر على زوئك
ام انوس شكرا يا قمر رفعتى معنوياتى موت
وشكرا على النصايح الجامدة
ام نور خدتى الطبق وجريتى

**amal250** · 25-02-2009, 11:07 PM

بسم الله ماشاءالله عليكى

وتسلم الايادى الجميلة

والف هنا وعافية على قلوبكم يارب

**lolo habeby** · 25-02-2009, 11:11 PM

ميرسى يا امولة
وشكرا حبيبتى على المتابعة
والتشجيع

**امانى61** · 25-02-2009, 11:17 PM

تسلم ايدك يا لولو جميل اوى السينابون واقولك على حاجه كمان ابقى اضغطى عليها بعد التشكيل شويه بيطلع كمان شكلها حلو وبالنسبه للخميره بتشيليها عادى فى التلاجه