توست باللبن ...........تعالو شوفوا وانتوا الحكم

**فرح1983** · 22-02-2009, 03:04 AM

بسم الله الرحمن الرحيم

ازيكم يا حبايبي يا حلوييييييييييين

انا بقالي حوالي اسبوعين مجرد ما افتح عنية الصبح افتح على المنتدى اشوف الاخبار وخاصة اخبار قسم المعجنات
والتوقيت بالظبط من ساعة خميرة شهيرة العسل اللي بدات فيها من حوالي 4 ايام ومازال العمل مستمرروباذن الله عند اول رغيف يطلع منها هوريكم انتاجاتي

طبعا انا اصابتني حمى العجن والخبز وهي حاجات عمرها ما كانت بتجي في بالي حتى ولا في الاحلام

والنهاردة قررت افتكس واعمل وصفة من اختراعي هي مزيج لكل وصفات البنات في المنتدى

المقادير
انا استخدمت مقدار صغير كتجربة ولذلك
كوب ونص دقيق ابيض
نص كوب دقيق اسمر
معلقة ونص خميرة فورية
نصف ملعقة بيكنج بودر
ونصف ملعقة بيكنج صودا
2ملعقة كبيرة زيت
ملعقة كبيرة سكر
2 م ك عسل
نصف كوب لبن دافي ا(او حسب احتياج الدقيق)
ذرة ملح

الطريقة
تربى الخميرة مع سكر وماء دافيء
تخلط المكونات الجافة على حدة مع الزيت
ثم الخميرة واللبن الدافيء
ونعجن جيدا جدا جدا( لحد اما نزهق)
ثم نفرد العجينة ونلفها بطريقة التوست (معلش ما صورتش الخطوات دي لانها معروفة للجميع)

والنتيجة

صورة من قريب من جوة

صورة وهو متقطع

صور كتييييييييير فرحانة بنفسي معلش اعذروني

طبعا زي ما اتنوا شايفين التوست صغير بس انا قلت اجرب عشان ما يبقاش موت وخراب ديياااااااار

بس الحمد لله اعتقد شكله حلو والطعم والله جميل ولذيذ

مستنية رأيكم على احر من الجمر

ولو عجبكم ما تنسوش تدعولي ولبناتي ولو حتى بظاهر الغيب

**ام يوسف77** · 22-02-2009, 03:08 AM

ما شاء الله تسلم الأيادى يا عزيزتى وربنا يخلي لكى بناتك ويفرحك بيهم

**ديدي الكن** · 22-02-2009, 06:46 AM

ما شاء الله يا فرح ايه الاختراع الحلو ده
وتسلم ايديك ربنا يخليلك بناتك

**أم العلاء 2** · 22-02-2009, 06:50 AM

ما شاء الله .. الله أكبر
التوست طالع من إيديكي يجنن
يسلموا إيديكي حبيبتي و يعطيكي العافية

**أم فئ** · 22-02-2009, 07:31 AM

ماشاءالله

يسلموووووووو

**نووودى** · 22-02-2009, 11:21 AM

تسلم ايدك يافروحه
انا لسه مفطرتش

يا سلام على واحد توست باللبن

فعلا شكله جميل...تسلم ايدك
انا قررت اضرب شويه عن دخول الاركان دى عشان نفسى اعمل ريجيم ضرورى...
لكن مبقدرش فقررت مؤقتا اتوقف عن التطبيق ويارب اقدر