انا جاتلى عقده كل لما اعمل خبز يطلع خشب

انا جاتلى عقده كل ما اعمل خبز يطلع ناشف جدا الحجر يقوله قوم وانا اعد مكانك
بجد انا مدايقه اوى مش عارفه الغلطه فين
هى عجينة رواد الوحيده اللى ظبطت معى وطلعت جميله
لكن الخبز بتاع ماما الاء وبتاع شهيره ناشف ناشف ناشف اصلا ده مش خبز خالص ولما اشوف التطبيقات اللى بتتعمل للخبز بدايق ومش عارفه الغطه فين كترت المايه ولا الخميره ولا الزيت ايه اللى بينشف هاتجنننننننن

هههههههههههههههههههههههه

والله يا بنتى انا كمان كنت زيك

انتى لازم تتبعى نفس المقادير المكتوبة بالحرف

وتعجنى كويس جدا

ومتزوديش ميه ولا دقيق الا عند الحاجه

ومتضايقيش مرة فى مرة والله ايدك هتظبط جدا ان شاء الله

وكمان نوع الدقيق بيفرق

على ما اظن الزيت الكتير هو اللى بينشف المعجنات
واكيد الخبيرات ان شاء الله سوف يفدونك فى الموضوع ده
ربنا يوفقك.0.0.0.0.0.0.

هههههههههههههههههههههه
يا حوبيلك من جد ضحكتني

جربي طرق ثانيه طيب

اختي انا اظن ما يجعل الخبز ناشف و جاف هو تقليل الماء و عدم اعطاء العجينة الوقت الكافي في العجن.
عندي بعض الاسئلة لك هل تعجنين باليد او اله العجن؟

ماهي العجائن التي جربت؟ و هل اتبعت المقادير بدقة؟

انتظر ردك و ان شاء الله نجد حلا لمشكله الخبز عندك

انا مع موني فعلا العجين كل متعجنيه اكتر كل مطلع احلى
كمان نوع الدقيق
في انواع مش مناسبه وبطلع العجائن مش حلوة

في حاجات كتير ممكن تكون السبب

اول شيء لازم تربي العجينة تمام..يعني تضعي قطعة الخميرة مع ملعقة السكر و تقلبيهم كويس ..لغاية ما تبقي سايلة و بعدين تزوديها نصف كوب ماء دافىء..

و بعدين انك تريحي المخبوزات في الصواني مهم جدا

الزبد...اللبن...البيض بيعطي هشاشة و طعم للمخبوزات..


و الاهم برضك مع اللي فات..هو الفرن المستخدم..ممكن تكوني بتهدي النار على المخبوزات..اوي بحيث انها تتسمط..و تنشف و تبقى اشد من الحجارة زي ما قلتي..

اظبطي فرنك..مخبوزاتك تتظبط

و ربنا معاك..اتمنى اكون افدتك

البنات ما شاء الله عليهم كفووا و وفووا
و أضيف معاهم : إنه لازم يولع و يسخن الفرن جيدا قبل الخبز فيه بمدة كافية

شكرا يا جماعه بس بجد ما تسبونيش الا لما يتظبط عشان مدايقه اوى
اولا انا بعجن بايدى وافضل اعجن واعجن واعجن
امبارح قلت اجرب بتاع الزينب المره دى عملت كل الخطوات ووضعته فى صينيه للصبح وصحيت متحمسه عشان اكمل بليل كان ملفوف كل رغيف لوحده الصبح لقيت الصينيه سايحه على بعضها يعنى بقيت العجينه حته واحده حتى انا ماصدقتيش قلت جوزى حطلى صينيه تانيه مكان صينيتى عشان ابطل خبز
روحت مسكت حته حته ولفتها تانى وحطيتهم بقى فى الفرن قلت قبل ما يدخلو تانى على بعضهم ارغفه سايبه صحيح
وطبعا انا بستعمل خميره فوريه علطول والعجينه كانت بتلصق فى اليد فى الاول وبعدين حطيت شويه دقيق وعجنت لحد ما شفت الصبح
العيب فين

حبيبتي كان لازم تسيبي فراغات كويسه بينهم
بس ياريتك خبزتيهم من غير متلفي تاني
وكمان فعلا ممكن الفرن بيبقى هادي اوي ومش سخن