أوعدك ها تأكلي بيتزا خطيييييييييييييييييييييييييييييرة

**دور1** · 08-01-2009, 03:09 PM

بسم الله الرحمن الرحيم

البيتزا اللي بعملها دي خطييييييييرة جدا و بجد ها تتجنني لما تذوقي طعامتها و جربي و أحكمي

المقادير يا ستي كا لأتي

انا هنا أستخدمت في الحشو الفرانكفورت و التونة

و دي بقى باقي المكونات

بصل و فلفل بس قبل التقطيع

بصل و فلفل بعد التقطيع

فرانكفورت مقطع حلقات و تونة و زعتر و زبادي و جبنة مثلثات و صلصة و مكعب

ماجي

دة زيتون مقطع حلقات

دة طبعا زيت زيتون و اللي أكتشفتة ان البيتزا بتكون احلى بية

دي المكونات اللي صورتها اما اللي ما اتصورتش كانت

جبنة موزاريلا

ثوم بودرة

لبن بودرة

ملح و سكر و خميرة

اما بقة مقادير صلصة الطماطم الخاصة بتاعت الوش فهي كالأتي

طماطم

كام فص توم

ورق ريحان أخضر طازج

ملح و فلفل و مكعب الماجي

وكمان ملعقة كبيرة صلصة

و رشة صغيرة جدا جدا روز ماري ما تكتريش عشان المرارة بس بتوضع في الاخر

الطريقة بقى يا ستي :

اولا : بنحط الدقيق في العجانة

بعد كدة بضع علية باقي المكونات الجافة اللي هي ملعقة زعتر و ملح و لبن بودرة و بحط معاهم

علبة الزبادي بتاعتي و كمان زيت زيتون

و بكون في الاثناء دي حطيت الخميرة في ماء دافيء مع السكر عشان تخمر

و بعد كدة بضيفها على العجينة و أعجن لغاية ما أحصل على عجينة طرية بس مطاطية شوية اهم

شيء انها ما تلزقش في الايد

و دة شكل العجينة

أرجو عدم الرد حتى أكتمال الموضوع

**دور1** · 08-01-2009, 03:21 PM

بعد كدة بحطها في الفرن عشان يكون مكان دافيء و أغطيها و أسيبها تخمر براحتها ساعة مثلا

و طبعا الجو بيتحكم في سرعة التخمير من عدمة

معليش نسيت أصورها لما خمرت

بعد كدة بجيب صواني البيتزا بتاعتي زي دي كدة دول اتنين على فكرة

و بدهنها بشوية زيت بسيط و بعد كدة بفرد العجينة بالنشابة ( الفرادة ) لغاية ما أصل للسمك اللي أحبة

أهم شيء يكون السمك متساوي تقريبا من كل اللاجزاء

و أبدأ اشيل الزوايد عن الصينية بتاعتي من العجينة

و بعد كدة بنقل العجينة في الصينية و بفردها كويس فيها و بسيب جزء بسيط أعلة من الجدار شوية عشان نحشية

و بحشيها بالجبن المثلثات انا الاول كنت بحشيها شيدار بس لقيت المثلثات خطييييييييرة جدا جدا جربوا الاثنين

بعد كدة أبدأ اقفل الاطراف بتاعتي

و دي بعد التقفيل الكلي للأطراف

و دي صورة قريبة شوية

و بعد كدة أضع الصلصة الخاصة بتاعتي على وش العجين بس ابعد عن الاطراف زي كدة

و أرص فوقيها طرنشات البصل بس تكون رقيقة بقدر الامكان

و بعد كدة أضع الفرانك او التونة

دي الكبيرة بالفرانك

و دي الصغيرة بالتونة

**دور1** · 08-01-2009, 03:27 PM

و بعد كدة بحط شرايح الفلفل الاخضر و الاحمر

و أخر حاجة بحط زيتون و مشروم

دي اللي بالتونة

و بدخلها الفرن و قرب السواء في الاخر بحط الجبنة الموتزاريلا يعني قبل ما تطفي ب 10 دقايق عشان كون سايحة و حلوة

و بعد ما تخرجيها رشي على وشها و هي سخنة رشة زعتر و دي صورتها

و دي اللي بالتونة

**دور1** · 08-01-2009, 03:33 PM

لعمل الصلة الخاصة للبيتزا أتبعي الاتي

هاتي طماطم و حطيها في المفرمة بتاعتك مع كام فص توم

و حطي عيهم كام ورقة ريحان أخضر

و اضربيهم كويس عشان تفرمي التوم و تهري الريحان

و بعد كدة ها تحطيهم في حلة على الناس و تفرمي عليهم بصلة وسط واحدة

و تحطي عليها معلقة صلصة

و بعد كدة بتضيفي لها مكعب ماجي و فلفل اسود و مش ها تكوني محتاجة في الغالب للملح

و بعد كدة ها تسيبيها على النار لوما تلاقيها خلاص اتشربت هدي عليها خالص عشان انا عاوزاها

متسبكة كويس و بقدر الامكان ما يكونش فيها ماء و قبل ما تطفي عليها بشوية حطي رشة روزماري

مطحون بس تكون رشة بسيطة ما تكتريش

و بس بالهناء و الشفا و عاوزين بقى الردود بعد التعب دة يا بنات

و يا رب تكون عجبتكم و شكرا

**saraj** · 08-01-2009, 03:46 PM

ما شاء الله تسلم الايادي
شهي جدا

**دور1** · 08-01-2009, 03:52 PM

على فكرة فية مراعتين لازت حطوهم في بالكم

انا بضع على العجين شوية بيكنج باودر حلو جدا للعجين مع الخميرة

و كمان لما تحبي انها تخمر بسرعة ولعي الفرن شوية و سيبية يدفا بس

و بعد كدة اقفلية و حطي فية العجينة بعد ما تدعني وشها شوية زيت

و شكرا

**عروس الاسكندرية** · 08-01-2009, 03:55 PM

تسلم ايدك بجد فتحتي نفسي عليها تجنن

**دور1** · 08-01-2009, 04:01 PM

كتبت بواسطة saraj

ما شاء الله تسلم الايادي
شهي جدا

تسلمي يا قمر و جربيها و قولي لي

**ماما الاء** · 08-01-2009, 04:05 PM

مرحبا يا عسولة
انا مش حقول انها تحفة او جميلة او مبتكرة
بس حقول يا دور1 يا خطيرة
عجبتني خالص فكرة جبنة المثلثات
وكمان فكرة الزعتر اللي في العجين
باذن الله حجرب الاثنين
وصحة وهنا عليكم

اللهم انصر اهل غزة المجاهدين
وانزل عليهم السلام والبرد
يا رب العالمين

**roina** · 08-01-2009, 04:06 PM

ما شاء الله
تسلم يداكى التى ابدعت

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: أوعدك ها تأكلي بيتزا خطيييييييييييييييييييييييييييييرة

أدوات الموضوع

العرض