موضوع متميزالخبز الشمسى تانى مره بمقادير مختلفه بالخطوات المصوره

**سائله الرحمن** · 29-10-2008, 02:26 PM

السلام عليكم و رحمه الله وبركاته

اليوم هانعمل الخبز الشمسى غير اللى عملته قبل كده و كمان غير الخبز البوليزى كمان اللى عملته

معلش هاكتب الاول لان لوحه المفاتيح العربى عطلت عندى باستخدم التانيه و بحاول اظبط الحروف على قد ما افتكر

بس لالالالالازم نعمل الخميره البايته علشان بظبط العجين ويطلع الخبز حلو كده

الخميره اللى هانعملها من باليل و نسيها لتانى يوم انا عملتها الساعه 11 باليل و استخدمتها تانى يوم الساعه 11 صباحا يعنى سبتها 12 ساعه

الخميره هى )كوب دقيق -اقل من نص الكوب ماء-قطعه خمميره قد البندفه نعجنهم مع بغض و نغطيهم ونسيبهم زى ما قلنا

تانى يوم نضع معاه باقى المقادير اللى هى كوب وربع دقيق-ملعقه صغيره سكر -نص ملعقه صغيره ملح
6 ملاعق كبيره حليب مغلى ومبرد حتى يكون دافى نستخدمه-3 ملاعق ماء - قطعه خميره قد الحمصه مدوبه فى

الحليب الدافى ونعجنهم كلهم فى العجانه مده ربع ساعه لغايه ما تكون العجينه زى اللبانه و نسيبها تخمر و ساعه

و بعد التخمير نعجنها تانى على خفيف وهاتكون مليانه فقاقيع عجن لمده ثانيه بس و نضعها على الحاجه اللى

هاتدخليها الفرن صنيه او ورق الفرن و نغطيها لمده ساعه تخمر و بعدين نكون مسخانين الفرن درجه حراره 200

درجه و ندخل الخبز و نمسح وشه بالميه و نهدى النار عليه 180 درجه تكون حرارته و كل 10 دقايق نمسح

وشه بالميه لعايه ما يستوى و يتحمر قوى

نشوف الصور بقى

**RAWAD** · 29-10-2008, 02:30 PM

السلام عليكم
انا حجزت الرد علشان الطش الخبز
باعتبارى اول واحدة ترد
بانتظارك يا غالية

**سائله الرحمن** · 29-10-2008, 02:32 PM

دى العجينه اللى بيتناها قبل التخمير

و ده شكلها بعد التخمير بعد 12 ساعه

وده وضع الخميره البايته مع باقى المقادير

شكل العجين زى اللبان

بعد العجن نكورها ونضعها فى وعار ونغطيها ونتركها ساعه تخمر

**سائله الرحمن** · 29-10-2008, 02:36 PM

بعد التخمير

بعد تخميرها نعجنها لمده ثانيه واحده ونكورها برقه و نغطيها لازم نضعها على الحاجه اللى هاتدخل الفرن و نتركها ساعه كمان

وده بعد التخمير و بعدين ندخلها الفرن زى ما قلنا

**سائله الرحمن** · 29-10-2008, 02:41 PM

ده بعد الخبز

التقطيع

طبعا الخبز ده رائع مع الخضار و الملوخيه و المحمر و المشمر

و بالعافيه عليكم والله رهيب جدا

على فكره المقادير دى لرغيف واحد متوسط الحجم ممكن تزيدوا الكميه و تعملوا اكتر