رجعتلكم بمشاركة جديدة في احلى معجنات لاغلى الناس
المرة هاي بنتي بدها معجنات تاخذها معها على المدرسة علشان عاملين احتفال هي وصاحباتها بمناسبة العام الدراسي الجديد فعملت الها عدة انواع بيتزا و وردات الجبنة و زعتر رولز وكله بعجينة العشر دقائق
هنا بيتزا بخليط الاجبان ( موزيرولا وتشيدر وقشوان وايدام ) مع مرتديلا و بنتي ما بتحب الفلفل الرومي بس عملته ديكور و طبعا بالصلصة وشرائح الزيتون
هنا بيتزا بللصلصة والجبنة النابلسية المغلية المبشورة ...كتير طيبة
هنا بيتزا عادية بس باضيف شرحات بصل على الوجه .. وبسميها بيتزا البصل هادي مخصوص لابو الاولاد لانه بيحب البصل في البيتزا والاولاد ما بيحبوه فاعمله على الوجه والي بده ياكل بيشيله
هنا الزعتر رولز و وردات الجبنة كتير الاولاد حبوا فكرة الوردة وممكن تعملي كل وردة بتشكيلة حشوة مختلفة يعني اشي سبانخ واشي زعتر واشي جبنة و تخصصي لكل ولد وردة وبهبك بينوعي في الفطائر و بتقدميها الهم بطريقة حلوة كتير
اما الزعتر رولز هذا عشق ليان الاول الله يحميها كتير بتحب الزعتر والزيت وهاي الطريقة كتير عجبتها اكتر من الكرواسوان و اللفات التانية ... اسهل في الاكل وما بتكب و توسخ نفسها و الطاولة هههههههه
ان شاء الله اطباقي عجبتكم و اشوف مشاركاتكم
دعواتكم لي بالصحة والعافية يا غاليات
الروابط المفضلة