موضوع متميزالقراقيش المصريه خطوه خطوه بالشرح والصور التفصيليه من مطبخ نور الهدى

**noorelhoda** · 23-05-2008, 07:56 AM

(القراقيش المصريه)
او الأرا ايش
او المنين زى ما تحبوا تسموها
خفيفه وجميله جدا مع الشاى باللبن وكتير كنت باجلس بجانب جدتى وهى تسويها ومن بعدها امى جزاها الله خيرا يارب تحوز على اعجابكم نبدأ الشرح
اولا المقادير
كيلو دقيق ولو بالكوب يبقى 5 اكواب دقيق
كوب لبن دافىء
ملعقه طعام ممسوحه خميره
نصف كيلو سمن او زبده لا تندهشوا من كميه السمن
ربع كوب ماء
ملعقه صغيره ملح
سمسم وحبه البركه

نسيت اصور السمن لانه كان عالنار يجب ان يسخن ويغلى ولكن بدون ان يحترق بنسميه مقدوح
نعمل حفره فى الدقيق ونضع الملح والسمسم وحبه البركه وممكن تستعملى شمر وينسون

نضيف السمن الساخن

نقلب الخليط ولكن بملعقه خشبيه لانه حيكون ساخن طبعا

وبعد مايبرد نبس الدقيق يعنى ندعكه بالكفين جيد وبعدين نضيف اللبن ويكون مذاب فيه الخميره ولو العجينه محتاجه تانى نضيف ربع كوب الماء الدافىء ونعجن حتى تكون بهذا الشكل

نترك العجينه ترتاح عشر دقايق وبعدين نأخذ قطعه قطعه ونفردها على سطح مستوى

ونفردها جيدا ونقطعها مستطيلات بالطول

وممكن نحشيها تمر (عجوه هكذا

وده شكل العجوه بداخلها

ونبدأ برصها فى صينيه الفرن المبطنه بورق الزبده بدون دهانها ابدا ونغطيها ونتركها تخمر حوالى ساعتين

بعد ما تخمر ندخلها الفرن ونضعها فى الرف المتوسط على حراره 180 حوالى ربع ساعه وبعدين نفتح عليها الشوايه من فوق حوالى دقيقه واحده حتى تحمر
نرصها فى صينيه وده شكلها شوفوا لونها من تحت مثل فوق بالظبط

وتقدم مع احلى فنجان شاى

او ممكن مع الجبنه او اللبنه

والف هنا وشفا يارب تعجبكم
ودى كانت وصفه جدتى رحمها الله
وغفر لها
اللهم امين

**رندوش** · 23-05-2008, 08:05 AM

يسعد صباحك عزيزتي نور الهدى بارك الله فيك
صحيت وقلت اشوف شو الصبايا عاملين لقيت هالصينيه الشهيه
قلت اسبق الصبايا واضمن افطار ابني هههههههه

ما تقلقي والطبق التاني للعيله وحده طماعه وكسوله

ما احد يقرب صبايا اول رد ليها كل شي

**ام البنات ** · 23-05-2008, 12:59 PM

نووور يا نووووور اعمل فيك ايه
خلاص ابعثيلي الطبق
مقاومتي ابتدت تتضاءل يا ناااس
حجربه يعني حجربه هههههههه
قولي ان شاء الله
يسلموا غاليتي

**ام ليانة** · 23-05-2008, 01:02 PM

تسلم الايادي نور

وانا كمان حاجربه ... بس متى ؟ .... ربنا يسهل ان شاء الله

الف شكر يا قمر وتسلم ايديك حبيبتي

**(( ام ماهر ))** · 23-05-2008, 01:48 PM

نوووووووووووووور رووووووووووعه وامى كمان بتحب تقدح السمن سبحان الله حتى التعبيرات كثير زى بعض

على فكرة انا ام امى جدتى يعنى اصلها مصري يعنى فى شرش منكم هههههههههههه وبعتز فيه

يسلمووووووووو حبيبتى ان شاء الله اطبقها

جزاك الله كل خير