**وصفة متميزة** جلاش بال ...... و بال ....... مع الصور

النهاردة جاية و جايبة لكم معايا صينيتين جلاش
واحدة باللحمة وواحدة بالجبنة

يلا نبدأ بسم الله

طريقة عمل صينية الجلاش عامة
ندهن الصينية بمعلقة زيت و بعدين نحط من 6-8 طبقات من ورق الجلاش حسب الرغبة
وبعدين نحط الحشوة
و بعدين نحط من 6-8 طبقات من ورق الجلاش
ندهن الطبقة الاخيرة من الجلاش بمعلقة زيت
نضرب بيضة و كوباية حليب و ملح و فلفل و نصبها على الصينية و نوزعها كويس
نحط الصينية فى الفرن و نسيبها حوالى ساعة لغاية ماتستوى ووشها يحمر كده و يبقى شهى

بالنسبة للحشوات بقى

اولا حشوة اللحمة المفرومة
تجيبى بصلة متوسطة مبشورة و فصين توم مبشورين و تحطيهم فى حلة و عليهم ملح و فلفل اسود ورشة قرفة صغيرة و4 ملاعق كبيرة زيت
نولع النار و نقلب المكونات شوية لغاية ما البصلة تصفر و تدبل شوية
نضيف اللحمة و نقلب بحركة داءرية عشان اللحمة ماتتكتلش لغاية ما اللحمة لونها يتغير
نوطى النار و نسيبها 10 دقايق اللحمة هتنزل ماء نحط معلقتين كبارصلصة و نقلبها كويس و ندوبها فى ماء اللحمة و نزود ربع كوب ماء او نحط كوب عصير طماطم و نص معلقة صغيرة سكر و نسيبها على النار تلت ساعة تتسبك

ثانيا حشوة الجبنة
جبنة بيضا+جبنة لافاش كيرى+فنجان حليب+ملح+فلفل+زعتر جاف (اختيارى)
نخلطهم مع بعض كويس و حطيت الحليب عشان يخليها ناعمة و تتفرد بسهولة على الجلاش

طبعا ممكن تضيفى على اى حشوة من الحشوات دى قطع زيتون و فلفل اخضر و طماطم و مشروم حسب الرغبة

و أدى صورة صينية الجلاش باللحمة المفرومة

و دى حتة منها

و دى صورة صينية الجلاش بالجبنة

و دى حتة منها

تسلم ايدك حبيبتي والله يعطيك الف عافيه

ماشاء الله روعة تسلم الايادي

تسلمي حبيبتي ع الوصفة الحلوة كتير

عاشت الايادي من يد ما ننحرم منها يا رب

تسلم ايدك طريقه حلوه

تسلم ايدك
وريتها صحه وهنا

تسلمى حبيبتى انا أمووووووووووووووت بالجلاش بجميع انواعه حادق وحلو