محتاجة مساعدة منكم.....

مرحبا حبيباتي في ركن المعجنات

كيفكم ان شاء الله بالف خير

انا محتاجة مساعدة منكم و يار يت بسرعة يا حلوين

انا قبل شوي عجنت عجينة عشان كنت ناوية اعمل فطاير

لكن طلعتلنا طلعة برة و مش راح اعملها

العجينة حطيتها قبل شوي في مكان دافي عشان تتخمر

هي مكونة من طحين و ماء دافي و حليب و خميرة و ملح و سكر

هل بينفع اخزنها في الفريزر من غير ما تخرب

و ازا بينفع اخزنها في الفريزر هل اخزنها الان و للا بعد ما يكمل تخميرها

انتظركم بفارغ الصبر

انجول هلا فيكى
حبيت ارد عليكى بيالى بعرفه لكن انا ما جربت
بعدتخمير العجينه ممكن تنحط بالتلاجه بس تكونى مغلفاها باحكام وقبل ما تستخدميها اتطلعيها تاخد درجه حراره الغرفه
والفريزر بحطوها
لكن ما بعرف النتيجه لانى ما جربت واكيد العباقره راح يفيدوكى

ممكن تخزينها قبل ما تختمر الانك يوم بطلعينها من الفريزر راح تخلينها في مكان دافئ حتى تأخذ حرارة المطبخ وتبدا بالتخمر.... ومن الافضل انها ما تتخمر غير مره واحده عشان ما تطلع رائحة وطعم الخميرة في العجينه....... وفي معلومة ثانية اتمنى انها تفيدك ممكن انك تعملين الفطائر وتخبزينها وتبردينها وتجمديها وقبل الاستخدام ممكن تحطينها في الفرن على درجة منخفضه حتى تسخن وصدقني بيكون طعمها مثل الفطائر الطازجه .... اتمنى اني افدك تحياتي ملاك الروح

حبيبة ألبي أنجل
أنا ماكتير متأكدة من النتائج بس أظن أنك قبل ما تتخمر كتير فيكي تحطيها بالبراد و بكرة طالعيها و تتركيها بمكان دافي بترجع بتتخمر من جديد بتوقع أنو يمشي الحال أما أنك تحطيها بالفريز أشك أنها تظبط يا الله أنتي جربي و نحنا بنستفيد
أؤلك أقسمي العجينة نصين نص للتلاجة و نص للفريزر و شوفي شو بيطلع معك

هلا انجل
قبل لا تخمر غطيها منيح وحطيها بالتلاجة لتاني يوم استخدميها بتضل منيحة
وانا كنت افرز عجينة الدونات بالفريزر وقت ما بدي استعمها بطلها بتدوب وبتركها تخمر
وبستعملها وكانت تنفش وتضل منيحة