موضوع متميزعرايــس اللحمه من مطبخ أم مالك وووصلت وبالصوووره

**أم مــــالــــك** · 02-12-2007, 11:10 AM

بسم الله الرحمن الرحيم
عملت مبارح على العشى اكله خفيفه لطيفه عرايس اللحمه ومن غير برم وكلام بدخل بمقادير اكلتنا على طووووول

المقادير:
نصف كيلو لحمة كفته مفروم معها طبعا بصل وبقدونس
3 حبات بندوره حمرا وصلبات
خبز العدد حسب حجم الخبز
زيت قلي
ملح
فلفل اسود
وبهارات مشكله

الطريقه:
بنفرم البندوره وسط وبنحطها فوق اللحمه طبعا اللحمه بنخلي اللحام يفرم معها بصله وحزمة بقدونس وبنحط الملح والفلفل الاسود و البهارات وبندعك اللحمه كويس مع جميع المواد

بنجيب الخبز وبنفتحه من طرف واحد وبنحشيه باللحمه والبندوره طبعا بكميه معقوله مو تكون اللحمه خميله كتير

بندهن الخبز بالزيت وبحطه بالصينيه وبندخله الفرن على درجة حراره 180 ولا تتركيها لحالها لانه ما بتوخذ وقت وبسرعه بتستوي بتحمري الخبزه على الوجهين

وقدميه مع المخللات واللبن الرايب "الزبادي" وسلطه انا ماعملت سلطه وصحتين والف هنا

دعواتكم اخواتي الغاليات

**ام ادم 007** · 02-12-2007, 11:27 AM

ام مالك انا كتير بحبها العرايس بس ليش ما بتستوي معي اللحمه

مع اني ما بعملها سميكه وبتصير تزل في ماء اللحمه

نشيطه يا بنت صايره واكلاتك حلوه

مشكوره انا بدي اخد الصحن افطر عليه

**أم مــــالــــك** · 02-12-2007, 11:31 AM

كتبت بواسطة ام ادم 007

ام مالك انا كتير بحبها العرايس بس ليش ما بتستوي معي اللحمه

مع اني ما بعملها سميكه وبتصير تزل في ماء اللحمه

نشيطه يا بنت صايره واكلاتك حلوه

مشكوره انا بدي اخد الصحن افطر عليه

هلا هلا اولا شيء صحتين والف عافيه
تاني شيء لا تخلي نار الفرن عاليه كتير وسط علشان تستوي اللحمه كويس والخبز ما ينحرق
وتالتا العفوووووووووووووو حبيبتي

**تغريد2007** · 02-12-2007, 11:38 AM

ام مالك من وين ماخذه طريقتى
الامانه هاى طريقتى بالتفصيل الممل
الله يعطيك العافيه حبيبتى ويسلم دياتك يااااااااااااااااااااااااااااااااااااااااااااااااا رب
الف شكررررررررررررررررررررررررررررررررر