السلام عليكم بنات....
اليوم تفالحت وقلت بدي طبق وصفة الحبيبة تغريد يلي على هذا الرابط
لأن منظرها فعلاً راااااائع...
حطيت المقادير كما هي مذكورة بالوصفة وطلعت معي شو؟؟؟؟؟ شوربة 
قلت يا راسي يا راس هالعجينة...وبديت زيد بالطحين وزيد بالطحين وأعجن مو بالعجانة لأ بل متل تعليمات تغريد..باليد وعلى مهل...
وزيد بالطحيييييييين لحد ما صارو والله اعلم ضعف الكمية يلي بالوصفة ورجع زيد بيض وزيد خميرة وما بعرف شو....خبصت وانشلت يداي من العجن وشليتلها إيديها للشغالة وما كانت تجمد العجينة (تغريد لا تضحكي...شايفتك أنا)..
المهم بعتلها لتغريد على الخاص وطلبت منها تتأكد من كمية الماء,,وأكدتلي أنها مزبوطة وأكيدة منها..
وأنا أعجن والشغالة تعجن وببالي كنت تخلص القصة عبعضها بشي ساعة ولحق قبل ما يجوا الولاد من المدرسة...
وتغريد يا عيني بتتطمن علي كل شوي إذا مشي الحال..لأ وفطست من الضحك لما قلتلها أنا والشغالة راح حيلنا من العجن...
المهم...بلا طول سيرة (مع أنها طويلة)..قررت استعمل العجانة وشو بدو يصير يصير....
أعجن بالعجانة وأزيد طحين ومكونات أخرى ..والله العجانة صارت متل النار وراح تحترق..والعجينة ملزقة...وتغريد تقول لي العجينة كل ما كانت طرية بتطلع أزبط..إيه بس مو شوربة يا تغرييييد!!!!!!!! والله بكتبلكم وعم بضحك على العالي...
المهم جمدت العجينة والمكونات ما بيعلم فيها إلا رب العالمين...
غلطتي أنو كان لازم ضيف الماء شوي شوي....بس أنا متل الدبة الله وكيلكم عملت متل مو كاتبة تغريد ودبيتهم كلهم مع بعض...يا تغريد تاني مرة للدبب يلي متلي اكتبي (ضيفوا الماء حسب الحاجة) حاكم والله أنا ما بعمل معجنات كتير لأني ما لي خلق...
العجينة جمدت وكملت التعليمات تبع تغريد باشا (والله بتقري وبتضحكي علي شايفتك يا توتو)...وحطيتهم بالفرن وخلصوا...هاد الحكي يلي ظنيت بدو ساعة....صار ب4 ساعات والأولاد رجعوا من المدرسة واكلوا وانا لسا كنت بعجن ..هههههههههههههه..
والله بكتب بس لضحكم متل ما ضحكنا انا وتغريد..لأن الحمدلله هو صحيح طلعت الكمية بتكفي جيش بس لذيييييييييذ وهشة (ما بعرف إذا أصلاً الوصفة لازم تطلع هشة!) يا تغريد وتسلم يداك حبيبة قلبي والغلط مني والله ومن الطحين العجيب لأن أكيد الإختلاف بالطحين.. بس وينكم..يعني ممكن تعجنوها بالعجانة هذا يلي استنتجتو ..بعد شو بس ؟؟!!
عملت أشكال وعملت كمان بقوالب المافن وطلعوا متل خبز الهمبرغر..وهلق اتعشيت سندويشة كمان..
يلا بترككم مع الصور بيكفي دوشة
ما شاء الله ولا قوة إلا بالله
وهذه لتغريد الغالية على هالوصفة الشهية..والموضوع نزلتو لعيونك....
لا تنسونا أنا وتغريد من دعواتكم...على قد ما ضحكتوا إدعوا هههههههههههه
*متميز*تطبيقي للكعك بالسمسم للحبيبة تغريد بعد معارك ضارية..فوتوا شوفوا الحكاية :) :)
رد مع الاستدلال
كتبت بواسطة غزالة الأطلس
اعذروني لغيابي 
*
*
الروابط المفضلة