أحلى سندويشتات في العالم والله ما أمزح مررررة حلوة وبالصورة النهائية كمان......

**أمل الغـــــــد** · 07-10-2007, 01:20 AM

السلام عليكم ورحمة الله وبركااااااااااااااته

أهليييييييييييييييييييييييين حبايبي

اليوم جايبة لكم طريقة سندويشتات تهبل

مررررررررررررررة مررررررررة حلوة

أول شئ أقول لكم المقادير::

عيش توست طبعا......>> كيس أو كيسين على حسب الكمية اللي تبغيها

بقسماط ...(عبارة عن عيش متفتت)

بيض

دجاج مفروم

بصل

قشطة

جبنة كاسات...>> كرافت أو أي شيء

(طبعا المقادير كلها على حسب الكمية اللي تبغيها)

بسم الله

نبدأ بالطريقة:

أو شيء ناخذ التوست ونقطع أطرافه بالسكينه ونجيب الفرادة (حقت العجين) ونفرد بها التوست كل حبه لحالها

خلاص بعد ما نخلص من فردها نجيب كاسة تكون فتحتها كبيرة يعني على قد التوست ونقطع بها التوست...>> يعني يصير شكل التوست الواحدة دائرية وفي نفس الوقت نحيفة لأنها مفرووده

ثاني شيء نجيب البيض ( طبعا يكون على حسب كمية التوست اللي بتسويه) ونكسر البيض ونحطه في زبديه ونحط عليه فانيليا وشويه ليمون....>> عشان تشيل ريحة البيض ونخفقها ونغمس فيها التوست

ثالث شيء نجيب البقسماط ونحطه في زبديه ونغمس فيه التوست

رابع شيء نكون أصلا محضرين زيت على النار نقلي التوست حنلاحظ واحنا نقليها انها انفخت المهم نقلي كل التوست ونخلص منها بعدين ناخذ التوست ونقطعه بالوسط

يعني يصير نص دائرة

بعد كذا نحطه في صحن كبير على بال ما نحضر الحشوة

الحشوة :

نجيب قدر ونحط فيه البصل ونخليه لمن يحمر مزبوط ونحط عليه الدجاج المفروم

طريقة تحضير الدجاج المفروم...>>
(نسلق الدجاج وبعد ما يخلص نقطعه إلى قطع صغيرة)

المهم بعد ما نحط الدجاج على البصل نحط عليه ملح شويه
والجبنة والقشطة ..

الآن نكون خلصنا من الحشوة

أخيرا...........

ناخذ الحشوة وندخلها جوة التوست ونزينها يقطع خس

وبالهنا والعافية حبايبي

وجبت لكم الشكل الأخييييييييير لها

عشان توضح لكم الطريقة مزبووووووووووط