السلام عليكم ورحمة الله وبركاتة
اي بنت بخاريه تدخل او غير بخاريه
اي طريقة الفرمزه البخاريه الي اسمها السسووو اضن كدا اسمها
وابي منكم طريقه الفرمزه العاديه والمنتو عاجلا

السلام عليكم ...
أختي (بطة عالنت)...
لقيت لك طبخة المنتو اللي طلبتيها ... في أحد المنتديات ...




المقادير:



للعجينه: دقيق ومويه وملح

الحشوه لحم مفروم ملح فلفل أسود زياده شويه بصل مفروم كمان كثريه شويه ممكن تضيف القليل من الليه وأنا أسيحها وبعدين

أضيفها وبعض القرع (اليقطين)المبشور حسب الرغبه بس حيدي ترى نكهه

الطريقه:



أدهني قرر المنتو بالليه أو الزيت ان ما عندك قدر المنتوا جيبي مصفايه سلك على قد قدر عندك بحيث ما تصل للمويه جوة

القدر وبعد ما تغطيها ما يخرج البخار يعني لا تغلبي نفسك

تعجني العجينه وتتركيها ترتاح وبعدين تفرديها وتحشيها للناس الي ما يعرفوا يغفلوها زي ما قلت في الفرموزه قبل كده

تمسكي العجينه وتكشكشيها زي الفستان لمن تجمع وتسير زي الصره تقطعي الزايد بدل وجع القلب جيبي القالب تبع السمبوسك

بس لمن تحطيها لازم تكون الزمزمه من فوق عكس الفرموزه ونرصها في القدر بعد وضع الماء في قدر المنتو

من المهم تدهني الوجه بالزيت النباتي عشان ما يلصق و قبل الأكل بربع ساعه ينحط على النار يعني من على النار على


__________________________

وأتمنى أني أكون أفدتك ..ونشوف التطبيق عن قريب.

في موضوع لاحدى الاخوات عن المنتو كان رائع بالشرح المفصل والصور

انا نزلته عالجهاز بس ماعرفت انزل الصور حاولي تبحثي عن الموضوع

عشان تشوفي الصور وتستفيدي اكثر

تحيتي:الغيد

انا مره سويته جاء مره رهيب
على البخار نفس الطريقه الي فووق

حبيبتي عجينة الفرموزه هي كالآتي:
المقادير : كوبان دقيق + بيضتان + اربع ملاعق أكل زيت + ملعقة شاي بكنك باودر + ملح + ماء للعجن

الحشوه: نصف كيلو لحم مفروم + 3بصلات كبيره مفرومه + ملعقة شاي فلفل أسود مطحون + بيضه مخفوقه لدهن الوجه

الطريقه: يوضع الدقيق في وعاء ثم تضاف اليه البيضتان والزيت والبكنك باودر ثم يعجن الجميع بالماء بحيث تكون العجينه متماسكه
تغطى العجينه وتترك جانبا لتستريح مدة ساعه
يخلط اللحم المفروم الغير المطبوخ مع البصل المفروم والفلفل الأسود
تقسم العجينه الى كرات صغيره جدا وبعد ذلك تؤخذ 3كرات من العجينه وتوضع على بعضها وترق العجينه الى دوائر
ويوضع في داخلها الحشوه النيئه ثم يطبق الطرفان على بعضهما وتشكل باليد على شكل بيضاوي
ثم تغمس في البيضه المخفوقه وتصف في صينيه مدهونه وتخبز في فرن متوسط الحراره وتترك حتى ينضج مابداخلها وتحمر قليلا