ياجماعه الخيييير ساعدوني مني عارفه كيف اتعامل مع رمضان في(المطبخ) الله يخليكم ردو
للبحث في شبكة لكِ النسائية:
|
ياجماعه الخيييير ساعدوني مني عارفه كيف اتعامل مع رمضان في(المطبخ) الله يخليكم ردو
اختي تتعاملي مع المطبخ كيف ؟
يعني ايش تطبخي في رمضان العزيز ولا كيف تنطفي المطبخ السعيد
اديني خبر !!!!!
اختي الكريمة انتي تقصدي اي نوع من التعامل
هل ...... ايش تطبخي في رمضان العزيز ؟؟؟؟؟
او
هل ........ كيف تنظفي المطبخ الرضاني السعيد؟؟؟
لا ياقلبي اقصد ايش اطبخ ايش اسوي متى اصحى متى انام معليش اسئله مالها داعي بس هذا اول رمضان يعدي عليه بدون مساعدة امي؟؟؟؟؟؟؟؟؟؟؟
آآآآآآآآآآآآآآآآآه يعني انت لسة على البر . شوفي حبيبتي . والله انك ذكرتيني لمن كنت عروس و اول عزومة كانت لي بدون امي الغالية والله اني استسلمت و العجب رمضان كان رهيب بس مع استمرار الحياة كل شي صار تمام و اسهل طبخ في شهر رمضان الغالي .
شوفي حبيبتي انا شخصيا قبل رمضان بكم يوم بجهز كذا شي يعني مثلا اعمل عجينة القطايف و احطها بالفريزر .
او احشي السمبوسة و احطها بالفريزر يعني اشياء زي النواشف سواء معجنات او غيره كلها قبل رمضان بيوم او يومين.
وعلى فكرة انا دائما اصحى بدري و ابدأ اطبخ على طول اللهم السمبوسة بقليها او اشويها قبل المغرب بنص ساعة و صدقيني لمن تطبخي بالنهار ترتاحي باقي اليوم و تتفرغي لأي شي تقرأي قرآن او اي شي حاباه .
و الأهم بعد الفطور ...... يا سلاااااااااااااااااااااااااام على الكسل . و بالزات بعد ما تصلي المغرب و الله عذاب .. بس العني الشيطان و اكسري الكسل و قومي اعملي المطبخ .
و ما تنامي الا و المطبخ نظيف عشان تصبحي وانت مرتاحة .
والله عارفة انو كله تعب بس كده احسن عشان كمان زوجك العزيز يشوف عمايلك النظيفة و المرتبة . والحياة دائما في شهر الخير غير يعني شغل كتيييييييييييييير و بعدين رااااااااااااااااااااااااااحة . واتمنى لك التوفيق.
وانا عندي كذا وصفة لو حابة المساعدة انا في الخدمة اختي ....
تسلمين ياقلبي تسلمين الله يريح بالك زي ماريحتي بالي لو اقول كل عبارات الشكر لك ماتوصل إمتناني واي شي تعرفيه عن رمضان هاتيه وتسلمين .
لا شكر على واجب اختي و بعدين احنا اخوات و مافي بينا اي حواجز الا حواجز خير ان شاء الله .
شوفي اختي بالنسبة لسفرة رمضان الكل على حسب ما يحب . يعني انا زوجي العزيز بيحب السفرة ما تكون مليانة مرة يعني بعمل طيق رئيسي مع اي نوع من الشوربة و لازم سلطة الخيار و السمبوسة زي سمبوسة لحم او دجاج او بطاطس او جبنة مع بقدونس ((( ونصيحة مني ... سمبوسة اللحم و الدجاج و البطاطس انا بشويها في الفرن عشان الحشوة فيها زيت ولو قليتها حتشرب زيت اكتر ... و الجبنة مع البقدونس بقليها لأنه لو شويتها حتطلع ناشفة و ما راح تنبلع )))
وطبعا بعد الفطور ... القهوة و الحلا وخلاص انا وزوجي ما بنتسحر ابدا ابدا .. اللهم قبل الفجر نشرب موية و كان الله يحب المحسنين ...
و سبحان الله الواحد اول ما يشرب الموية و التمر يبدا يشبع و ياكل خفيف . بس مافي اي خسارة في رمضان باقي الأكل نحطه تاني يوم مع اضافات جديدة و حلوة .
آآآآآآآآآآآآآآآآآخ ... نسيت اهم شي ... الخشاف ازا بتعرفيه . انا بعمله مش بالموية بعمله بعصير قمر الدين يعني بحط المشمش الجاف مع شوية موية و رشة سكر على النار عشان يصير لين ونضيفه على الفواكه اللي بتحبيها و بعدين نكب عصير قمر الدين و نحطة في التلاجة من الصباح عشان يتشرب زين و تزينيه بالمكسرات ... جربيه طعمه روعة و اتمنى اكون افدتك ... وانا في الخدمة اختي الكريمة ...
بالنسبة للاكل اوفر عليك جهد واقولك اذا تقدرين عندك كتاب امل الجهيمي نخبة الاطباقوالله ماعرفت اطبخ الا بعد الله ثم هو وطبعا مثل ماذكرولك الاخوات تحياتي اختك:s
تسلمون ياحبايب قلبي على الرد والكلام الحلو الله يعطيكم الف عافيه.مشككككووووووووووورين
ياااااااااقلبي العصيررررررررررر تسوية بدرى والسلطات اما الفطاير والسمبوسك مثل ماقالوا الاخوات انا اسوي حق يومين او ثلاثة واحطه بالفريزر واسووووووي شوربة ومكرونه
يعنى واغلب الاحيان في اضافات بس تقريبا هالشئ رئيسي
والله يعين الجميع ويجعلنا من الصوامين القوامين
الروابط المفضلة