اشياء يمكن تفيدكم
السلام عليكم
اليوم حابه اقولكم شي تستفيدون منه ان شاء الله
اولا:الخبزسواء المفرود اوالصامولي اوالتوست او اي توع
اذا شفتيه بيعفن عندك ومافي احد ياكله حمصيه واطحنيه وبيصير لك
زي البقسماط
ثانيا: البصل افرمي كميه على حسب الي تبين اذا كله والا لا
وحطيه بعلب بلاستيكيه وحطيه في الثلاجه ونفس الطريقه مع الطماطم
(لتوفير الوقت)خصوصا ان رمضان على الابواب الله يعيننا على قيامه والتعبد فيه
ثالثا:اذا عندك لحم ذبيحه كثير نظفيه وقطعيه الحجم الي تبين وحطي في الفريزر
ومتى مابغيتي طلعيه وكشني عليه وسويه مقلق او مع رز او حتى يصير لك شاورما لحم
رابعا: الخضار اذا يعفن بسرعه عندك والسبب طبعا الثلاجه خذيه ونظفيه واسلقيه نص سلقه
وبعدين فرزنيه
خامسا: الحبق او النعناع انا بالنسبه لي طريقه تجفيفي له هي احط جريده اوسفره
في الثلاجه وافرده فوقها ومايخرب عندي بسرعه وفي نفس الوقت يتجفف عندي
سادسا:الملوخيه اول ماتشترينها نظفيها وافرميها وحطيها في علبه بلاستيكيه
وحطيها في الفريزر بس بعدين حطيها بالثلج حقها على الكشنه وبيصير طعمها ولا احلى
ان شاء الله اكون افدتكم وماكون طولت عليكم
تحياتي
رد مع الاستدلال
كتبت بواسطة shaier
الروابط المفضلة