يامصريات ادخلوا بسرعة والغير مصريات طبعا يشرفونا

دي اول مشاركة لي في القسم دا

بس قبل ما ابدأ الوصفة دي انا بعملها في كل زمان ومكان ولا اختص بفترة عيد الربيع فقط لان الاحتفال بيه طبعا حرام وبدعة وانا مش مسئولة عن اي حد يعملها في اليوم دا انا بكتب طريقتها بس لانها فعلا حلوة والاطفال بيحبوها وكمان سهلة
بسم الله نبدأ

طريقة عمل المنجئونا

المقادير

كيلو دقيق + ذرة ملح
3بيض + فانيليا
كوب سكر
كوب لبن دافئ
1/2 كوب سمنة + 1/2 كوب زيت
قطعة خميرة ناشفة (من عند المخابز او الي بيبيعوا حلويات وممكن استبداله بالخميرة الفورية بس تكون نوعها ممتاز) طبعا بنذوبها مع شوية ماء دافئ والقليل من السكر

الطريقة

1/ نضع الدقيق مع ذرة الملح و السكر في اناء غويط
2/ يرج البيض مع الفانيليا في صحن بالشوكة ويضاف للخليط
3/ يضاف عليها السمن وتفرك مع بعض جيدا خطوة مهمة
4/ يضاف الخميرة بعد تذويبها في الماء الدفئ ونخلطها
5/ يضاف كوب الحليب الدفئ الثلاث الارباع الاول ونعجنها وبعدين الباقي لحد ماتكون ماسكة في بعضها
6/ لو سايلة يضاف دقيق + ماء
7/ وتخمر حد اقصى 4 ساعات وكل مازاد الوقت كان افضل
8/ نبدا ببرم العجينة ونلفها على شكل حلزوني ترص في فرن متوسط ويدهن الوجة ببيضة
وممكن اضافة بعض الكاكاو او الزبيب
وباذن الله في اقرب فرصة اعملها واصورها على فكرة الطريقة دي بتخلي المنجئونا طرية جدا مش طوب

مشكورة علي الوصفة واكيد الكل بسمش المصريات حيردوا عليك وسلام

تسلم ايديكى

يسلموووو اديك على الوصفه

ألف شكر عزيزتي و بانتظار الصور

الف شكر ليكى وانا على فكره مصريه

الف شكر على تشريفكم لموضوعي واكيد بتمنى الكل يدخل ويجرب المنجئونا
طعمها رائع والاطفال يحبوها قبل الكبار وان شاء الله قريب جدا هعملها وانزل الصور

ألف شكر عزيزتي و بانتظار الصور

شكرا على الوصفه....

انا مصريه بس ما سمعتش قبل كده عن المنجأونه
انتي من بور سعيد ولا ايه
ان شاء الله اجربها وتسلمي يا قمر