إلى بنات حلب الماهرات !!! رجاء خاص

بسم الله الرحمن الرحيم ،
وصباح الخير للجميع خصوصاً بنات حلب الشهباء الحلوين
في كل مرة نزور فيها حلب ناكل اكلات طيبة كتير ونفسي حدا منكم يعلمني طريقة صنعها وهي من نوع المعجنات والساندويشات وهم أولاً عش البلبل الذي يشبه الصفيحة ولكن العجينة كانها مثل البقلاوة وكمان الطوشكا والمعجوقة !!!أرجوكم دلوني عليهم وأي وصفة اردنية او فلسطينية انا تحت امركم لا تنسوني نفسي اعملهم مفاجاة لزوجي عند عودته من السفر لانه اصلاً دارس بحلب وعايش فيها خمس سنوات وشكراً

تبلي اللحمة المفرومة بالبهار ( خلطة بهارات حلب ) و القرفة و بعدها ادعكيها كثير منيح .
جيبي رغيف خبز عربي و يكون حجمه صغير و إذا غير متوفر استخدمي الحجم العادي و بعدها قطعيه .

حطي طبقة لحمة في الخبزة و بعدها غطيها بشرحات الجبنة و بعدها اشويها في الشواية ( السب )او بلتيفال و اضغطى عليها بقماش نظيف و يكون به مثقال ّ يعنى يحشى بشى ثقيل حتى يضغط على العجين و هو يسوى مثل البقجه !
السر أن تكون اللحمة شوي مدهنة لحتى يذوب الدهن و يشربه الخبز و يعطيه نكهة لذيذة ..

أما النكهة المميزة فهي بسبب البهار إلي تشتهر به حلب و يشترى من سوق المدينة و لا تجدين منه إل في حلب و هو عبارة عن فلفل أسود و بهار و أعواد قرفة و قرنفل و حب الهيل و جوز الطيب مخلوط و مطحون ..( و على علمى هناك فتوى بتحريم استخددام جوز الطيب فانا اطلب ان لا يخلط لى الخلطه به )


المناقيش السوريه ( مناقيش زعتر ) عرايس زعتر
..العجينة
2 كوب طحين و نصف كوب ماء دافىء ( مع ملعقتين خميه مذابه + ملعقه سكر صغيره و ماء و ملح دافىء)

ربع كوب زيت زيتون صافى ( او اكثر قليلا )

خلطة الزعتر
10 ملاعق زعتر أخضر مكلَف و نصف كوب زيت زيتون ( الزعتر المستخدم مخلوط بالسمسم و السماق البهارات و ليس الزعلر الايطالى المستخدم بالبيتزا ! و هو معروف عنا باسم الزعتر العربى او الزعتر المكلفّ



الطريقة
توضع الخميرة والسكر ماء دافىء في كوب و يترك ليتخمر ( تفور) و ضعىه في مكان دافىء مدة 5 دقائق حتى ينتفخ المزيج و يظهر على الوجه رغاوى سميكه
الدقيق والملح والسكر في وعاء و يوضع عليه مزيج الخميرة مع الماء والزيت في حفره الدقيق.
تخلط السوائل والدقيقباليد لمدة بضع دقائق.
تترك العجين في مكان دافيء حتى تخمر و تنتفخ قليلا

ينثر قليل من الدقيقعلى مائده نظيفه و تشكل العجين دوائر و تفرد وتترك خمس دقائق لترتاح العجين.
تسطح كل كرة من العجين بباطن اليد ثم بالشوبك حتى تشكل دائرة رغيف .
تحضير خلطة الزعتر: في صحن عميق قليلا يخلط الزعتر مع زيت الزيتون
يفرد الحشو فوق قطع العجين وتصف المنناقيش في صينية مدهونة بالزيت و تدخل فرن 400 فهرنهايت حتى تحمر الوجه

المدلوقه
كنافة- سمنة (نكهة جيدة)- سكر
للتزيين
قشطة - فستق حلبي(مفروم خشن).


الطريقة:

تفرم الكنافة في الة كهربائية (الة فرم اللحمة والكبة مثلا) مع اضافة قليل من السمن اثناء الفرم (حتى يسهل فرمها لانها ناشفة )ثم ترفع على نار هادئة في صينية او طنجرة حسب الاستعمال المريح لك ويجب ان تكون الحرارة معتدلة من جميع الجوانب حتى لا تلزق او تحترق ثم تفرك الكنافة بين راحتي اليدين مع اضافة السكر والسمن تدريجيا والفرك المستمر ثم التذوق واضافت السكر كلما احتاجت والسمن كذالك مع استمرار فركها و النار الهادئة ولمعرفة كفايتها من السمن ناخذ قطعة في يدنا ونضغط عليها ونشعر بالسمن قد خرج منها تكون قد اكتفت اما السكر فهو حسب الذوق ترفع عن النار وتفرد في اطباق ليست عميقة وتترك لتبرد ثم تزين بفرد طبقة من القشطة على وجه الطبق ورش الفستق الحلبي


باسمشكات

المكونات:
لحم ضأن
لحم ضأن مفروم
أرز
عصفر
كمون
فستق حلبي

المرقة:
قرفة
هال
ماء
ورق غار

الطريقة:
يمزج اللحم المفروم مع الأرز، ثم يضاف العصفر والكمون والفستق.
حشواللحم بالمزيج السابق، ثم يلف ويخاط بالخيط ويربط.
تعمل المرقة بإضافة الهال والقرفة والملح والفلفل وورق الغار على الماء.
يوضع اللحم في المرقة، ثم تترك حتى تنضج.
يقدم مع فتة حمص.


و اعطيك رابط للاخت الحبيبه : منى موسوعة المطبخ السوري >> بالخطوات المصورة << اذا احببت عمل الكبه !

و اذا بيجى عابالى شى بارجع اكتبه حبيبتى تمونى و تدللى !


الكنافه النابلسيه :

المقادير: كيلو عجينة كنافة جاهزة
كوب زبدة سائحة
كوب قطر
جبنة نابلسية


الطريقة:يؤخذ نصف عجينة الكنافة المفروكة الجاهزة ، ويفرد في صينية الفرن جيداً .
توزع الجبنة المحلاة فوق الكنافة بالتساوي .
يفرد القسم المتبقي من عجينة الكنافة فوق االجبنة النابلسية بالتساوي ، ويضاف القليل من الزبدة على سطحها .
توضع الصينية في الفرن لمدة نصف ساعة ، حتى يصبح لون عجينة الكنافة ذهبياً.
تخرج الصينية من الفرن ويضاف القطر إلى الكنافة وهي ساخنة.


مقادير القطر :كوبان ونصف من السكر
كوب من الماء
يذوب المزيج على النار . ترفع درجة حرارة المزيج لدرجة الغليان.
بعد الغليان، تضاف ملعقة صغيرة من عصير الليمون الحامض ويترك المزيج حتى يغلي ببطء ويتكاثف . تضاف ملعقة صغيرة من كل من ماء الورد وماء الزهر . يترك المزيج على النار لبضع دقائق ثم يترك ليبرد .


بعطيك كل انواع الكباب الطوشكا و المعجوقه و غيره لانا بحلب نموت على الشقف و البندوره و لا تجدى بيت يخلو منه خاصه يوم الجمعه و حتى لا يتحير اخونا الحبيب بدى اعطيه كل الكباب و الشقف اللى ببالى لانو مختلف من دار لدار و اذا كان بيعرف طعمه تمه بدى اعطيك كل الاسرار حتى تنالى الرضا العالى ههههههه يلا سمى الرحمن و انقلى ورايا يا ام الهنا و السعد بس بلكى تنسينى من الدعاء بزعل ! هههههههه


كباب حلبي :‏


لحمة ناعمة + ملح + مكسرات + بصل + بقدونس تحته بندورة‏


** كباب ديري :‏


لحمة + بقدونس + فليفلة + بصل ناعم‏


** كباب باذنجان :‏


لحم خشنة + باذنجان أسود مشوي + بشرة مؤلفة من بصل مقلي + فليفلة‏


** كباب خشخاش :‏


لحمة خشنة + ثوم + فليفلة + بقدونس + صنوبر‏


** كباب بالكماية :‏


لحمة ناعمة + قطع كماية ¯ صنوبر + مكسرات , تضم بالسيخ قطعة لحمة + قطعة كماية + قطعة دهنه أو بصل .‏


** كباب فروج :‏


صدر فروج مفروم ناعم + ثوم + فليفلة حمرة + دهنة ناعمة‏


** كباب هندي :‏


لحمة مدعبلة على شكل كرات مشوية ثم تقلى مع بندورة + بصل + فليفلة حمرة + دبس رمان , والبعض يضيف إليه السكر‏


** كباب بالصينية »لحمة بالفرن« :‏


لحمة مفرومة وسط وتمد بالصينية ويضاف إليها فليفلة + بندورة + بصل‏


أقراص كباب :‏


هي لحمة ناعمة على شكل قرص تشوى ثم تقلى على النار بإضافة بندورة + بصل + فليفلة‏


** كباب أزمرلي :‏


لحمة ناعمة + جبنة ناعمة + فطر + مكسرات + فليفلة حدة‏


** كباب طوشكا :‏


لحمة ناعمة مفرومة تخلط مع جبنة ناعمة ثم تمد على رغيف خبز وتشوى على النار‏


** عرائس :‏


لحمة ناعمة يضاف إليها بقدونس + بندورة + ثوم + فليفلة مفرومة ناعم ثم تمد على رغيف خبز وتشوى على النار‏


** كباب القمة :‏


لحمة ناعمة يضاف إليها فطر + مكسرات + فليفلة حمرة وتلف على شكل اسطواني وتشوى على الفحم ضمن مشبك‏


** كباب معجوقة :‏


لحمة ناعمة تخلط مع جبنة مفرومة + فطر + مكسرات + فليفلة حمرة ثم يتم شويها على شكل أقراص‏


** كباب كعب الغزال :‏


لحم مدعبلة على شكل كرات تقلى مع دهنة + بصل ثم توضع في صحن ويسكب عليها طرطور‏


** كباب فرنكلي :‏


لحمة مفرومة وسط موضوعة على سيخ شوي + بندورة »كرة لحمة + بندورة« + فليفلة‏


** كباب بالفطر :‏


قطع لحمة صغيرة + فطر صحاح »غير مقطع« مع المكسرات ثم توضع على سيخ شوي وتشوى على الفحم‏


** كباب باشاميل :‏


لحمة ناعمة على شكل كرات يضاف إليها باشميل مغلي على الغاز ثم توضع بالفرن‏


** كباب أنطكلي :‏


كباب مشوي + بصل + بقدونس مفروم ناعم + بندورة + فليفلة مع خبز حار + بصل وبقدونس‏


** كباب بالزعتر الأخضر :‏


لحمة ناعمة متبلة بزعتر أخضر + مكسرات ثم تشوى على الفحم أقراص كباب مخضرة‏


لحمة ناعمة مفروم معها بقدونس + بصل + فليفلة + مكسرات + بندورة شوي‏


** كباب أضنة :‏


لحمة ناعمة + مكسرات + فليفلة حمرة حارة موضوعة على سيخ شوي ثخين‏


** كباب بالكرز :‏


لحمة مدعبلة مشوية + عصير الكرز مغلي + خبز + صنوبر والبعض يضع عصير دبس الرمان عوضاً عن عصير الكرز ويطلق عليها لحمة بدبس الرمان‏


** أورمان كبابي :‏


من التركية بمعنى كباب الغابة , اللحم يقطع قطعاً كبيرة ويطبخ بالحامض مع ماء البندورة .‏


** شيش كباب :‏


من التركية بمعنى لحم السيخ أي المضمون فيه ليشوى .‏


** طاس كباب :‏


أو كباب الطاس من التركية حيث يقطع اللحم قطعاً كبيرة ويطبخ , بماء البندورة فقط , ويقولون : رز عليه طاس وكباب‏

أختي الحبيبة ام تيم الله
شكرا لك مليون شكر والله اني باحب اهل حلب كتييير وكان عندي زمان صديقات من حلب زرتهم فيها والله اني مشتاقة لحلب وجوها وناسها كتير ، شكرا الك
بس عندي سؤال انا مرة جربت الطوشكا بس ما استوت منيح على شواية التيفال حسيت اللحمة ضلت نية ليش يا ترى ؟
والمعجوقة يعني كمان احطها بداخل الخبزة ؟ هيك اكلناها في مطعم اسمه منتدى حلب السياحي وما كانت اقراص بس كانت تحرق كتير
وبقية انواع الكباب اخلط المكونات لكل نوع مع بعض واشويهم شوي بالفرن ؟
طلعوا اكتر من سؤال ..........ان شاء الله يصح لنا السنة ننزل على حلب بالربيع !!!!!!!

ههههه اهلين عيونى ! لا يهمك تمونى و تدللى
و الله المشكل انا دايما نستخدم شى اسمو ( طاوله زهر) متل التيفال بس ثقيله و تكون بالبيوت التقليديه و هى تطيب اللحم منيح بلا مجهود بس لانو ما عندك منها فلابد التيفال او اذا عندك شى صاج او تشوى بالفحم متلا لابد من الحايل ههههههه بعرف شو بتقصدى بس التسويه اولا تكون على الهادى و شوى بتعلى النار و هى بدها حنكه شوى بس فى الاول لانو منك متعوده على التسويه بالتيفال انا ما كنت املك التسويه منيح !
اما عن انواع الكباب بالطبع التسويه بالشوى اطيب كتيييييييير بس لانو ما عندنا الادوات المناسبه يسوى الفرن ما فيها شى بس اللى بدو نكهه الشوى بدك تساويه بوضع قطعه فحم مشتعله بكاسه بها زيت و بس تطيب غطيها بالفويل ( ورق القصدير ) حتى تأخذ طعمه الشوى
و اذا بتطيبيها على الجريل بيكون اطيب !
و اذا بتزلى على حلب بيكون اطيب و اطيب هههههههههههه هيك بنضمن المضبوط ! و اذا صفى لك يمكنك تشترى الادوات المناسبه ان شاء الله حتى يمكنك تطيبى الكباب
ارجو ان اكون قد اجبت على اسئلتك و الله هاذا قدر معلوماتى الضئيله بس انا بالاكل افيدك اكثر ههههههه فساويها و انا اذوق و احكم
تحياتى ّ

شوفي هالرابط فيه كثير اكلات حلبية
يمنع وضع رابط منتديات اخرى
اااه على حلب نيال كل واحد ساكن بحلب
اااه على الغربة الله يرجعنا لحلب وبقى ونستمتع فيها والله غير شيء اكلاتها وعاداتها خخخخخخخ

عزيزتي فيوليتا
مفاجأة حلوة لما شفت موضوعك و أسئلتك عن الأكلات الحلبية بتمنى إني أقدر أساعدك
بالنسبة لعش البلبل اللي سألتي عنو فمن المهم أني أوضح أنو عجينتو بتتكون من الطحين و الماء و الملح
ترق العجين و تدهن بالسمن العربي ( الحموي ) و تكرر عملية الرق و الدهن عدة مرات لضمان الحصول على عجين مورق و بعدها تقطع العجينة الي قطع أو كرات صغيرة و تفرد ثم يوضع عليها الحشو المؤلف من اللحم المفروم و يحبذ أن يكون به قليل من الدهن و يتبل بالملح و البهار الحلبي ( بعض الناس بيسموه دقة ) و دبس الرمان و البصل المفروم ناعم و الصنوبر ثم يخبز بالفرن حتى ينضج و هناك من يطلب من الفران أن يزيد قليلا من مدة الشوي حتى يتقرمش العجين و متل مالك شايفة العجينة دسمة جدا و بالتالي فهي من الأكلات الدسمة يعني بتنفع للريجيم متل معظم الطبخ الحلبي
عزيزتي أي سؤال بتحبي تسألي عنو بخصوص الأكل الحلبي أنا جاهزة اللي بعرفو بقولك عليه و اللي ما بعرفو بسأل عنو فأختك مامتها حلبية و متزوجة من حلبي و تعيش في حلب بس فيني عرق شامي لأنو والدي الله يحفظو من الشام
بالنسبة للأخت أم تيم فالله يجازيها الخير كلو أعطتك وصفات حلوة كتير و متنوعة بس حبيت أضيف شغلة بسيطة كتير أنو لحتى تضمني نضج الطوشكا فعليك أن :
1- لا تضعي اللحم بها بطبقة سميكة
2-استخدمي أرغفة خبز سميكة نوعا ما
3-تحكمي بدرجة حرارة النار بحيث ما تكون حامية كتير
أم التقى بتمنى من الله أن يجمع شملها بمن تحب و أن تعود من غربتها بالسلامة لحتى تنور حلب برجوعها و بزيارتك يا أختي فيوليتا
خواتي في موضوع لماما حميدة في ركن ملتقى الإخاء و الترحيب أسمه تعالو نتعرف أكثراللي بتحب منكون تشارك فيه الحلو بالموضوع أنو بيخلينا نعرف مع مين عم نحكي نوعا ما

يسلموا ايديكم والله انكم ما قصرتوا بس صرت محتارة شو اعمل يوم رجوع زوجي من السفر من كل هالكبب ، عنجد شكل عش البلبل صعب كتير باخاف العجينة ما تنجح معي رح اجرب الطوشكا قبل رجعته اذا نجحت باعيدها واذا لأ ما باجيب سيرة المشكلة انه الجريل تبعي بيكهرب

اكلات حلوة

تسلم الايادي

اريد ان اسأل عن عش البلبل


اللحمة فيها بصل؟؟ وهل اطبخ اللحمة بدبس الرمان قبل الشوي ام اضع الحشوة نية عبى العجين قبل الشوي؟؟؟؟؟؟؟؟؟؟؟


ولكم جزيل الشكر

اهلا و سهلا بالكل و يسلموا هالايدين لأنا كمان أمى و ستى حلبية و أبى شامى أصيل ..أنا مغتربة و أرحب بكل من يساعدنى لحتى اتقن الأكل الحلبى و أنا معتمدة على الله و أرجو مساعدة بنات حلب بلد المحاشى و الكبب بلد المعالى و الرتب كما بتحب أمى تقول ..أمى لأنو تجوزت بالشام نسيت كتير من الوصفات الحلبية و أنا كتير بستحى بحالى لأنو كتير بيطلبوا منى أكلات و انا أحيانا ما بعرف حتى شو هى و أكتر أكلة بحبه كتيرهى اللحمه بكرز و أنا بدى أعرف نوعية الكرز و الطريقة بالتفصيل لأنى بصراحة مانى كتير شاطرة و الله يساعد كل اللى بيساعد