يافا .... علمينا مما علمك الله ....

**أفنـ أم عمر ـان** · 21-05-2002, 03:34 PM

يافا ,
فهمت من كلامك إنك فناااااااااااانة بصنع الخبز , وبتعمليه أشكااال ألواااان ...

ممكن لو سمحتِ تكتبيلنا بهالموضوع أنواع الخبز اللي بتعرفيها كل يوم أو يومين نوع , ما بنثقل عليكِ(لا والله مش طالبه كتيير <<< اسم الله عليكِ !

)

يافااااااا , حبيبة ألبي إنتِ ...علمينا

شو رأيكم يا صبايا !!! ما بدكم تعلمنا , ترى يافا بتصحى كل يوم من الساعة 6 تعجن وتخبز وبتعمل الخبز أشكال ألوان ! يعني ما فينا نذوق خبزاتها خليها تعلمنا ...شو رأيكم ؟؟؟؟؟

**إيمان علي** · 21-05-2002, 05:00 PM

وأنا بأيدك مليون بالمية يا قطر الندى. أنا كمان طلبت منها طلب وقالت رح تحاول. طلبي كان (بدي تأييد)، بما انها فنانة بدي أتعلم تزيين الطاولة بالأكل، يعني التقديم presentation. تشكيل الأكل، وترتيبه والأكل الخفيف السريع مثل المعجنات البسيطة، والساندويشات اللذيذة. بشوف بالتلفزيون منظر الطاولة بيشهي أكثر من طعم الأكل.... يالله يافا، خلص صحيتي زمان، ردي علينا.

**جنة الخلد** · 21-05-2002, 05:47 PM

صراحه انا كمان اشتقت من كلامكم خواتى ياالله يا يافا احنا بنتظارك على احر من الجمر ..

**yafa** · 21-05-2002, 07:01 PM

يا جماعة الخير الكوميبوتر عندي بودع الله يعلم شو فيه طيب يا تلميذاتي الشاطرات انا رح اعلمكم الخبز المجدل اليوم اول درس ولا يهمكم وبعدين بنصير في الطاوله حبه حبه علي
المقادير

**yafa** · 21-05-2002, 07:08 PM

2 ملعقه كبيره خميره
6 ملاعق كبيره سكر 6 كوب طحين
نص ملعقه صغيره ملح
2 كوب ماء فاتره
3 بيضات ربع كوب زيت كانولا او مازولا ولا زعلكوا هذه خليليه زعلكوا
اشوي زعفران ونص ملغقه صغيره مستكه

**um samer** · 21-05-2002, 07:10 PM

شو يا يافا كمبيوترك ودع خلاص ،،يا ريته يكون ما ودع لحتى نتعلم الشغلات الطيبة ..وأنا مع الأخوات

**yafa** · 21-05-2002, 07:20 PM

اولا جيبي الطحين واعملي حفره فيه ومن حفره حفره لاخيه وقع فيها

سخيفه والله بعدين
اخلطي البيض مع الماء وقبلها ذوبي الخميره بشوية ماء وديري كله بالحفره الله ما يوقع
حدا بحفره بعد ذالك بتدقي المستكه في امدقة التومه وبتضعي فيها سكر علشان اتذوب بسرعه
وبعدها بتكوني ناقعه الزعفران قبل 5 ساعات او ساعتين وبعد ذالك بتخلطي كل شي مع بعضه وبصير عندك عجينه امرتبه ومحترمه وهذه الوصفه ما بنفع فيها حليب لانه انا ما بحب الفلسفه
بالطبخ وبعد ذالك بعد ما تعجني كل شئ بتتركي العجينه تخمر ساعتين انا بصراحه بنصح
انه تعمليها قبل بيوم وتضعيها في كيس نايلون الله ما يخنق حدا حتي اتريحيها لانه اذا ريحتيها
بتريحك وبتمشي علي العجين ما بتلخبطه وبعد ذالك بترقيها علي لوح العجين

**yafa** · 21-05-2002, 07:22 PM

يا سينو صار الكوميوتر يمشي علي العجين ما يلخبطه بس عرف انه ايمان موجوده خايف منها والله وانا كمان خايفه اتوسطي لي عندها يا سينو ماهيي صاحبتك

**um samer** · 21-05-2002, 08:27 PM

بتصدقي يا يافا إنه بعد ما كتبت الرد الأول ودع كمبيوتري بس هلأ رجع ،،الله يخليلي إياه وما يحرمني منه (شفتي من كثرة ما هو غالي علي ) وبالنسبة لطريقتك ممتازة الله يسلم إيديكي ،،وبشو بدك إياني أتوسطلك عند إيمان !!!!!!!!

**yafa** · 21-05-2002, 08:35 PM

لما اترقيها بتعملي 3 حبال وبتلزقيهم من فوق اشوي وبتعملي جدوله يا خساره يا ليت عندي بنت
حلوه كان عملت لها جدوله وبعد ذالك بتجيبي صينيه بتمسحيها بالسمنه وبتحطي فوقها ورق شمع
او ورق فرن شو بعرفني اللي هو وبتتركي الجدوله وبتجيبي كيس نايلون علشان وبتحطي الصينيه
فيه وبعد ذالك بتتركيها تخمر من ساعه الي ساعه ونص وبعدها بتمسحي الجدوله في خلطة البيض