البف او السنبوسه البيتي بالحشوة الخاصه من مطبخي صور**

**الـ طبعي ـود** · 12-09-2006, 12:34 AM

السلام عليكم ورحمة الله وبركاته

واخيراً سويت البف او السنبوسه البيتي اول مره

طبعاً الطرق كثيره ونا اخذت اسهل شي

(بس الحشوه من تاليفي )
والشكر للاخوات جمعت عدة طرق واجتهدت بالباقي

المهم اول شي العجينه

4 اكواب دقيق + 6 ملاعق اكل زيت +ملح والمويه على حسب مقدار الدقيق

اعجنيها واتركيها ترتاح لما تسوي الحشوه

الحشوة عباره عن

جزرتين مبشوره +حبتين كوسه مبشوره +حبة بطاطه مبشوره

تشوح على النار شوي ثم يضاف شوي زيت (قليل مره ) وتضاف البهارات ( فلفل اسود او ابيض انا جمعت الاثنين

وشوي بهارات مشكله

ويقلب ليما ينشف وتطلع ريحته امممممم ونطفي النار ثم نضيف

ملعقتين كبار ماش مسلوق وملعقتين كبار لوبيا حمرا صغيره مسلوقه طبعاً جمعتها وسلقتها مع بعض

( +ملعقتين كبار ذره +ملعقتين كبار بازلا)هاذي ما تحتاج سلق لانه جاهزه من الي بالعلب

وضمه صغيره بقدونس وشوي كراث اذا توفر

وهاذي الحشوه

بعدين نبداء نشتغل على العجين باي تشكيله تريديها
وهاذي الصوره بعد الفرن

الحشوه من الداخل

هاذي بالجبن فرزنتها وما تذكرت اصورها إلا بعد ما جمدت

وهاذي الصغار(2)بس بقية من العجين بالجبن طبعاً بغيت اكلها نيه من حلاتها هههههههههه

وتراهي نيه لسا بس ما ادري وش في الصور كاني مطلعتها من الفرن

وبالعافيه على قلوبكم واتمني تعجبكم الحشوه

نسيت اقلكم اني سويتها بالفرن ما قليتها