الخبز الإيراني بالخطوات المصورة من جدتي فديت قلبها..

المقادير:
6 ك طحين اسمر
3 ك طحين ابيض
2 م/ك خميرة "وشوي سكر عشان الخميرة"
ماء دافىء للعجن
ملح

هذا التنور الخاص بالخبز..



وهذي الكوشية "المخدة" اللي نضرب فيها الخبز داخل النتور "ترى اهيه كوشية الكنبة وعليها خامة نظيفة"..



الطريقة:
نعجن المقادير الى ان تصبح لدينا عجينة طرية لما تحطين اصابعج تتشكل جذي ماراح تروح "بس كل ما تقلبينها تغمسين ايدج بالماي"..










لاحضوا شلون اثار الاصابع ما تروح بسهولة <<< يعني جاهزة تخمر..



نتركها تتخمر الى ان يتضاعف حجمها ويفضل تركها بمكان دافىء أو حار نسبيا لسرعة تخميرها..

تكور العجينة الى كور صغيرة ونرشها بشويه طحين اسمر ونحطها بصواني مرشوشة طحين وتترك لتتخمر لمدة ربع ساعة..





نفرد العجينة ونرقها وبعدين نحطها على الكوشية ونكمل رقها بسحب اطرافها وتشكيلها على شكل الكوشية بهالطريقة "ممكن ترشونها السمسم وحبة البركة تطلع تهبل"..





نضرب الكوشية داخل التنور وهذا شكل العجينة بعد ما التصقت..



وهذا شكل الخبز بعد ما بدا ينضج..





وهذا الشكل النهائي..



انا جربت الصقها داخر التنور بس لاني جبانة اخاف احترق لصقتها باعلى طرف شوفوا <<< مستانسة عليها وانا اللي اكلتها ترى..

شكراااااااااااااااا كتيررررررررررررررر تسلم ايدك

السلام عليكم
تمنيت آكل هذا النوع من الخبز شكله بيشهي
شكرا لك يا أختي على المجهود

يعطيكي العافية انتي و جدتك
شكلو بيشهي

ماشاء الله عليك روعه

الله يعطيك العافيه

يسلم اياديكي وايادي جدتك بس من فين اقدر اجيب التنور؟

تسلمون ولي ردة ان شاء الله

السلام عليكم

اخخخخ ياريت تبعثيلي هالخبزات

على فكرة هالخبز عراقي مو ايراني بالعراق نخبزه هيك وبنفس الفرن

تسلمون حبيباتي ماتقصرون ..

كتبت بواسطة um Emeen

السلام عليكم

اخخخخ ياريت تبعثيلي هالخبزات

على فكرة هالخبز عراقي مو ايراني بالعراق نخبزه هيك وبنفس الفرن

افا عليج حبيبتي انت وين وانا ادزهم لج بالبريد المستعجل ..

وسالفة انه عراقي يجوز بس عندنا بالكويت اسمه الخبز الايراني من سنة جدي ، وكل الخبازين اللي يسوونه عندنا ايرانيين ..